Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ୨୪ ଘଣ୍ଟାରେ ରାଜ୍ୟରେ ଚିହ୍ନଟ ହେଲେ ୨୫୫ କରୋନା ସଂକ୍ରମିତ, ୧୦୫୦୭୬୦ରେ ପହଞ୍ଚିଲା ସଂଖ୍ୟା
  • ||
  • ସୁନ୍ଦରଗଡ : ସ୍ୱାମୀ ସାଜିଲା ସୈତାନ୍, କୁରାଢି ଚୋଟରେ ନେଇଗଲା ସ୍ତ୍ରୀର ଜୀବନ
  • ||
  • ୬ ଦିନିଆ ରିମାଣ୍ଡରେ ଆସିବ ଠକ ପ୍ରଜ୍ଞା, ଅନୁମତି ଦେଲେ ଭୁବନେଶ୍ୱର ଏସ୍‌ଡିଜେଏମ୍‌ କୋର୍ଟ
  • ||
  • ଘୋଷଣା ହେଲା ଜ୍ଞାନପୀଠ ପୁରସ୍କାର : ୨୦୨୧ ପାଇଁ ନୀଳମଣି ଫୁକନ, ୨୦୨୨ ପାଇଁ କୌଙ୍କଣୀ ସାହିତ୍ୟିକ ଦାମୋଦେର ମୌଜଙ୍କୁ ସମ୍ମାନ
  • ||

ୟୁପି ପରେ ବିହାର : ଘାସ କାଟିବାକୁ ଯାଇଥିବା ଯୁବତୀ ହେଲେ ଗଣଦୁଷ୍କର୍ମର ଶିକାର, ଦୁଇ ଯୁବକ ଗିରଫ

2/10/2020 at 12:05 PM

କୈମୁର ୨।୧୦: ଉତ୍ତରପ୍ରଦେଶ ହାଥରସ ଗଣଦୁଷ୍କର୍ମ ଓ ହତ୍ୟା ମାମଲା ଏବେବି ଶାନ୍ତ ପଡିନଥିବା ବେଳେ ବିହାର କୈମୁର ଜିଲ୍ଲା ଚୈନପୁର ଥାନା ଅଞ୍ଚଳରେ ଯୁବତୀଙ୍କ ସହ ଗଣଦୁଷ୍କର୍ମ ଘଟଣା ସାମ୍ନାକୁ ଆସିଛି ।

ସୂଚନା ଅନୁସାରେ ଯୁବତୀ ଜଣଙ୍କ ତାଙ୍କର ୪ଜଣ ସାଙ୍ଗଙ୍କ ସହ ଘାସ କାଟିବାକୁ ଗାଁ ନିକଟସ୍ଥ କ୍ଷେତକୁ ଯାଇଥିଲେ । ସେହିଠାରେ ଛାତ୍ରୀଙ୍କ ସହ ଦୁଇ ଜଣ ଯୁବକ ଦୁଷ୍କର୍ମ କରିଥିଲେ । ଅନ୍ୟ ତିନି ଜଣ ଯୁବକ ସେଠାରେ ଉପସ୍ଥିତ ଥିବା ଯୁବତୀଙ୍କ ସାଙ୍ଗମାନଙ୍କୁ ସେଠାରୁ ଘଉଡାଇ ଦେଇଥିଲେ । ଯୁବତୀମାନେ ସେଠାରୁ ଦୌଡି ପଳାଇ ଯାଇଥିଲେ ।

ସେମାନେ ଗାଁରେ ପହଞ୍ଚି ଯେତେବେଳେ ଘଟଣା ସଂପର୍କରେ ଜଣାଇଥିଲେ ଯୁବତୀଙ୍କ ପରିବାରଲୋକ ଗ୍ରାମବାସୀଙ୍କ ସହ ମିଶି ଘଟମାସ୍ଥଳରେ ପହଞ୍ଚିଥିଲେ । ଗ୍ରାମବାସୀଙ୍କୁ ଦେଖି ଯୁବକମାନେ ଦୌଡିବାକୁ ଲାଗିଲେ । ଜଣେ ଅଭିଯୁକ୍ତକୁ ସେଠାରୁ ଧରି ପକାଇଥିଲେ ଗ୍ରାମବାସୀ । ଧରାପଡିଥିବା ଅଭିଯୁକ୍ତ ଜଣକ ଅନ୍ୟ ଯୁବକଙ୍କ ନାଁ ପ୍ରକାଶ କରିଥିଲେ । ଅନ୍ୟ ଅଭିଯୁକ୍ତକୁ ମଧ୍ୟ ଗାଁରୁ ଧରିଥିଲେ ।

ଖବର ପାଇ ଘଟଣାସ୍ଥଳରେ ପୋଲିସ ପହଞ୍ଚି ଦୁଇ ଅଭିଯୁକ୍ତ ଯୁବକଙ୍କୁ ଗିରଫ କରିଛି ।  ଅନ୍ୟ ୩ ଜଣ ସେଠାରୁ ଖସି ପଳାଇବାକୁ ସକ୍ଷମ ହୋଇଛନ୍ତି । ଗ୍ରାମବାସୀମାନେ ଉଭୟ ଅଭିଯୁକ୍ତଙ୍କୁ ଫାଶୀ ଦଣ୍ଡାଦେଶ ଦେବା ନେଇ ଦାବି କରିଛନ୍ତି ।

ସେପଟେ ପୋଲିସ ଏସପି କହିଛନ୍ତି ମହିଳା ଥାନାରେ ମାମଲା ରୁଜୁ ହୋଇଛି । ମେଡିକାଲ ବୋର୍ଡ ଗଠନ କରାଯାଇ ପୀଡିତାଙ୍କ ଡାକ୍ତରୀ ମାଇନା କରାଯାଇଛି । ପୀଡିତାଙ୍କର  ଧାରା ୧୬୪ରେ ବୟାନ ରେକର୍ଡ କରାଯିବ ।  

   Related Posts