Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ସାଲେପୁର : ମକର ଯାତ୍ରାରୁ ନାବାଳିକାଙ୍କୁ ଟେକି ନେଇ ନଦୀପଠାରେ ଗଣଦୁଷ୍କର୍ମ, ଥାନାରେ ଏତଲା, ଭାଇରାଲ୍ ଭିଡିଓ ନେଇ ପୋଲିସର ଛାନଭିନ୍
  • ||
  • କେନ୍ଦ୍ରାପଡା : ଚିକିତ୍ସା ଅବହେଳାରୁ ରୋଗୀ ମୃତ୍ୟୁ ଅଭିଯୋଗ, ସିଡିଏମ୍‌ଓଙ୍କ କାର୍ଯ୍ୟାଳୟ ଆଗରେ ମୃତଦେହ ରଖି ପରିବାର ଲୋକଙ୍କ ଧାରଣା
  • ||
  • ବୌଦ୍ଧ : ATMରୁ ବାହାରିଲା କାଗଜ ପେଷ୍ଟ ଥିବା ୨୦ଟି ୫ଶହ ଟଙ୍କିଆ ନୋଟ୍, ଫେରସ୍ତ ନେବାକୁ ମନାକଲା ବ୍ୟାଙ୍କ୍ !
  • ||
  • ଭୁବନେଶ୍ବର : ରାଜ୍ୟରେ ବୁଧବାରଠୁ ପୁଣି ଟିକାକରଣ, ଟିକା ନେବେ ବଳକା ୧ ଲକ୍ଷ ୭୩ ହଜାର ୬୩୬ ଜଣ ସ୍ଵାସ୍ଥ୍ୟକର୍ମୀ
  • ||
  • ସମ୍ବଲପୁର : କିନ୍ନରଙ୍କଠାରୁ ୩ବର୍ଷର ଶିଶୁ କନ୍ୟାକୁ ଉଦ୍ଧାର କଲା ଚାଇଲ୍ଡ ଲାଇନ୍, ଚୋରି ସନ୍ଦେହ
  • ||
  • ଭୁବନେଶ୍ବର : STF ପଞ୍ଝାରେ ଧଳା ଜହର ବେପାରୀ, କୋଟିଏରୁ ଅଧିକ ଟଙ୍କାର ବ୍ରାଉନସୁଗାର ଜବତ
  • ||
  • ନବରଙ୍ଗପୁର : ଚଳନ୍ତା କାର୍‌ରେ ଲାଗିଲା ନିଆଁ, ଅଳ୍ପକେ ବର୍ତ୍ତିଲେ ଯାତ୍ରୀ
  • ||
  • ଢେଙ୍କାନାଳ : ହାତୀ ପୁଣି ନେଲା ଆଉ ଜଣଙ୍କ ଜୀବନ, ଶୌଚ ହେବାକୁ ଯାଇଥିବା କଚାଡି ମାରିଲା ଦନ୍ତା
  • ||
  • ବଲାଙ୍ଗୀର : ବିଚାରାଧୀନ କଏଦୀ ମୃତ, ହତ୍ୟା ମାମଲାରେ ଥିଲେ ଅଭିଯୁକ୍ତ
  • ||
  • ଶହେ ତଳକୁ ଖସିଲା ଦୈନିକ ସଂକ୍ରମିତଙ୍କ ସଂଖ୍ୟା : ରାଜ୍ୟରେ ଚିହ୍ନଟ ହେଲେ ଆଉ ୯୯ କୋଭିଡ୍ ପଜିଟିଭ୍‌, ୩୩୪୫୨୯ରେ ପହଞ୍ଚିଲା ଆକ୍ରାନ୍ତଙ୍କ ସଂଖ୍ୟା
  • ||

କିଏ ସେ ଯୁବତୀ ? ବର ମୁଣ୍ଡରେ ୫୦୦ ଟଙ୍କିଆ ନୋଟ୍ ଲଗାଇ ଫଟୋ ଉଠାଇ ସମସ୍ତଙ୍କ ସାମ୍ନାରେ ବରକୁ ନେଇ ଫୁର୍ ହୋଇଗଲେ, ଅଧା ବାଟରୁ ଫେରିଗଲେ ବରଯାତ୍ରୀ

14/12/2020 at 7:21 PM

ଲକ୍ଷ୍ନୌ ୧୪/୧୨ : କନ୍ୟା ନେବାକୁ ବ୍ୟାଣ୍ଡବାଜା ସହ ରୋଷଣୀ କରି ବାହାରିଲେ ବରଯାତ୍ରୀ। ଠିକ୍ ସେତିକିବେଳେ ଜଣେ ଯୁବତୀ ଫିଲ୍ମି ଷ୍ଟାଇଲରେ ଆସି ବର ବସିଥିବା ରଥ ଉପରେ ଚଢି ବର ମୁଣ୍ଡରେ ୫୦୦ ଟଙ୍କିଆ ନୋଟ ଲଗାଇ ଫଟୋ ଉଠାଇଥିଲେ। ଏହାପରେ ଯୁବତୀ ଜଣକ ବରର ହାତ ଧରି ତାଙ୍କୁ କାରରେ ବସାଇ ସେଠାରୁ ଫୁର ହୋଇଯାଇଥିଲେ। ମାମଲା ଉତ୍ତର ପ୍ରଦେଶ ବନ୍ଦାୟୁର।

