Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • କଳାହାଣ୍ଡି : ମମିତା ମେହେର ହତ୍ୟା ଘଟଣା : ମହାଲିଙ୍ଗ୍ ଷ୍ଟାଡିୟମ୍‌ରେ ଅନୁଧ୍ୟାନ କଲେ ମହିଳା କମିଶନ ଅଧ୍ୟକ୍ଷା
  • ||
  • ଭୁବନେଶ୍ବର : ପୁରୀ ନୀଳାଚଳ ହୋଟେଲ ବିକ୍ରି ପାଇଁ ଚାଲିଥିଲା ଯୋଜନା, ୫୦ଲକ୍ଷ ଟଙ୍କା ହେରଫେର ଅଭିଯୋଗରେ ଜଣେ ଗିରଫ
  • ||
  • ଭୁବନେଶ୍ବର : ଶସ୍ତା ରାଜନୀତି କରୁଛି ବିଜେପି, ମମିତା ମେହେର ପ୍ରସଙ୍ଗକୁ ରାଜନୀତିର ରୂପ ଦିଆଯାଉଛି : ବିଜେଡି
  • ||
  • ଭଦ୍ରକ : ଏକତରଫା ପ୍ରେମ : ନାବାଳିକା ଯାଉଥିବା ବାଇକ୍‌କୁ ଗୋଇଠା ମାରି ଗଡାଇଦେଲେ ଯୁବକ, ଏସ୍‌ପିଙ୍କ ଦ୍ବାରସ୍ଥ ହେଲେ ମା’
  • ||
  • ବାରଙ୍ଗ : ନନ୍ଦନକାନନରେ ବିରଳ ହିମାଳୟ ଅଣ୍ଡିରା ଭାଲୁ ‘ମୋତି’ର ମୃତ୍ୟୁ, ୫କୁ ଖସିଲା ସଂଖ୍ୟା
  • ||
  • ଫୁଲବାଣୀ : କନ୍ଧମାଳକୁ ଛୁଇଁଲା ପହିଲି ଶୀତ, କୁହୁଡି ଚାଦରରେ ଢାଙ୍କି ହେଲାଣି ସହର
  • ||
  • କେନ୍ଦୁଝର : ଶିଶୁ କନ୍ୟାର ଉଲଗ୍ନ ମୃତଦେହ ଉଦ୍ଧାର, ବୁଧବାରଠୁ ଝୁମର ନାଚ ଦେଖିବାକୁ ଯାଇ ନିଖୋଜ ଥିଲେ
  • ||
  • ପାକିସ୍ତାନ ବିପକ୍ଷରେ ଭାରତ ଫେଭରେଟ୍, ବିଜୟ ସମ୍ଭାବନା ଅଧିକ : ଅନୁମାନ ଲଗାଇଲେ ମହମ୍ମଦ ଅମିର
  • ||
  • କଣ୍ଟାବାଞ୍ଜି : ଝରଣୀ ଗାଁରେ ମମିତା ମେହେରଙ୍କ ପରିବାରକୁ ଭେଟିଲେ ରାଜ୍ୟ ମହିଳା ଆୟୋଗ ଅଧ୍ୟକ୍ଷାଙ୍କ ସହ ୪ଜଣିଆ ଟିମ୍
  • ||
  • ପନିପରିବା ଖାଇଦେଉଛନ୍ତି ବାର୍‌ହା, ଚିନ୍ତାରେ ଚାଷୀ
  • ||

