ସୁବର୍ଣ୍ଣପୁର ୧୭|୭: ସୁବର୍ଣ୍ଣପୁର ସହରର ରୟାଲ ପଡିଆଠାରେ ଜଣେ ଯୁବତୀଙ୍କୁ ଗଣ ଦୁଷ୍କର୍ମ ହୋଇଥିବା ଅଭିଯୋଗ ହୋଇଛି । ରାତି ପ୍ରାୟ ୯ଟା ବେଳେ ଯୁବତୀ ଜଣକ କାମ ସାରି ଘରକୁ ଫେରୁଥିବା ସମୟରେ ଯୁବତୀକୁ ନିଛାଟିଆ ଯାଗାରେ ଏକୁଟିଆ ପାଇ ତିନିଜଣ ଯୁବକ ଦୁଷ୍କର୍ମ କରିଛନ୍ତି ।
{"id":123966}ରାସ୍ତାରେ ଅନ୍ଧାର ଥିବାର ସୁଯୋଗ ନେଇ ଯୁବକମାନେ ଯୁବତୀକୁ ରାସ୍ତାରୁ ନିକଟସ୍ଥ ଏକ ଯାଗାକୁ ଟାଣି ନେଇଥିଲେ । ଯୁବତୀ ଜଣଂକର କାକୁତି ମିନତି ନ ଶୁଣି ଯୁବକମାନେ ତାଂକୁ ଦୁଷ୍କର୍ମ କରିଥିଲେ । ପୀଡିତା ଯୁବତୀର ପରିବାର ବର୍ଗଙ୍କ ପକ୍ଷରୁ ଗତକାଲି ସଦର ଥାନାରେ ଲିଖିତ ଅଭିଯୋଗ କରିବା ପରେ ଆଜି ପୋଲିସ ତଦନ୍ତ ଆରମ୍ଭ କରିଛି ।
{"id":123968}ପୀଡିତା ଯୁବତୀର ଡାକ୍ତରିମାଇନା କରିବା ସହିତ ଅଭିଯୁକ୍ତ ତିନି ଜଣ ଯୁବକଙ୍କ ଭିତରୁ ଦୁଇ ଜଣକୁ ଅଟକ କରିବାରେ ପୋଲିସ ସକ୍ଷମ ହୋଇଛି । ଜଣେ ଅଭିଯୁକ୍ତ ଫେରାର ରହିଛି । ଅଭିଯୁକ୍ତ ଯୁବକମାନେ ହେଲେ ସହରର ଝୁପୁଡି ପଡାର ୨୫ବର୍ଷ ବୟସ୍କ ସୁଶାନ୍ତ ବାଘ ଓ ରାନୁ ନାଗକୁ । ଏମାନଙ୍କୁ ପୋଲିସ ଥାନାରେ ଅଟକ ରଖି ପଚରା ଉଚୁରା କରୁଛି ।
{"id":123965}ଅନ୍ୟତମ ଅଭିଯୁକ୍ତ ଝୁପୁଡି ପଡାର ୨୪ ବର୍ଷ ବୟସ୍କ ନବ ବାଗକୁ ଗିରଫ କରିବା ପାଇଁ ପୋଲିସ ବିଭିନ୍ନ ଯାଗାରେ ଚଢାଉ ଜାରୀ ରଖିଛି ।