Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରେତାତ୍ମା ଆତଙ୍କ : Bigstory Followup

13/08/2018 at 11:12 AM

ଭଦ୍ରକ ୧୩/୮ : ଭୂତ ନା ଅନ୍ୟ କିଛି ଅଲୌକିକ ଶକ୍ତିର ପ୍ରଭାବ । ଗାଁ ପିଲାଙ୍କ ଠାରେ ଅସ୍ବାଭାବିକ ଲକ୍ଷ୍ୟଣ । ପ୍ରତିଷ୍ଠିତ ମେଡିକାଲରେ ନେଇ ଦେଖାଇଲେ । କିନ୍ତୁ ରିପୋର୍ଟ ନର୍ମାଲ୍ । ତଥାପି ପିଲାଙ୍କ ଠାରେ ଅସ୍ବାଭାବିକ ଲକ୍ଷ୍ୟଣ ଦେଖି ପୂରା ଗାଁ ଲୋକେ ଭୟଭୀତ । କେମିତି, କେଉଁଠି, କଣ ହୋଇଛି, ଦେଖନ୍ତୁ ନ୍ୟୁଜ୍ ସେଭେନର ଏକ୍ସକ୍ଲୁସିଭ୍ ରିପୋର୍ଟ ।
ଦେଖନ୍ତୁ ଏ ଦୃଶ୍ୟକୁ । କେମିତି ପିଲାଟି ଛାଟିପିଟି ହେଉଛି । ବିକଟାଳ ଶବ୍ଦ ବି କରୁଛି । କଣ ହୋଇଛି ତାର ? କାହିଁକି ସେ ଏମିତି ହେଉଛି ? ଆପଣ ଭାବୁଥିବେ ବୋଧ ହୁଏ ଏହା ବାତ ରୋଗ । କିନ୍ତୁ, ପ୍ରକୃତ କଥା କହିବାକୁ ଗଲେ, କେବଳ ଏହି ଗୋଟିଏ ପିଲା ନୁହେଁ, ଆ ବୟସର ଗାଁର ଅଧିକାଂଶ ପିଲାଙ୍କ ଠାରେ ଏମିତି ଅସ୍ବାଭାବିକ ଆଚରଣ ଦେଖାଦେଉଛି । ଗତକିଛି ଦିନ ହେଲା ପିଲାଙ୍କ ଠାରେ ଏମିତି ଆଚରଣ ଦେଖି, ସେମାନଙ୍କ ପରିବାର ଲୋକେ, ମେଡିକାଲକୁ ନେଇଥିଲେ । କିନ୍ତୁ କଣ ରେଜଲ୍ଟ ଆସିଛି ଶୁଣନ୍ତୁ …
ଭଦ୍ରକ ତିହିଡ଼ି ବ୍ଲକ୍ ଅନ୍ତର୍ଗତ ପୀରାହାଟ କାନପୁର ଗାଁର କିଶୋ-କିଶୋରୀଙ୍କ ଠାରେ ଗତ କିଛି ଦିନ ହେଲା ଏମିତି ଅସ୍ବାଭାବିକ ଲକ୍ଷ୍ୟଣ ଦେଖିବାକୁ ମିଳୁଛି । ବେହେରା ସାହି, ମାଝିସାହି, ଓ ଗୁହାରୀ ସାହିର କିଛି ପିଲାଙ୍କ ଠାରେ ଏମିତି ଲକ୍ଷ୍ୟଣ ଦେଖିବାକୁ ମିଳୁଛି । ଯାହାକୁ ଲୋକେ, ଭୂତ ପ୍ରେତର ପ୍ରଭାବ ବୋଲି କହୁଛନ୍ତି ।
କାହିଁକି ପିଲାଙ୍କ ଅବସ୍ଥା ହେଉଛି ? ଜଣେ କି ଦି ଜଣ ନୁହେଁ, ପ୍ରାୟ ଅଧିକାଂଶ ପିଲାଙ୍କ ଠାରେ ଏମିତି ଲକ୍ଷ୍ୟଣ ଦେଖିବାକୁ ମିଳୁଛି ? ଯଦି କିଛି ସ୍ବାସ୍ଥ୍ୟଗତ ସମସ୍ୟା ନାହିଁ, ତେବେ ପ୍ରକୃତ ସମସ୍ୟା କେଉଁଠି ? ଗାଁ ଲୋକେ କିନ୍ତୁ ପୂରା ଧର୍ମାନ୍ଧ ହୋଇଯାଇଛନ୍ତି । ତେବେ ଭୂତ ପ୍ରେତ ଭୟରେ କିଏ ଗୁଣିଗାରେଡିର ସାହାରା ନେଇଛି ତ କିଏ ଦେବାଦେବୀଙ୍କ ଭରସାରେ ପଡିଲାଣି
ଯଦି ପିଲାମାନଙ୍କ ସ୍ବାସ୍ଥ୍ୟରେ କୌଣସି ସମସ୍ୟା ନାହିଁ, ତେବେ କାହିଁକି ସେମାନଙ୍କ ଠାରେ ଏଭଳି ଅସ୍ବାଭାବିକ ଲକ୍ଷ୍ୟଣ ଦେଖିବାକୁ ମିଳୁଛି ? ଭୂତ, ପ୍ରେତ ହେଉ ବା ଅନ୍ୟ କୌଣସି ଅଲୌକିକ ଶକ୍ତିର ପ୍ରଭାବ, ଏଭଳି ପରିସ୍ଥିତି କିନ୍ତୁ ଗାଁ ଲୋକଙ୍କ ନିଦ ହଜାଇ ଦେଇଛି ।

   Related Posts