Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଶ୍ରୀମନ୍ଦିର ବନ୍ଦ, ସେବାୟତ ପରିବାରଙ୍କୁ ୧୦ ହଜାର ଟଙ୍କା ଲେଖାଏଁ ସହାୟତା ପ୍ରଦାନ କଲା ଶ୍ରୀ ମନ୍ଦିର ପ୍ରଶାସନ
  • ||
  • କୋଭିସିଲ୍ଡର ଦୁଇ ଡୋଜ୍ ମଧ୍ୟରେ ବ୍ୟବଧାନ ରହିବ ୧୨ ରୁ ୧୬ ସପ୍ତାହ, ପ୍ରସ୍ତାବକୁ ସ୍ଵୀକାର କଲେ କେନ୍ଦ୍ର ସରକାର
  • ||
  • କରୋନା ଲଢେଇରେ ମିଳିଲା ତୃତୀୟ ଅସ୍ତ୍ର ! ଆଗାମୀ ସପ୍ତାହରେ ବଜାରରେ ମିଳିବ ସ୍ପୁଟନିକ୍-ଭି, ଜୁଲାଇରେ ଦେଶରେ ଆରମ୍ଭ ହେବ ଉତ୍ପାଦନ
  • ||
  • ପାଟନା : ମେ’ ୨୫ ଯାଏଁ ରାଜ୍ୟରେ ବଢିଲା ଲକ୍‌ଡାଉନ୍, ବିହାର ମୁଖ୍ୟମନ୍ତ୍ରୀ କଲେ ଘୋଷଣା
  • ||
  • ମୁମ୍ବାଇ : ଟିଭି ଅଭିନେତା ରାଜୀବ ପାଲ୍ କରୋନା ସଂକ୍ରମିତ, ହସ୍ପିଟାଲରେ ଭର୍ତ୍ତି
  • ||
  • ନୂଆଦିଲ୍ଲୀ : ବାଜା, ବାଣ, ବରଯାତ୍ରୀ ବିନା ବାହାଘର, ବାଇକ୍‌ରେ କନ୍ୟାକୁ ସାଙ୍ଗରେ ନେଇ ଘରକୁ ଫେରିଲେ ବର
  • ||
  • ଭଦ୍ରକ : ଷଣ୍ଢ ବୋଝେଇ ପିକଅପ୍ ଭ୍ୟାନ୍ ଅଟକ ରଖିଲେ ଗ୍ରାମବାସୀ, ଗୋଟିଏ ଷଣ୍ଢ ମୃତ, ୨ଟି ଉଦ୍ଧାର
  • ||
  • ୧୦ ହଜାର ଉପରେ କରୋନା ସଂକ୍ରମଣ, ରାଜ୍ୟରେ ଗତ ୨୪ଘଣ୍ଟାରେ ବାହାରିଲେ ୧୦୬୪୯ ପଜିଟିଭ୍
  • ||
  • ମାଡି ଆସୁଛି ବାତ୍ୟା ‘ତଉକ୍ତେ’, ଓଡିଶା ଉପରେ କଣ ରହିବ ପ୍ରଭାବ
  • ||
  • ପ୍ରଧାନମନ୍ତ୍ରୀଙ୍କୁ ଚିଠି ଲେଖିଲେ ୧୨ ବିରୋଧି ଦଳ, ମାଗଣା ଟିକା ସହ ବେରୋଜଗାରୀଙ୍କୁ ଭତ୍ତା ଦେବାକୁ ରଖିଲେ ଦାବି
  • ||

