ନାଳନ୍ଦା ୧୫/୧୨ : ନାଳନ୍ଦା ଜିଲ୍ଲାର ନୁରସରାଏ ଥାନା ଅଂଚଳରେ ଆଜି ସକାଳେ ଜଣେ ନାବାଳିକା ମୃତଦେହ ଉଦ୍ଧାର ହୋଇଛି | ନାବାଳିକା ଦଶମ ଶ୍ରେଣୀରେ ପଢୁଥିଲେ | ରିପୋର୍ଟ ଅନୁଯାୟୀ ନାବାଳିକାଙ୍କୁ ଗଣଦୁଷ୍କର୍ମ ପରେ ହତ୍ୟା କରାଯାଇଛି |
ସୂଚନାଯୋଗ୍ୟ ଯେ, ଶୁକ୍ରବାର ସନ୍ଧ୍ୟାରେ ନାବାଳିକା ଗୋଟିଏ ବାହାଘରରେ ଯୋଗଦେବା ପାଇଁ ଯାଇଥିଲେ | ବାହାଘରରେ ତାଙ୍କୁ କିଛି ଯୁବକ ଅପହରଣ କରିନେଇଥିଲେ | ଅଚାନକ ଝିଅ କୁଆଡେ ଗାଏବ ହୋଇଯାଇଥିବା ନେଇ ଘରଲୋକେ ରାତି ସାରା ଖୋଜାଖୋଜି କରିଥିଲେ କିନ୍ତୁ ପାଇନଥିଲେ | ଶନିବାର ସକାଳୁ ଗାଁ ପାଖ ବିଲରୁ ନାବାଳିକାଙ୍କ ମୃତଦେହ ଉଦ୍ଧାର ହୋଇଥିଲା |
ଖବରପାଇ ନୁରସରାଏ ପୋଲିସ ଘଟଣାସ୍ଥଳରେ ପହଂଚି ନାବାଳିକାଙ୍କ ମୃତଦେହ ଜବତ କରି ଶବ ବ୍ୟବଚ୍ଛେଦ ପାଇଁ ପଠାଇଥିଲା | ଶବ ବ୍ୟବଚ୍ଛେଦ ରିପୋର୍ଟ ଅନୁସାରେ ପ୍ରଥମେ ନାବାଳିକାଙ୍କୁ ଗଣଦୁଷ୍କର୍ମ କରାଯାଇଥିଲା ଏବଂ ପରେ ହତ୍ୟା କରି ଶବକୁ ଫୋପାଡ଼ି ଦେଇଥିଲେ | ନାବାଳିକାଙ୍କ ମୃତଦେହ ପାଖରେ ଏକ ମୋବାଇଲ ଫୋନ ପଡିଥିଲା | ପୋଲିସ ମୋବାଇଲ ଫୋନ ଜବତ କରି ଏକ ମାମଲା ରୁଜ୍ଜୁ କରି ତଦନ୍ତ ଆରମ୍ଭ କରିଛି |
