Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଟୋକିଓ ଅଲିମ୍ପିକ୍ସରେ ସ୍ଥାନ ପାଇବ ପଶ୍ଚିମ ଓଡିଶାର କଳାକୃତୀ, ୮ ଓଡିଆ କଳାକାର ହାସଲ କଲେ ସଫଳତା
  • ||
  • ଚିନ୍ତା ବଢାଉଛି ମୃତ୍ୟୁସଂଖ୍ୟା, ରାଜ୍ୟରେ କରୋନା ନେଲା ୬୫ ଜଣଙ୍କ ଜୀବନ
  • ||
  • ଆଉ ଏକ ଲଘୁଚାପ, ୩୦ ଯାଏଁ ସାରା ରାଜ୍ୟରେ ବର୍ଷା
  • ||
  • ବରଗଡ଼ : ଗାଁ ମୁଣ୍ଡରେ ପଡ଼ିଛି ଯୁବକଙ୍କ ରକ୍ତାକ୍ତ ମୃତଦେହ, ହତ୍ୟା ନା ଆଉ କିଛି ?
  • ||
  • ମାଷ୍ଟରକ୍ୟାଣ୍ଟିନ୍‌ ଛକରୁ ମିଳିଲା ମୃତଦେହ, ଶାଢୀରେ ଝୁଲିପଡିଲେ ଯୁବକ
  • ||
  • ଦିନେ ବଢିବା ପରେ ପୁଣି କମିଲା ସଂକ୍ରମଣ : ୨୪ ଘଣ୍ଟାରେ ରାଜ୍ୟରେ ବାହାରିଲେ ୧୬୧୫ କରୋନା ପଜିଟିଭ୍
  • ||

ପ୍ରେମରେ ଉବୁଟୁବୁ ଯୁବତୀ ନିଜ ଜାଲରେ ନିଜେ ଫସିଗଲେ: ପ୍ରେମିକ ସହ ଭାଗିଲେ, ଅପହରଣ ନାଟକ କରି ବାପାଙ୍କଠାରୁ ଦାବି କଲେ ୧ କୋଟି

27/07/2020 at 8:09 PM

ଲକ୍ଷ୍ନୌ, ୨୭|୦୭ :  ପ୍ରେମରେ ଅନ୍ଧ ହେଲା ଝିଅ । ଖେଳିଳା ସାଙ୍ଘାତିକ ଖେଳ । ରଚିଲା ନିଜ ଅପହରଣର  ନାଟକ । ମାତ୍ର ୧୯ ବର୍ଷ ବୟସରୁ ଏପରି କିଛି କାରନାମା କରିଛନ୍ତି ଜଣେ ଯୁବତୀ । ସେ ନିଜକୁ ନିଜେ ଅପହରଣ କରିବା ସହ ପୁରୁଷ ବନ୍ଧୁଙ୍କ ସହ ମିଶି ପିତାଙ୍କୁ ୧ କୋଟି ଟଙ୍କା ମାଗିଛନ୍ତି । ଏପରି ଘଟଣା ସାମ୍ନାକୁ ଆସିଛି ଉତ୍ତର ପ୍ରଦେଶରେ ।

ସୂଚନାନୁସାରେ, ଉତ୍ତର ପ୍ରଦେଶର ମାହେରା ପୋଲିସକୁ ଶନିବାର ରାତିରେ ଜଣେ ଯୁବତୀଙ୍କୁ ଅପହରଣ କରାଯାଇଥିବା ଅଭିଯୋଗ ଆସିଥିଲା । ଏହାପରେ ପୋଲିସ ଖୋଳତାଡ ଆରମ୍ଭ କରିଥିଲା । ଗୁରୁବାର ଦିନଠୁ ଯୁବତୀଙ୍କୁ କେହି ଅପହରଣ କରିଥିବା ପିତା ଅଭିଯୋଗ କରିଥିଲେ । ପୋଲିସ ତଦନ୍ତ କରି ଜାଣିବାକୁ ପାଇଥିଲା ଯେ, ଯୁବତୀ ନିଜେ ଘରକୁ ଅନେକ ଥର କଲ୍ କରି ୧ କୋଟି ଟଙ୍କା ମାଗୁଛନ୍ତି । ଏହାପରେ ପରିବାର ଲୋକ ଥାନାକୁ ଜଣାଇଥିଲେ ।

ଏହି ଘଟଣା ପଛରେ କେହି ପେଷାଦାର ଅପହରଣକାରୀ ସାମିଲ ଥିବା ପୋଲିସ ସନ୍ଦେହ କରିଥିଲା । କିନ୍ତୁ ତଦନ୍ତ ପରେ ଯାହା ଜଣାପଡିଲା ତାହା ସମସ୍ତଙ୍କୁ ଚକିତ କଲା ଭଳି ଥିଲା । ଯୁବତୀ ନିଜେ ଭିନ୍ନ ଭିନ୍ନ ନମ୍ବରରୁ ଘରକୁ କଲ୍ କରି ଟଙ୍କା ମାଗୁଥିଲେ । ପୋଲିସ ନମ୍ବର ଟ୍ରାକ୍ କରି ଯୁବତୀଙ୍କୁ ଘରଠୁ ୧୦୦ ମିଟର ଦୂରରୁ ଉଦ୍ଧାର କରିଥିଲା ।

ଅପହରଣ ନାଟକରେ ଯୁବତୀଙ୍କୁ ସାହାଯ୍ୟ କରିଥିଲେ ତାଙ୍କ ପୁରୁଷ ବନ୍ଧୁ । ଉଭୟ ମିଶି କଲ୍ କରିବା ସହ ୧ କୋଟି ଟଙ୍କା ମାଗିଥିଲେ । ପୋଲିସ ଏହି ଘଟଣାରେ ଉଭୟ ଯୁବତୀ ଓ ତାଙ୍କ ପୁରୁଷ ବନ୍ଧୁଙ୍କୁ ଗିରଫ କରିଛି । ସେମାନଙ୍କୁ ପଚରାଉଚୁରା କରାଯାଉଛି ।

   Related Posts