ଜି.ଉଦୟଗିରି ସ୍ଥିତ ସୁଭଦ୍ରା ମହତାବ ସେବାସଦନରୁ ଛାତ୍ରୀ ଗାଏବ: ବିକ୍ରି ଅଭିଯୋଗ

11/03/2019 at 5:32 PM

ଫୁଲବାଣୀ ୧୧|୩(ସୁନୀଲ ପଟ୍ଟନାୟକ):କନ୍ଧମାଳ ଜି.ଉଦୟଗିରି ସ୍ଥିତ ସୁଭଦ୍ରା ମହତାବ ସେବାସଦନରୁ ଛାତ୍ରୀ ଗାଏବ । ଚତୁର୍ଥ ଶ୍ରେଣୀ ଛାତ୍ରୀ ସଳିତା ପ୍ରଧାନ ନିଖୋଜ ହୋଇଥିବା ନେଇ ପରିବାର ଲୋକେ ଥାନାରେ ଏତଲା ଦେଇଛନ୍ତି । ସେବା ସଦନ  କର୍ତ୍ତୃପକ୍ଷ  ଛାତ୍ରୀଙ୍କୁ ବିକ୍ରି କରିଦେଇଥିବା ନେଇ ଅଭିଯୋଗ କରିଛନ୍ତି ତାଙ୍କ ପରିବାରବର୍ଗ  । ସଳିତାଙ୍କୁ ଫେରାଇ ଆଣିବାକୁ ତାଙ୍କ ପରିବାର ଏବଂ ଗାଁ ଲୋକେ ଅତିରିକ୍ତ ଜିଲ୍ଲାପାଳଙ୍କୁ ଭେଟିଛନ୍ତି । ପୋଲିସ ଘଟଣାର ତଦନ୍ତ ଜାରି ରଖିଛି ।

ସଳିତା ପ୍ରଧାନ । ବାପା-ମା ଛେଉଣ୍ଡ ସଳିତା  କନ୍ଧମାଳ ଜି.ଉଦୟଗିରି ସ୍ଥିତ ସୁଭଦ୍ରା ମହତାବ ସେବା ସଦନରେ ରହି ଚତୁର୍ଥ ଶ୍ରେଣୀରେ ପାଠ ପଢ଼ୁଥିଲା । ମଝିରେ ମଝିରେ ତାଙ୍କ ଦାଦା-ଖୁଡ଼ୀ ସେବା ସଦନ  ଆସି ଝିଆରୀକୁ ଦେଖିବା ସହ ଭଲ ମନ୍ଦ ବୁଝୁଥିଲେ । ଫେବୃୟାରୀ ୨୭ରେ ସଳିତାକୁ ଦେଖିବାକୁ ଯାଇଥିବା ବେଳେ ୱାଡେନ ସେମାନଙ୍କୁ ତଡ଼ି ଦେଇଥିଲା । ସଳିତାଙ୍କ ସଂପର୍କରେ କିଛି ବି ସୂଚନା ଦେଇନଥିଲା । ବାହାରେ ବୁଝୁ ବୁଝୁ କଣ ନା ସେବା ସଦନ କର୍ତ୍ତୃପକ୍ଷ  ସଳିତାକୁ କୋଲକତାର ଏକ ଦମ୍ପତିକୁ ବିକ୍ରି କରିଦେଇଛନ୍ତି ।

ଛାତ୍ରୀଙ୍କ ସଂପର୍କୀୟ ଏବଂ ଗାଁ ଲୋକେ ଅତିରିକ୍ତ ଜିଲ୍ଲାପାଳଙ୍କୁ ଭେଟି ଜଣାଇବା  ସଳିତାକୁ ଆଣିଦେବାକୁ ନେହୁରା ହୋଇଥିଲେ । ହେଲେ କିଛି ସୁଫଳ ମିଳିଲାନି । ଶେଷରେ ଜି.ଉଦୟଗିରି ଥାନାର ଦ୍ବାରସ୍ଥ ହୋଇଛନ୍ତି ସଳିତାର ଦାଦା-ଖୁଡ଼ୀ । ତଦନ୍ତ ପରେ ଯାହା କିଛି କାର୍ଯ୍ୟାନୁଷ୍ଠାନ ନିଆଯିବ ବୋଲି ଥାନା ଅଧିକାରୀ କହିଛନ୍ତି…

ସେବା ସଦନରେ ଚାଲୁଛି କଣ ? ସେବା ସଦନ  କର୍ତ୍ତୃପକ୍ଷ ସଳିତାକୁ ବିକ୍ରି କରିଦେବା କଥା ଯଦି ସତ, ତାହାଲେ ସାଂଘାତିକ ନିଶ୍ଚିତ । ଏଭଳି ଘଟଣା ପଛରେ କିଛି ର୍ୟାକେଟ୍ ନାହିଁ ତ ?

   Related Posts