Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ରାଜ୍ୟର ୧୬ଟି ଜିଲ୍ଲାରେ ହେବ ଆରଟି ପିସିଆର ଲ୍ୟାବ୍, ୨୦ କୋଟି ଟଙ୍କା ମଞ୍ଜୁର କଲେ ମୁଖ୍ୟମନ୍ତ୍ରୀ
  • ||
  • ପାଟଣା : ବଳଦ ନେଇ ଘରକୁ ଫେରୁଥିଲେ, ବଜ୍ରାଘାତରେ ଚାଲିଗଲା ରାଇଦାସଙ୍କ ଜୀବନ
  • ||
  • ମହିଳା ସାମ୍ବାଦିକ ସବନମ୍‌ ଶିରିନ୍‌ଙ୍କ ଦେହାନ୍ତ , କୋଭିଡ୍‌ରେ ଆକ୍ରାନ୍ତ ହୋଇ ଏମସ୍‌ରେ ହେଉଥିଲେ ଚିକିତ୍ସିତ
  • ||
  • ଭଦ୍ରକ : ବାପଘର ଲୋକ ଆଣିଲେ ବଧୂ ହତ୍ୟା ଅଭିଯୋଗ, ଶ୍ବଶୁରଘର କହୁଛନ୍ତି ପଡିଗଲେ ବାଥରୁମ୍‌ରେ
  • ||
  • ୧୦ ହଜାର ତଳକୁ ଖସିଲା କରୋନା ସଂକ୍ରମଣ, ରାଜ୍ୟରେ ଗତ ୨୪ଘଣ୍ଟାରେ ବାହାରିଲେ ୯୭୯୩ ପଜିଟିଭ୍
  • ||
  • ୧୦ ବର୍ଷର ଶିଶୁର ଜୀବନ ନେଲା କରୋନା…
  • ||
  • ଟ୍ରକ୍‌କୁ ଧକ୍କା ଦେଲା ବରଯାତ୍ରୀ ଗାଡି : ୫ ମୃତ, ୩ ଗୁରୁତର
  • ||
  • ଭୁବନେଶ୍ବର : ରାଜ୍ୟରେ କରୋନା ନେଲା ଆଉ ୧୮ଜଣଙ୍କ ଜୀବନ, ୨୨୧୫ରେ ପହଞ୍ଚିଲା ମୃତ୍ୟୁସଂଖ୍ୟା
  • ||

ଦିଲ୍ଲୀ ହାଲ୍‌ ବେହାଲ୍‌: ସ୍ବଚ୍ଛ ବାୟୁ ପାଇଁ ମେସିନ୍‌ ଭରସା, ପୂର୍ବ ଦିଲ୍ଲୀରେ ଲାଗିଲା ଆଉ ଏକ ବିଶାଳ ବାୟୁ ବିଶୋଧକ ଯନ୍ତ୍ର

12/11/2020 at 10:24 PM

ନୂଆଦିଲ୍ଲୀ ୧୨/୧୧:  କରୋନା ମହାମାରୀ ସାଙ୍ଗକୁ ବାୟୁ ପ୍ରଦୂଷଣ ସାଧାରଣ ଜୀବନ ଯାତ୍ରାକୁ ବହୁ ମାତ୍ରାରେ ପ୍ରଭାବିତ କରିଛି। ବିଶେଷ କରି ଦେଶର ରାଜଧାନୀ ଦିଲ୍ଲୀରେ ସ୍ଥିତି ଅସମ୍ଭାଳ। ଦିଲ୍ଲୀରେ ଲଗାତର କରୋନା ସଂକ୍ରମିତଙ୍କ ସଂଖ୍ୟା ବଢ଼ୁଥିବା ବେଳେ ବାୟୁ ପ୍ରଦୂଷଣ କଥା ନକହିବା ଭଲ। ଏବେ ବାୟୁର ମାନ ଅତି ଖରାପ ଥିବା ବେଳେ ଦୀପାବଳି ଦିନ ଏହା ସବୁ ରେକର୍ଡ ଭାଙ୍ଗିବାକୁ ଯାଉଛି ବୋଲି ବିଶେଷଜ୍ଞମାନେ ମତ ଦେଇଛନ୍ତି।

