ଡେରାଡୁନ ୧୪/୫ : ଉତ୍ତରାଖଣ୍ଡ ହଲ୍ଦବାନୀର ଏକ କଲେଜ ସାମ୍ନାରୁ ଅଟୋରେ ବସିଲେ ଜଣେ ଯୁବତୀ । ଛାତ୍ରୀ ଜଣକ ଅଚାନକ ଅଟୋରୁ ଡେଇଁ ପଡିଥିଲେ । ଅଟୋ ଚାଳକ ଛାତ୍ରୀଙ୍କ ସହ ଅଶ୍ଲୀଳ କଥାବାର୍ତ୍ତା କରୁଥିବାରୁ ସେ ଅଟୋବାଲାର ଉଦ୍ଦେଶ୍ୟ ଖରାପ ଥିବା ଜାଣିପାରିଥିଲେ । ଯାହାଫଳରେ ଏହିଭଳି ପଦକ୍ଷେପ ନେଇଥିଲେ ।
ଛାତ୍ରୀଙ୍କ ପରିବାର ଲୋକେ ସ୍ଥାନୀୟ ଅଞ୍ଚଳର ସିସିଟିଭି ଫୁଟେଜ ବାହାର କରିଥିଲେ । କିନ୍ତୁ ଏ ପର୍ଯ୍ୟନ୍ତ କୌଣସି ଲିଖିତ ଅଭିଯୋଗ ହୋଇନାହିଁ । ସୋସିଆଲ ମିଡିଆରେ ଏକ ଅଟୋର ଫୁଟେଜ ଏବଂ ଛାତ୍ରୀଙ୍କ ଅପହରଣ ଉଦ୍ୟମ କଥା ଭାଇରାଲ ହେବାରେ ଲାଗିଛି । ଘଟଣା ଦିନ ରାତିରେ ସ୍ଥାନୀୟଲୋକେ ଅଭିଯୁକ୍ତ ଅଟୋ ଚାଳକକୁ କାବୁ କରି ମାଡ ମାରିଥିଲେ । ଖବରପାଇ ପୋଲିସ ଘଟଣାସ୍ଥଳରେ ପହଞ୍ଚି ଅଟୋ ଚାଳକକୁ ଉଦ୍ଧାର କରିଥିଲା ।
ଥାନା ଅଧିକାରୀ କହିଛନ୍ତି ଯେ, ଅଟୋ ଚାଳକ ବିରୋଧରେ ଏପର୍ଯ୍ୟନ୍ତ କୌଣସି ଅଭିଯୋଗ ହୋଇନାହିଁ । ଅଭିଯୋଗ ହେଲେ କାର୍ଯ୍ୟନୁଷ୍ଠାନ ଗ୍ରହଣ କରାଯିବ ବୋଲି ସେ କହିଛନ୍ତି ।