ରଣପୁର ଭୁବନେଶ୍ୱର ବସରୁ ଅପହରଣ ହୋଇଥିବା ଯୁବତୀଙ୍କୁ ଉଦ୍ଧାର କରିଛି ଖଣ୍ଡଗିରି ପୋଲିସ | ଗତ ୨୮ ତାରିଖରେ ଯୁବତୀ ଜଣକ ବସରେ ଭୁବନେଶ୍ୱର ଆସୁଥିଲେ | ରାସ୍ତାରେ ବାଟୁ ନାମକ ଜଣେ ଯୁବକ ଓ ତାଙ୍କ ସହଯୋଗୀ ମିଶି ଯୁବତୀଙ୍କୁ ଉଠାଇ ନେଇଥିଲେ | ପୁରୀ,ଖୋର୍ଦ୍ଧା,ଜଟଣୀରେ ସମ୍ପର୍କୀୟଙ୍କ ଘରେ ରଖି ଜୋର ଜବରଦସ୍ତ ବିବାହ କରିବାକୁ ଉଦ୍ୟମ କରିଥିଲେ | ବିବାହ ନକଲେ ମାରିଦେବାକୁ ଧମକ ମଧ୍ୟ ଦେଇଥିଲେ | ତେବେ କୌଶଳକ୍ରମେ ଯୁବତୀ ଜଣକ ସେଠାରୁ ଖସି ଆସି ପୋଲିସକୁ ଖବର ଦେଇଥିଲେ | ବିବାହ ପାଇଁ ରାଜି ବୋଲି କହିବାରୁ ଅପହରଣକାରୀ ମାନେ ଯୁବତୀଙ୍କୁ ଭୁବନେଶ୍ୱର ଧର୍ମ ବିହାରରେ ଥିବା ଏକ ପାର୍ଲରରେ ଛାଡିଦେଇଥିଲେ | ଯୁବତୀ ଜଣକ ସେଠାରୁ ନିଜ ପରିବାରକୁ ଖବର ଦେଇଥିଲେ | ଏହା ପରେ ଖଣ୍ଡଗିରି ପୋଲିସ ସହାୟତାରେ ରଣପୁର ପୋଲିସ ଯୁବତୀଙ୍କୁ ଉଦ୍ଧାର କରିବା ସହ ଅଭିଯୁକ୍ତକୁ ଗିରଫ କରିଛି |