ବରଯାତ୍ରୀ ନେଇ ବାହା ହେବାକୁ ଯାଉଥିବା ବେଳେ ଯୁବକଙ୍କ ପ୍ରଥମ ପତ୍ନୀ ତାଙ୍କୁ ରାସ୍ତାରେ ଅଟକାଇ ଦେଇଥିଲେ। ରଥ ଉପରେ ଚଢି ସେ ଯୁବକଙ୍କୁ ଧମକ ଦେଇଥିଲେ ଯେ ଯଦି ସେ କୌଣସି ତାମସା ଚାହୁଁ ନାହାନ୍ତି ତାହେଲେ ଉଁ ଚୁଁ ନ କରି ସିଧା ତାଙ୍କ ସହ ଚାଲନ୍ତୁ। ଯୁବକ ରଥରେ ନିଜ ପଗଡି ଓହ୍ଲାଇ କାରରେ ପ୍ରଥମ ପତ୍ନୀ ସହ ଚାଲିଗଲେ। ବରଯାତ୍ରୀ ଆଁ କରି ସବୁ ଘଟଣା ଦେଖୁଥିଲେ କିନ୍ତୁ କିଛି ବୁଝି ପାରିନଥିଲେ। ଘଟଣାକୁ ନେଇ ସେହି ଅଞ୍ଚଳରେ ଖୁବ ଚର୍ଚ୍ଚା ହୋଇଥିଲା।

ମାମଲା ଉଝନି ଅଞ୍ଚଳର। ଏଠାରେ ରହୁଥିବା ଜଣେ ଯୁବକ ଦିଲ୍ଲୀରେ ଚାକିରୀ କରୁଥିଲେ। ସେଠାରେ ଜଣେ ଯୁବତୀଙ୍କ ସହ ତାଙ୍କର ସାକ୍ଷାତ ହୋଇଥିଲା। ଉଭୟ ଦିଲ୍ଲୀରେ ବାହା ହୋଇଯାଇଥିଲେ। କିନ୍ତୁ ଯୁବକଜଣକ ନିଜ ଘର ଲୋକଙ୍କୁ ବିବାହ ସମ୍ପର୍କରେ ନ ଜଣାଇ ସତ ଲୁଚାଇ ରଖିଥିଲେ। ଫଳରେ ପରିବାର ଲୋକ ଯୁବକଙ୍କ ବାହାଘର ଆଉ ଜଣେ ଯୁବତୀଙ୍କ ସହ ଠିକ କରିଦେଲେ।

ଯୁବକ ପାଖାପାଖି ୧୦ ଦିନ ପୂର୍ବରୁ ଗାଁକୁ ଆସିଥିଲେ। ସେତେବେଳେ ଘରଲୋକ କହିଥିଲେ ଯେ ତାଙ୍କ ବାହାଘର ଠିକ କରାଯାଇଛି ଏବଂ ବ୍ୟାଣ୍ଡବାଜା ସବୁ ବୁକ ହେଇସାରିଛି। କୌଣସି କଳହ ନ ହେଉ ବୋଲି ସେ ଚୁପ ରହିଲେ ଏବଂ ମାମଲା ଚାପିଦେଲେ। ଗତକାଲି, ରବିବାର ଦିନ ବିବାହର ସବୁ ରୀତିନୀତି ଆରମ୍ଭ ହୋଇଥିଲା। ଏହାପରେ ବରଯାତ୍ରୀ ବାହାରିଥିଲେ। କୌଣସି ପ୍ରକାରେ ଏ ସମ୍ପର୍କରେ ଯୁବକଙ୍କ ଦିଲ୍ଲୀରେ ଥିବା ପତ୍ନୀ ଜାଣିବାକୁ ପାଇଲେ ଏବଂ କାର ଧରି ସେଠାରେ ପହଞ୍ଚିଲେ। ସେତେବେଳେ ବରଯାତ୍ରୀ ଗୀତ ଓ ବ୍ୟାଣ୍ଡ ବାଜାର ତାଳେ ତାଳେ ନାଚି ନାଚି ଯାଉଥିଲେ।

ପତ୍ନୀ ତାଙ୍କ ସ୍ୱାମୀ ବସିଥିବା ରଥରେ ଚଢି ତାଙ୍କ ମୁଣ୍ଡରେ ୫୦୦ ଟଙ୍କିଆ ନୋଟ ଲଗାଇ ଫଟୋ ଉଠାଇଥିଲେ। ଏହା ଦେଖି ଲୋକେ ଆଶ୍ଚର୍ଯ୍ୟ ହୋଇଯାଇଥିଲେ। ବରଯାତ୍ରୀ ଜାଣିପାରିନଥିଲେ ଯେ ଯୁବତୀ ଜଣକ କିଏ। ଏହାପରେ ସେ ନିଜ ସ୍ୱାମୀକୁ ଧମକାଇ କାରରେ ବସିବାକୁ କହିଥିଲେ ଓ ତାଙ୍କୁ ନେଇ ସେଠାରୁ ଚାଲି ଯାଇଥିଲେ। ଏହାପରେ ବରଯାତ୍ରୀ ଅଧା ବାଟରୁ ଫେରି ଆସିଥିଲା। ତେବେ ଏପର୍ଯ୍ୟନ୍ତ କୌଣସି ପକ୍ଷ ଏହି ମାମଲାରେ ଥାନାରେ କୌଣସି ଅଭିଯୋଗ କରିନାହାନ୍ତି।

   Related Posts