ଘସିପୁରା, ୨୮।୦୮: କେଉଁଝର ଜିଲ୍ଲା ଘସିପୁରା ତହସିଲ ଅଧିନ କୁଶେଇ ନଦୀର ଦେଓଗାଁ ବାଲିଘାଟରୁ ବେଆଇନ୍ ଭାବେ ଗାଧୁଆ ତୁଠ ଦେଇ ବାଲିଗାଡି ଚଳାଚଳକୁ କଡା ବିରୋଧ କରାଯାଇଛି । ଗାଁର ମହିଳାମାନେ ଗାଧୁଆ ତୁଠ ରାସ୍ତାରେ ବାଡ ପକାଇ ଜଗି ବସିଛନ୍ତି । ଗାଁର ଅନେକ ମହିଳା ସନ୍ଧ୍ୟା ଯାଇ ରାତି ହୋଇଥିଲେ ମଧ୍ୟ ଏଠାରେ ବସିଥିଲେ ମଧ୍ୟ କୌମସି ଅଧିକାରୀ ଏବେସୁଦ୍ଧା ସେମାନଙ୍କ ସହ ଆଲୋଚନା କରିନାହାଁନ୍ତି ।
{"id":321818,"sizeSlug":"large"}ସୂଚନାନୁସାରେ, କୂଶେଇ ନଦୀର ଦେଓଗାଁ ଘାଟରୁ ବାଲି ପରିବହନ ପାଇଁ ଲିଜ୍ ଦିଆଯାଇଛି । ଏହି ସୈରାତ ପାଇଁ ମାନିଂ ପ୍ଲାନ୍ ରେ ବାଲି ପରିବହନ ପାଇଁ ସ୍ବତନ୍ତ୍ର ରାସ୍ତା ରହିଛି । କିନ୍ତୁ ଲିଜଧାରୀ ରାତିରେ ବେଆଇନ୍ ଭାବେ ଗାଧୁଆ ତୁଠ ରାସ୍ତାଦେଇ ହାଇଓ୍ବା ଯୋଗେ ବାଲି ପରିବହନ କରୁଛନ୍ତି । ଯାହାକୁ ଗ୍ରାମବାସୀ ବିରୋଧ କରିଛନ୍ତି । କାରଣ ବାଲି ପରିବହନ ହେତୁ ରାସ୍ତାରେ ଖାଲଖମା ହୋଇ ନାନାଦି ଅସୁବିଧାର ସମ୍ମୁଖୀନ ହେଉଛନ୍ତି ଲୋକେ । ତେବେ ଏ ସମ୍ପର୍କରେ ତହସିଲ କର୍ତ୍ତୁପକ୍ଷଙ୍କୁ ଅବଗତ କରାଇଥିଲେ ମଧ୍ୟ କେହି ଶୁଣୁନଥିବା ଅଭିଯୋଗ ହୋଇଛି । ତେବେ ଏ ସମ୍ପର୍କରେ ଘସିପୁରା ତହସିଲଦାରଙ୍କୁ ଯୋଗାଯୋଗ କରିବାକୁ ଚେଷ୍ଟା କରିଥିଲେ ମଧ୍ୟ ଯୋଗାଯୋଗ ସମ୍ଭବ ହୋଇପାରି ନାହିଁ ।