Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ମହାରାଷ୍ଟ୍ର : ଭାରସାମ୍ୟ ହରାଇ ୩୦ ଫୁଟ ଖାଇକୁ ଖସିଲା ବସ୍, ୫ ଜଣଙ୍କ ମୃତ୍ୟୁ, ୩୫ ଆହତ
  • ||
  • କାର୍ଯ୍ୟରେ ଅବହେଳା ପାଇଁ ନିଲମ୍ବିତ ହେଲେ ଗୁଣୁପୁର ତହସିଲଦାର
  • ||
  • ଚେନ୍ନାଇ ସୁପରକିଙ୍ଗ୍ସକୁ ବଡ ଝଟକା, ଆହତ କାରଣରୁ ଆଇପିଏଲ୍‌ର ବାକି ମ୍ୟାଚ୍‌ରୁ ବାଦ୍ ପଡିଲେ ଡ୍ଵେନ ବ୍ରାଭୋ
  • ||
  • ରାଜ୍ୟରେ ଆଉ ୧୩ କରୋନା ସଂକ୍ରମିତଙ୍କ ମୃତ୍ୟୁ
  • ||
  • ରାଜ୍ୟରେ ୧୯୩୧ କରୋନା ସଂକ୍ରମିତ ଚିହ୍ନଟ
  • ||
  • ୧୨କୋଟି ଟଙ୍କାର ଜିଏସ୍‌ଟି ଠକେଇ ଅଭିଯୋଗ, ବିଭାଗ ପକ୍ଷରୁ ଛାନ୍‌ଭିନ୍‌ ଆରମ୍ଭ
  • ||
  • ବିଜାପୁରରେ ଏନ୍‌କାଉଣ୍ଟର : ଜଣେ ନକ୍ସଲ ନିହତ, ୨ ଯବାନ ଆହତ
  • ||
  • ମାଓବାଦୀଙ୍କ ବର୍ବର କାଣ୍ଡ , ପୋଲିସ ଇନଫର୍ମର ସନ୍ଦେହରେ ଘରୁ ଡାକି ନେଇ ହତ୍ୟା
  • ||

୧୯ବର୍ଷର ଯୁବତୀ ମାଆ ହେବା ଆଶାରେ ରାସ୍ତାରୁ ଚୋରି କଲା ୯ମାସର ଶିଶୁ

7/01/2019 at 12:29 PM

ନୂଆଦିଲ୍ଲୀ ୭/୧: ମା କ୍ଷୀର ଛାଡିନଥିବା ଏକ ଶିଶୁ ଚୋରୀ ଅଭିଯୋଗରେ ଜଣେ ୧୯ ବର୍ଷ ବୟାସ୍କା ଯୁବତୀଙ୍କ ସମେତ ୨ଜଣଙ୍କୁ ପୋଲିସ ଗିରଫ କରିବା ସହ ଶିଶୁକୁ ଉଦ୍ଧାର କରି ତା ମାକୁ ହସ୍ତାନ୍ତର କରିଛି । ଶିଶୁଟିକୁ ପାଳିବା ଆଶାରେ ଯୁବତୀ ଜଣକ ଏହି ଚୋରୀ କରିଥିବା ଜଣାପଡିଛି ।  ସ୍ବପ୍ନା ନାମକ ଏହି ଯୁବତୀ ଗତ ଡିସେମ୍ବର ଶେଷ ସପ୍ତାହରେ ଦିଲ୍ଲୀର ସଂସଦମାର୍ଗ ଅଂଚଳର ଫୁଟପାଥରୁ ଚୋରୀ କରିଥିଲେ । ଶିଶୁଟି ମାତ୍ର ୯ମାସର ।  

ଖୁସିର କଥା ଏହିକି ଯେ ଶିଶୁ ଚୋରି କରିଥିବା ଯୁବତୀକୁ ଖୋଜି ବାହାର କରିବା ସହ ପଞ୍ଜାବର ଫିରୋଜପୁରରୁ ଶିଶୁକୁ ଆଣି ତା ମାଆକୁ ଫେରାଇଛନ୍ତି। ପୋଲିସ ଯୁବତୀ ସହ ୨ଜଣଙ୍କୁ ଗିରଫ କରିଛି। ଯୁବତୀଙ୍କ ନାଁ ସପ୍ନା ଏବଂ ଅନ୍ୟ ଜଣଙ୍କ ନାଁ ଅଜିତ। ଅଜିତଙ୍କ ସ୍ତ୍ରୀଙ୍କ ମୃତ୍ୟୁ ହୋଇଯାଇଛି। ଯୁବତୀ ନିଜ ଦୋଷ ମାନିବା ସହ ଅଜିତ ଏବଂ ଏହି ଶିଶୁ ସହ ରହିବାକୁ ଚାହିଁଥିଲେ ବୋଲି କହିଛନ୍ତି।

ପୋଲିସଙ୍କ କହିବା ଅନୁସାରେ ଯୁବତୀ ଶିଶୁକୁ ନେବା ସମୟରେ ସ୍ଥାନୀୟ ଲୋକେ ଏହା ଦେଖିଥିଲେ। ଶୁକ୍ରବାର ଆରକେ ଆଶ୍ରମରୁ ପୋଲିସ୍ ସପ୍ନାକୁ ଗିରଫ କରିଥିଲା । ସେ ଶିଶୁକୁ ପଞ୍ଜାବରେ ଅଜିତ ପାଖରେ ଛାଡ଼ି ଆସିଛନ୍ତି ବୋଲି କହିଥିଲେ। ଶନିବାର ଦିନ ପୋଲିସ ପଞ୍ଜାବ ପହଞ୍ଚି ଅଜିତକୁ ଗିରଫ କରିବା ସହ ଶିଶୁକୁ ଆଣି ତା ମାଆକୁ ଫେରାଇଥିଲେ।

ଅଭିଯୁକ୍ତ ଅଜିତ୍ ମାସେ ପୂର୍ବରୁ ସପ୍ନାକୁ ଅମୃତସରରେ ଭେଟିଥିଲେ। ସେଠାରେ ସାକ୍ଷାତ ହେବା ପରେ କଥାବାର୍ତ୍ତା ହୋଇ ସେମାନେ ଏକାଠି ରହିବେ ବୋଲି ନିଷ୍ପତ୍ତି ନେଇଥିଲେ। ସପ୍ନାଙ୍କ ଘର କୁରୁକ୍ଷେତ୍ର।

   Related Posts