ori homes
previous arrow
next arrow

Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଟୁରିଷ୍ଟ ବସ୍‌ ଦୁର୍ଘଟଣା ପ୍ରସଙ୍ଗରେ ପରିବହନ ମନ୍ତ୍ରୀଙ୍କ ପ୍ରତିକ୍ରିୟା, କଳିଙ୍ଗା ଘାଟି ଦେଇ ଯିବନାହିଁ ଟୁରିଷ୍ଟ ବସ୍‌
  • ||
  • କେଦାରନାଥ ଯାତ୍ରାରେ ବାଧକ ସାଜିଛି ତୁଷାରପାତ, ବାରମ୍ବାର ଫସୁଛନ୍ତି ଯାତ୍ରୀ
  • ||
  • ଦେଶରେ କମୁଛି ସଂକ୍ରମଣ, ୨୪ ଘଣ୍ଟାରେ ବାହାରିଲେ ୨୧୨୪ କୋଭିଡ୍ ପଜିଟିଭ୍
  • ||
  • ରାଜ୍ୟରେ ହାରୁଛି କରୋନା, ୨୪ ଘଣ୍ଟାରେ ବାହାରିଲେ ୩ କୋଭିଡ୍ ପଜିଟିଭ୍
  • ||
  • ରାଇରଙ୍ଗପୁର: ଗୋରୁ ବେପାରୀଙ୍କୁ ଗୁଳିକରି ହତ୍ୟା, ୨୦ ଲକ୍ଷ ଲୁଟ୍‌
  • ||
  • ପୁରୀ : ବୁଧବାର ମହାପ୍ରଭୁଙ୍କ ବନକଲାଗି, ୪ ଘଣ୍ଟା ବନ୍ଦ ରହିବ ଦର୍ଶନ
  • ||

ପ୍ରବଳ ବର୍ଷାରେ ରାଜଧାନୀ ରାଜରାସ୍ତାରେ ପଡି ରହିଥିଲେ ଯୁବତୀ : ଜାଣନ୍ତୁ କାରଣ କଣ ଆଉ କଣ ହେଲା ତାଙ୍କ ସହ

12/10/2018 at 5:15 PM

ଭୁବନେଶ୍ବର୧୨|୧୦: ରାଜଧାନୀରେ ଆଜି ବର୍ଷାର ପ୍ରକୋପ ବେଶ୍ ଅଧିକ ଥିଲା । ଠିକ୍ ଏତିକି ବେଳେ ଲୋୟର ପିଏମଜିରେ ଦେଖିବାକୁ ମିଳିଥିଲା ଅଭାବନୀୟ ଦୃଶ୍ୟ ।  ପ୍ରବଳ ବର୍ଷାରେ ଜଣେ ଯୁବତୀ ରାସ୍ତା ଉପରେ ପଡ଼ି ରହିଥିଲେ । ତେବେ କାହିଁକି ଯୁବତୀ ଜଣକ ଏତେ ବର୍ଷାରେ ରାସ୍ତାରେ ପଡ଼ି ରହିଥିଲେ, ଆସନ୍ତୁ ଜାଣିବା ।

ପ୍ରବଳ ବର୍ଷା । ଘରୁ ବାହାରିବା ମୁସ୍କିଲ । ଠିକ୍ ଏତିକିବେଳେ ରାଜଧାନୀର ଲୋୟର ପିଏମଜିରେ ଦେଖିବାକୁ ମିଳିଥିଲା ଅଭାବନୀୟ ଦୃଶ୍ୟ । ପ୍ରବଳ ବର୍ଷାରେ ଜଣେ ଯୁବତୀ ରାସ୍ତା ଉପରେ ପଡ଼ି ରହିଥିଲେ । ଆଉ ତାଙ୍କୁ ଉଠାଇବାକୁ ନାକେଦମ ହୋଇଥିଲା ପୋଲିସ । ଘଟଣା ବୁଝିବାରୁ ଜଣାପଡ଼ିଥିଲା କି, ୟେ ହେଉଛନ୍ତି ପାର୍ବତୀ ମାଝୀ । କୋରାପୁଟ ଲମତାପୁଟର ୨ ଭଉଣୀ ପାର୍ବତୀ ମାଝୀ ଓ ଦଇମତି ମାଝୀ ଗଲା ବର୍ଷେ ହେଲା ଲୋୟର ପିଏମଜିରେ ଧାରଣା ଦେଇଛନ୍ତି । ପିତା-ମାତାଙ୍କ ଦେହାନ୍ତ ପରେ କିଛି ଅସମାଜିକ ବ୍ୟକ୍ତି ସେମାନଙ୍କ ସମ୍ପତ୍ତି ହଡ଼ପ କରି ନେଇଥିବା ସେମାନେ ଅଭିଯୋଗ କରିଛନ୍ତି । ହେଲେ ତାଙ୍କ ଦୁଃଖ କାହାରି କାନକୁ ଶୁଭୁନି । ଶୀତ-କାକର ହେଉକି ଝଡ଼ ତୋଫାନ, ନ୍ୟାୟ ଆଶାରେ ସେମାନେ ରାଜରାସ୍ତାରେ ପଡ଼ି ରହୁଛନ୍ତି । ତେବେ ଲୋୟର ପିଏମଜିରେ ଧାରଣାରେ ଥିବା ବେଳେ କେହି ଦୁର୍ବୃତ୍ତ କାଲି ରାତିରେ ସେମାନଙ୍କ ସବୁ ଜିନିଷପତ୍ର ଚୋରି କରି ନେଇଛି । ଯେଉଁଥିରେ ଅନେକ ଜରୁରୀ କାଗଜପତ୍ର ଥିଲା । ସକାଳୁ ଥାନାରେ ଏଫଆଇଆର ବି ଦେଇଛନ୍ତି ।  ପୋଲିସ ଏ ସଂପର୍କରେ ତତ୍ପରତା ପ୍ରକାଶ କରୁ ବୋଲି  ଦାବି କରି ସେ ରାସ୍ତା ମଝିରେ ବର୍ଷାରେ ସେମିତି ବସି ରହିଥିଲେ । କିଛି ଘଣ୍ଟା ପରେ ତାଙ୍କ ଶରୀର କୋଲାପ୍ସ ହୋଇ ଯାଇଥିଲା । ତେବେ ଗଣମାଧ୍ୟମ ପ୍ରତିନିଧିମାନଙ୍କ ହସ୍ତକ୍ଷେପ ପରେ  ତାଙ୍କୁ ସେଠାରୁ ନେଇ କ୍ୟାପିଟାଲ ହସ୍ପିଟାଲରେ ଭର୍ତ୍ତି କରିଛି ପୋଲିସ। ଏହା ସହ ତାଙ୍କ ଜିନିଷ ଚୋରିର ତଦନ୍ତ କରାଯାଉଥିବା ପୋଲିସ କହିଛି ।

   Related Posts