ନିଆଳି ଅନର କିଲିଂ ଘଟଣାରେ ପୋଲିସର ଆକ୍ସନ

22/05/2018 at 9:49 AM

ନିଆଳି ଅନର କିଲିଂ ଘଟଣାରେ ପୋଲିସର ଆକ୍ସନ । ନ୍ୟୁଜ ସେଭେନରେ ଖବର ପ୍ରସାରଣ ପରେ ପୋଲିସ ଆକ୍ସନକୁ ଆସିଛି । ମୃତ ନାବାଳିକାଙ୍କ ପରିବାରର ୫ ଜଣଙ୍କୁ ଥାନାରେ ଅଟକ ରଖିଛି ନିଆଳି ପୋଲିସ । ବଡ ବାପା, ବଡ ମା’, ତାଙ୍କ ଦୁଇ ପୁଅ ଏବଂ ସାନ ବୋହୂଙ୍କୁ ହେପାଜତକୁ ନେଇ ଛାନଭିନ କରୁଛି । ବଡ ବାପା ଅର୍ଜୁନ ଓଝା, ସ୍ତ୍ରୀ କୁନି ଓଝା, ବଡ ପୁଅ ଅରୁଣ ଓଝା, ସାନ ପୁଅ ଅଭିମନ୍ୟୁ ଓଝା ଓ ତାଙ୍କ ସ୍ତ୍ରୀ ବିନିତା ଓଝାଙ୍କୁ ଥାନାକୁ ନେଇ ପଚରାଉଚରା ଚଳାଇଛି । ଏହା ସହ ଶବ ସତ୍କାର କରାଯାଇଥିବା ମଶାଣିକୁ ଯାଇ ପାଉଁଶ ଓ ହାଡ ସଂଗ୍ରହ କରିଛି ପୋଲିସ । ଘଟଣା ସମ୍ପର୍କରେ ଗାଁ ଲୋକଙ୍କୁ ପଚରାଉଚରା କରିଛି । ନିଆଳି ଥାନା ଅଁଳୋ ଗାଁରେ ୧୬ ବର୍ଷର ନାବାଳିକାକୁ ତାଙ୍କ ପରିବାର ଲୋକେ ସମ୍ମାନ ପାଇଁ ହତ୍ୟା କରିଥିବା ଅଭିଯୋଗ ଆସିଥିଲା । ପ୍ରଥମେ ନ୍ୟୁଜ ସେଭେନ ଏହି ଖବରକୁ ଲୋକ ଲୋଚନକୁ ଆଣିଥିଲେ । ନ୍ୟୁଜ ସେଭେନ୍ ଟିମ୍ ଅଁଳୋ ଗାଁରେ ପହଞ୍ଚି ଘଟଣାର ସତ୍ୟତା ଅନୁସନ୍ଧାନ ପାଇଁ ଚେଷ୍ଟା କରିଥିଲା । ଖବର ପ୍ରସାରଣର ଘଣ୍ଟାଏ ମଧ୍ୟରେ ପୋଲିସ ଘଟଣାସ୍ଥଳରେ ପହଞ୍ଚି ମୃତ ନାବାଳିକାଙ୍କ ବଡ ବାପା, ବଡ ମା, ତାଙ୍କ ଦୁଇ ପୁଅ ଏବଂ ସାନ ବୋହୂକୁ ଥାନାକୁ ଆଣି ପଚରା ଉଚଳା ଚଳାଇଛି ।
ପ୍ରେମ ଜନିତ କାରଣରୁ ଘରର ଇଜ୍ଜତ ପାଇଁ ବଡ ବାପା ପୁଅ ଭାଇମାନେ ମିଶି ନାବାଳିକାଙ୍କୁ ହତ୍ୟା କରିଥିବା ଗାଁ ଲୋକେ କହୁଛନ୍ତି । ଅଁଳୋ ଗାଁର ନକୂଳ ଓଝାଙ୍କ ୧୦ ବର୍ଷ ତଳେ ମୃତ୍ୟୁ ହୋଇଥିଲା । ତାଙ୍କ ସ୍ତ୍ରୀ ସାବିତ୍ରୀ ଓଝା ମାନସିକ ବିକାରଗସ୍ତ । ତେଣୁ ସାବିତ୍ରୀ ଓ ଏକମାତ୍ର ଝିଅ ତାଙ୍କ ବଡ ବାପା ଅର୍ଜୁନ ଓଝାଙ୍କ ଘରେ ରହୁଥିଲେ । ଗତ ୨ ଦିନ ତଳେ ନାବାଳିକାଙ୍କର ଅସ୍ବାଭାବିକ ମୃତ୍ୟୁ ହୋଇଥିଲା । ଗାଁରେ ଯାତ୍ରା ଚାଲିଥିବା ବେଳେ ସମସ୍ତେ ଯାତ୍ରା ଦେଖି ସକାଳୁ ଘରେ ଶୋଇଥିଲେ । ଝିଅ ରୋଶେଇ କରିବା ପାଇଁ ଯାଇଥିଲା । କିନ୍ତୁ କିଛି ସମୟ ପରେ ହଠାତ ତାର ବାନ୍ତି ହୋଇଥିଲା । ଏହା ପରେ ଘର ଲୋକେ ତାକୁ ଡାକ୍ତରଖାନା ନେଇଥିଲେ । ମେଡିକାଲରେ ନାବାଳିକାର ମୃତ୍ୟୁ ହୋଇଥିବା ପରିବାର ଲୋକେ କହୁଛନ୍ତି । ତେବେ ଗାଁ ଲୋକେ ନାବାଳିକାଙ୍କ ମୃତ୍ୟୁକୁ ନେଇ ସନ୍ଦେହ ପ୍ରକାଶ କରିଥିଲେ । କାହାରିକୁ ନଜାଣାଇ ତରବରିଆ ଭାବେ ମୃତ ଦେହକୁ ବାଇକରେ ବସାଇ ନେଇ ଗାଁ ମଶାଣୀରେ ପୋଡିଦେଇଥିଲେ । ତେଣୁ ନାବାଳିକାଙ୍କ ବଡବାପା ଓ ତାଙ୍କ ୨ ପୁଅ ତାଙ୍କୁ ମାରି ପୋଡିଦେଇଥିବା ଗ୍ରାମବାସୀ ଅଭିଯୋଗ କରିଛନ୍ତି । ଏ ନେଇ ଗାଁ ଲୋକେ ନ୍ୟୁଜ ସେଭେନକୁ ଖବର ଦେଇଥିଲେ । ଘଟଣାସ୍ଥଳରେ ନ୍ୟୁଜ ସେଭେନ ଟିମ ପହଞ୍ଚି ଘଟଣାର ସତ୍ୟାସତ୍ୟ ଜାଣିବା ପାଇଁ ଚେଷ୍ଠା କରିଥିଲା । ପ୍ରାୟଘଣ୍ଟାଏ ଧରି ଖବର ପ୍ରସାରଣ ପରେ ସ୍ଥାନୀୟ ନିଆଳି ଥାନା ଆଇଆଇସି ପହଞ୍ଚି ପୁରା ପରିବାରକୁ ଗାଡିରେ ବସାଇ ଥାନାକୁ ନେଇଛନ୍ତି । ନାବାଳିକାର ସେହି ଗାଁର ଜଣେ ଯୁବକ ସହିତ ପ୍ରେମ ସମ୍ପର୍କ ଥିବା କଥା ସ୍ବୀକାର କରିଛନ୍ତି ନାବାଳିକାର ବଡ ମା କୁନି ଓଝା । ଏତେ ସବୁ ଘଟଣା ଘଟିଯାଇଥିଲେ ବି ପୋଲିସ ପାଖରେ କିପରି ଖବର ନଥିଲା ତାକୁ ନେଇ ଚର୍ଚ୍ଚା । ଆଜି ଗ୍ରାମବାସୀ ମୁହଁ ଖୋଲିବା ପରେ ଘଟଣାସ୍ଥଳରେ ପହଞ୍ଚି ପରିବାରର ୫ ଜଣଙ୍କୁ ହେପାଜତକୁ ନେଇଛି ନିଆଳି ଥାନା ପୋଲିସ ।

Leave a Reply

   Related Posts