ଯଦିଓ ଦିଲ୍ଲୀ ସରକାର ନଭେମ୍ବର ୭ରୁ ୩୦ ପର୍ଯ୍ୟନ୍ତ ବାଣ କ୍ରୟ-ବିକ୍ରୟ ଉପରେ ରୋକ ଲଗାଇଛନ୍ତି କିନ୍ତୁ ଦୀପାବଳି ରାତିରେ ଦିଲ୍ଲୀରେ ବାୟୁର ମାନ ଅତି ଖରାପ ହୋଇଯିବ ବୋଲି ଜଣାପଡ଼ିଛି। ଗତ ୨୪ ଘଣ୍ଟାରେ  ଦିଲ୍ଲୀର ବାୟୁର ମାନ ୩୧୪ ଏକ୍ୟୁଆଇ ରେକର୍ଡ କରାଯାଇଛି। ଯାହାକି ବୁଧବାର ୩୪୪ ଓ ମଙ୍ଗଳବାର ୪୭୬ ଏକ୍ୟୁଆଇ ଥିଲା ବୋଲି ଜଣାପଡ଼ିଛି। ତେବେ ନଭେମ୍ବର ୪ରୁ ନଭେମ୍ବର ୯ ପର୍ଯ୍ୟନ୍ତ ୬ ଦିନ ଲଗାତର ବାୟୁର ମାନ ଅତି ଖରାପ ରହିଥିବା ନେଇ ଜାତୀୟ ପ୍ରଦୂଷଣ ନିୟନ୍ତ୍ରଣ ବୋର୍ଡ ଦେଇଥିବା ଡାଟାରୁ ଜଣାପଡ଼ିଛି।

ସେ ଯାହା ହେଉ ଦିଲ୍ଲୀର ପଡ଼ୋଶୀ ସହର ଫରିଦାବାଦ, ଗାଜିଆବାଦ, ନୋଏଡା, ଗ୍ରେଟର ନୋଏଡା ଓ ଗୁରୁଗ୍ରାମରେ ମଧ୍ୟ ବାୟୁର ମାନ ଖରାପ ରହିଛି। କିନ୍ତୁ ଦିଲ୍ଲୀରେ ବାୟୁର ମାନରେ ପରିବର୍ତ୍ତନ ଦୀପାବଳି ପରେ ପରେ ହେବ ବୋଲି ଆକଳନ କରାଯାଇଛି।

ବାୟୁ ପ୍ରଦୂଷଣ ମାତ୍ରା ଏତେ ଅଧିକ ଯେ ଶ୍ବାସକ୍ରିୟା କରିବାରେ ମଧ୍ୟ କଷ୍ଟ ହେଉଥିବା କୁହାଯାଉଛି। ଏହାକୁ ନଜରରେ ରଖି ଦିଲ୍ଲୀରେ ମେସିନ୍‌ ମାଧ୍ୟମରେ ବାୟୁକୁ ପରିଷ୍କାର କରାଯାଉଛି। ପୂର୍ବ ଦିଲ୍ଲୀରେ ଏକ ବିଶାଳ ବାୟୁ ବିଶୋଧକ ଯନ୍ତ୍ର ଲାଗିଥିବା ବେଳେ ଆଉ ଦୁଇଟି ଖୁବଶୀଘ୍ର ଲଗାଯିବାକୁ ଥିବା ଜଣାପଡ଼ିଛି। ତେବେ ଏନେଇ ବିଜେପି ସାଂସଦ ଗୌତମ ଗମ୍ଭୀର ସୂଚନା ଦେଇଛନ୍ତି।

ଗୋଟିଏ ବାୟୁ ବିଶୋଧକ ଲାଗିଥିବା ବେଳେ ଅନ୍ୟଟି ସପ୍ତାହେ ପରେ ଓ ଆଉ ଗୋଟିଏ ଆଉ ଏକ ସପ୍ତାହ ପରେ ଲଗାଯିବ। ଏହି ବିଶାଳ ବାୟୁ ବିଶୋଧକ ୧୨ ଫୁଟ୍‌ର ହୋଇଥିବା ବେଳେ ୧୦୦୦ ବର୍ଗ ମିଟର ସ୍ଥାନ ନେଉଛି।  ପ୍ରତିଦିନ ଗୋଟିଏ ମେସିନ୍‌ ୨ ଲକ୍ଷ କ୍ୟୁବିକ୍‌ ମିଟର ସ୍ବଚ୍ଛ ବାୟୁ ଡେଲିଭର କରୁଛି। ତେବେ ଏହା ପୂର୍ବରୁ ଏମିତି ଏକ ମେସିନ୍‌ ପାଇଲଟ୍‌ ପ୍ରୋଜେକ୍ଟ ଜରିଆରେ ଲଜପତ ନଗରର ସେଣ୍ଟ୍ରାଲ ମାର୍କେଟରେ ଗୌତମ ଗମ୍ଭୀରଙ୍କ ଦ୍ବାରା ଶୁଭାରମ୍ଭ କରାଯାଇଥିଲା।  

   Related Posts