Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ପରଲୋକରେ ରାଜ୍ୟସଭା ସାଂସଦ ରଘୁନାଥ ମହାପାତ୍ର
  • ||
  • ଦୁର୍ଘଟଣାରେ କେନ୍ଦ୍ରମନ୍ତ୍ରୀ ପ୍ରତାପ ଷଡ଼ଙ୍ଗୀ ଆହାତ, ମନ୍ତ୍ରୀଙ୍କ କାର୍‌କୁ ପିଟିଲା ଟ୍ରାକ୍ଟର
  • ||
  • କମୁନି ସଂକ୍ରମଣ : ଆଜି ବି ଦେଶରେ ୪ ଲକ୍ଷରୁ ଅଧିକ ପଜିଟିଭ୍ ଚିହ୍ନଟ, ୪୦୯୨ ମୃତ
  • ||
  • ଦନ୍ତାକୁ ଧକ୍କା ଦେଲା ମାଲବାହୀ ଟ୍ରେନ୍, ଗୋଡରେ ଲାଗିଛି ଶକ୍ତ ଆଘାତ
  • ||
  • ରାଜ୍ୟରେ କରୋନା ନେଲା ଆଉ ୧୯ଜଣଙ୍କ ଜୀବନ, ୨୧୮୦ରେ ପହଞ୍ଚିଲା ମୃତ୍ୟୁସଂଖ୍ୟା
  • ||
  • ୧୦ ହଜାର ଉପରେ କରୋନା ସଂକ୍ରମଣ, ରାଜ୍ୟରେ ଗତ ୨୪ଘଣ୍ଟାରେ ବାହାରିଲେ ୧୦,୬୩୫ ପଜିଟିଭ୍
  • ||
  • କମିଛି ତାତି, ୨ ଦିନ ପରେ ପୁଣି ବଢିବ ସୂର୍ଯ୍ୟଙ୍କ ପ୍ରକୋପ
  • ||

ଲିଭ୍-ଇନ୍‌ରେ ରହୁଥିବା ଯୁବତୀ ପାଳନ କଲେ କରୱାଚୌଥ୍ ବ୍ରତ: ଜୋର ଜବରଦସ୍ତ ଘରେ ପଶି ମାରପିଟ୍ କଲେ ଘରଲୋକ

5/11/2020 at 12:03 PM

ଲକ୍ଷ୍ନୌ ୦୫/୧୧ : ଉତ୍ତର ପ୍ରଦେଶ ରାଜଧାନୀ ଲକ୍ଷ୍ନୌ ସ୍ଥିତ ଇନ୍ଦିରା ନଗର ଥାନା ଅଞ୍ଚଳରେ ଲିଭ-ଇନ ରହୁଥିବା ଯୁବତୀଙ୍କ ସହ ତାଙ୍କ ପରିବାର ଲୋକ ମାରପିଟ କରିଛନ୍ତି। ଯୁବତୀ ନିଜ ପ୍ରେମିକ ସହ କୌଣସି ପ୍ରକାରେ ଜୀବନ ବଞ୍ଚାଇ ଅରବିନ୍ଦୋ ଥାନାରେ ପହଞ୍ଚିଥିଲେ। ଯୁବତୀଙ୍କ ଘରଲୋକ ଥାନାରେ ପହଞ୍ଚି ହଙ୍ଗାମା କରିଥିଲେ। ପୀଡିତାଙ୍କ ଅଭିଯୋଗକ୍ରମେ ପୋଲିସ ତାଙ୍କ ଭାଇକୁ ହାଜତକୁ ନେଇଛି।

ସୂଚନା ଅନୁଯାୟୀ, କାନପୁର ଜାଜମାଉ ନିବାସୀ ଫିରଦୌସ ଲକ୍ଷ୍ନୌର କୌଶିକ ଯାଦବଙ୍କ ସହ ଗତ ଦୁଇ ବର୍ଷ ହେଲା ଲିଭ-ଇନରେ ରହୁଛନ୍ତି। ବୁଧବାର ଦିନ ସେ କରୱାଚୌଥ ବ୍ରତ କରିଥିଲେ। ଯୁବତୀଙ୍କ ଘରଲୋକ ଏ ସମ୍ପର୍କରେ ଜାଣିବାକୁ ପାଇବା ପରେ କାନପୁରରୁ ଲକ୍ଷ୍ନୌରେ ଆସି ପହଞ୍ଚିଥିଲେ। ସେମାନେ ଜୋର ଜବରଦସ୍ତ ଘରେ ପଶି ଯୁବତୀ ଓ ତାଙ୍କ ପ୍ରେମିକଙ୍କୁ ମାରପିଟ କରିଥିଲେ। ଉଭୟ ଯୁବତୀ ଓ ତାଙ୍କ ପ୍ରେମିକ କୌଣସି ପ୍ରକାରେ ଜୀବନ ବଞ୍ଚାଇ ଅରବିନ୍ଦୋ ଥାନାରେ ପହଞ୍ଚିଥିଲେ। ତାଙ୍କ ପଛେ ପଛେ ଘରଲୋକ ବି ସେଠାରେ ପହଞ୍ଚିଥିଲେ। ଥାନାରେ ଯୁବତୀଙ୍କ ଘରଲୋକ ଖୁବ ହଙ୍ଗାମା କରିଥିଲେ। ଯୁବତୀ ନିଜ ଭାଇ ଓ ପରିବାରଲୋକଙ୍କ ବିରୋଧରେ ଅଭିଯୋଗ କରିବା ପରେ ତାଙ୍କ ଭାଇଙ୍କୁ ପୋଲିସ କଷ୍ଟଡିରେ ରଖାଯାଇଛି।

ପୋଲିସ କହିବାନୁସାରେ, ଘଟଣା ବୁଧବାର ବିଳମ୍ବିତ ରାତିରେ ଘଟିଥିଲା। ସେତେବେଳେ ଥାନାରେ କୌଣସି ମହିଳା କନେଷ୍ଟବଳ ଉପସ୍ଥିତ ନଥିଲେ। ସେଥିପାଇଁ ଯୁବତୀଙ୍କ ପରିବାରର ମହିଳାମାନଙ୍କୁ କାବୁ କରିବାରେ ଅସୁବିଧା ହୋଇଥିଲା। ପ୍ରଥମେ ପୋଲିସ ଯୁବତୀଙ୍କ ପରିବାରଲୋକଙ୍କୁ ବୁଝାଇ ସୁଝାଇ ମାମଲା ଶାନ୍ତ କରିବାକୁ ଚେଷ୍ଟା କରିଥିଲା। କିନ୍ତୁ ବୁଝାସୁଝା ପରେ ବି ମାମଲା ଶାନ୍ତ ନ ହେବାରୁ ଯୁବତୀଙ୍କ ଭାଇକୁ ହାଜତକୁ ନେଇ ପୋଲିସ ମାମଲା ତଦନ୍ତ ଜାରି ରଖିଛି।

   Related Posts