Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ଭୁବନେଶ୍ୱରର ଏକ ହୋଟେଲ ରୁମରେ ଯୁବତୀଙ୍କୁ ହତ୍ୟା ; ପୁରୁଷ ବନ୍ଧୁ ଫେରାର

24/08/2018 at 12:54 AM

ଭୁବନେଶ୍ୱର ୨୪/୮ : ଭୁବନେଶ୍ୱର ମଂଚେଶ୍ୱର ଥାନା ଅନ୍ତର୍ଗତ ଜାତୀୟ ରାଜପଥ କଡରେ ଥିବା ଏକ ହୋଟେଲରୁ ଆଜି ଜଣେ ଯୁବତୀଙ୍କ ମୃତଦେହ ଉଦ୍ଧାର କରାଯାଇଛି | ଯୁବତୀଙ୍କ ଶରୀରର ବିଭିନ୍ନ ସ୍ଥାନରେ କ୍ଷତ ଚିହ୍ନ ରହିଛି | ଲୁହା ରଡ଼ କିମ୍ବା ଅନ୍ୟ କୌଣସି ଶକ୍ତ ଅସ୍ତ୍ରରେ ତାଙ୍କୁ ଆଘାତ କରାଯାଇଥିବା ଅନୁମାନ କରାଯାଉଛି | ୨ ଦିନ ତଳେ ଅର୍ଥାତ ୨୨ ତାରିଖ ଦିନ ଜଣେ ପୁରୁଷ ବନ୍ଧୁଙ୍କ ସହ ଯୁବତୀ ଏହି ହୋଟେଲରେ ରହିଥିଲେ | ହୋଟେଲ ରେଜିଷ୍ଟରରୁ ଜଣାପଡିଛି ଯୁବତୀଙ୍କ ନାଁ ଲଷ୍ମୀପ୍ରିୟା ଓ ତାଙ୍କ ଘର ଖୋର୍ଦ୍ଧା ନିକଟ ଗୋରଡା ଗ୍ରାମରେ | ସେହିଭଳି ତାଙ୍କ ପୁରୁଷ ବାନ୍ଧୁଙ୍କ ନାଁ ଆଦିତ୍ୟ ମହାପାତ୍ର ଓ ତାଙ୍କ ଘର ପୁରୀ ଦୋଳମଣ୍ଡପ ସାହିରେ | ସ୍ୱାମୀ ସ୍ତ୍ରୀର ପରିଚୟ ଦେଇ ଏମାନେ ହୋଟେଲରେ ରହିଥିଲେ | ଯୁବତୀଙ୍କ ମୃତଦେହ ଉଦ୍ଧାର ହେଲା ବେଳକୁ ରୁମରେ ତାଙ୍କ ପୁରୁଷ ବନ୍ଧୁ ଆଦିତ୍ୟ ନଥିଲେ | ମୃତ ଯୁବତୀଙ୍କ ଶବ ଉଦ୍ଧାର କରିବା ସହ ପୋଲିସ ଆଦିତ୍ୟକୁ ଖୋଜୁଛି | ହୋଟେଲର ସିସିଟିଭି ଫୁଟେଜ ଜବତ କରି ତଦନ୍ତ ଆରମ୍ଭ କରିଛି | ଯୁବତୀଙ୍କୁ ହତ୍ୟା କରାଯାଇଥିବା ସ୍ପଷ୍ଟ ହେଉଥିବା ବେଳେ ଏଥିରେ ତାଙ୍କ ପୁରୁଷ ବନ୍ଧୁଙ୍କ ସମ୍ପୃକ୍ତି ଥିବା ପୋଲିସ ଆଶଙ୍କା କରୁଛି | ତେବେ ହତ୍ୟା ପଛର କାରଣ ଜଣାପଡିନାହିଁ |

   Related Posts