Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ନୂଆଦିଲ୍ଲୀ ସୀମାପୁରୀରେ ଅଭାବନୀୟ ଘଟଣା : ଘରେ ଲାଗିଲା ନିଆଁ, ୪ ମୃତ
  • ||
  • ଏବର୍ଷ ରାଜ୍ୟରେ ହାଡଭଙ୍ଗା ଶୀତ, ଅଧିକ ଦିନ ଥରାଇବ
  • ||
  • ସିଆରପିଏଫ କ୍ୟାମ୍ପରେ ରାତି ବିତାଇଲେ ଶାହ, ଯବାନଙ୍କ ସହ କଲେ ରାତ୍ରି ଭୋଜନ
  • ||
  • ମମିତା ମେହେର ହତ୍ୟା ମାମଲା : ବିଜେପି ପକ୍ଷରୁ ୧୨ ଘଣ୍ଟିଆ ସମ୍ବଲପୁର ବନ୍ଦ, ସେପଟେ ଡିଜିପି ଅଫିସ ଘେରାଉ କରିବ କଂଗ୍ରେସ
  • ||

ନ୍ୟାୟ ପାଇଁ ଗୁହାରୀ : ପୋଲିସ ଆମକୁ ସୁରକ୍ଷା ଦେଉ, ନହେଲେ ସମୂହ ଆତ୍ମହୁତି ଦେବୁ…

20/04/2021 at 11:10 AM

ଭଦ୍ରକ ୨୦।୦୪: ନ୍ୟାୟ ପାଇଁ ଗୁହାରୀ । ପୂର୍ବ ଶତ୍ରୁତାକୁ କେନ୍ଦ୍ର କରି ମାଆ ଆଗରେ ଯୁବକଙ୍କୁ ପିଟିପିଟି ମାରିଦେବା ଘଟଣାରେ ନ୍ୟାୟ ଦାବି କରିଛନ୍ତି ପରିବାର ଲୋକେ । ଶେଷରେ ନ୍ୟାୟ ପାଇଁ ଭଦ୍ରକ ଏସ୍‌ପିଙ୍କ ନିକଟରେ ଗୁହାରୀ ଜଣାଇଲେ ମୃତକଙ୍କ ପରିବାରଲୋକେ ।

ଖବର ଅନୁଯାୟୀ, ଭଦ୍ରକ ଗ୍ରାମାଞ୍ଚଳ ଥାନା ରାଜମୁକୁନ୍ଦପୁର ବେହେରା ସାହିରେ ସଂଜିବ ବେହେରାଙ୍କ ପରିବାର ସାହିର ଲକ୍ଷ୍ମୀଧର ବେହେରା, ସୁଧୀର ବେହେରାଙ୍କ ଓ ରାଜକିଶୋର ବେହେରାଙ୍କ ପରିବାର ମଧ୍ୟରେ ଜମିଜମାକୁ ନେଇ ବିବାଦ ଲାଗିରହିଥିଲା । ପୂର୍ବରୁ ମାର୍‌ପିଟ୍‌ ହୋଇଥିଲା, ଯାହାର ସମାଧାନ ଥାନାରେ ହୋଇଥିଲା ।  କିନ୍ତୁ ଗତ ମାର୍ଚ୍ଚ ୧୭ ତାରିଖ ଦିନ ଜୟନ୍ତଙ୍କ ପରିବାର ଲୋକ ମାନେ ସଙ୍ଘ ଦ୍ଧ ଭାବେ ଆସି ସଂଜିବ ବେହେରାଙ୍କ ପରିବାର ଉପରେ ଆକ୍ରମଣ କରିଥିଲେ । ଏପରିକି ସଂଜିବଙ୍କୁ ଗୋଡ଼ାଇ ଗୋଡ଼ାଇ ବାଡ଼ି ଓ ଶାବଳରେ ଆକ୍ରମଣ କରିଥିଲେ ।

ଏଥିରେ ପ୍ରତିବାଦ କରିବାରୁ ତାଙ୍କ ମାଆ ଓ ଭାଉଜଙ୍କୁ ମଧ୍ୟ ଆକ୍ରମଣ କରି ଗୁରୁତର କରିଥିଲେ । ଗୁରୁତର ୩ଜଣଙ୍କୁ ଗ୍ରାମବାସୀ ମାନେ ଚିକିତ୍ସା ପାଇଁ ଭଦ୍ରକ ଜିଲ୍ଲା ମୁଖ୍ୟ ଚିକିତ୍ସାଳୟରେ ଭର୍ତ୍ତି କରିଥିଲେ । ସେଠାରେ ଡାକ୍ତର ସଂଜିବଙ୍କୁ ମୃତ ଘୋଷଣା କରିଥିଲା । ଏହି ଘଟଣାରେ ପୋଲିସ ଜଣେ ଆସାମୀଙ୍କୁ ଗିରଫ କରିଥିବା ବେଳେ ଅନ୍ୟ ସମସ୍ତେ ଫେରାର ଥିଲେ ।  ୭ ଦିନ ମଧ୍ୟରେ ଫେରାର ଥିବା ଅଭିଯୁକ୍ତଙ୍କୁ ଗିରଫ କରାଯିବ ବୋଲି ପୋଲିସ କହିଥିଲା । ଘଟଣାରେ ମାସେ ବିତିଯାଇଥିଲେ ମଧ୍ୟ  ଅନ୍ୟ ଅଭିଯୁକ୍ତଙ୍କୁ ଗିରଫ କରିବାରେ ପୋଲିସ ବିଫଳ ହୋଇଛି । ପାଲଟା ସେମାନଙ୍କୁ ହତ୍ୟା ଧମକ ଆସିଥିବା ଅଭିଯୋଗ କରିଛନ୍ତି ।  ତେଣୁ ସେମାନେ ନ୍ୟାୟ ଓ ସୁରକ୍ଷା ପାଇଁ ଏସପିଙ୍କୁ ଭେଟିଛନ୍ତି । ଯଦି କିଛି ନ୍ୟାୟ ନ ମିଳେ ତେବେ ସମୂହ ଆତ୍ମହୁତି ଦେବେ ବୋଲି  କହିଛନ୍ତି ।

   Related Posts