Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • କରୋନାରେ ଆଉ ଜଣେ ଟିଏମସି ବିଧାୟକଙ୍କ ପରଲୋକ
  • ||
  • ୧୦ ଦିନର ଶିଶୁପୁତ୍ରକୁ ୧୦ ହଜାର ଟଙ୍କାରେ ବିକିଦେଲା ବାପା, ମାଳିସାହି ନିକଟରୁ ଉଦ୍ଧାର କଲା ପୋଲିସ
  • ||
  • ହତ୍ୟା କରି ଗଛରେ ଟାଙ୍ଗିଦେଲେ ! ସନ୍ଧ୍ୟାରେ ସାଙ୍ଗ ହୋଇ ମଦ ପିଇଲା ପରେ ଏମିତି ଘଟିଲା କ’ଣ ?
  • ||
  • ଯୁବକଙ୍କୁ ବୀଭତ୍ସ ହତ୍ୟା : ଖଣ୍ଡା ଓ ଫାର୍ସାରେ ବେକକୁ ହାଣିଦେଲେ ୪ ଦୁର୍ବୃତ୍ତ
  • ||
  • କମୁଛି ସଂକ୍ରମଣ, ରାଜ୍ୟରେ ୨୪ ଘଣ୍ଟାରେ ୩୫୭୭ କୋଭିଡ୍ ପଜିଟିଭ୍ ଚିହ୍ନଟ
  • ||
  • ୧୨ ଫୁଟର ଅଜଗର ଉଦ୍ଧାର, କପିଳାସ ଜଙ୍ଗଲରେ ଛାଡିଲା ବନ ବିଭାଗ
  • ||
  • ବିପୁଳ ପରିମାଣର ଗଞ୍ଜେଇ ଜବତ, ୩ ମାଫିଆ ଗିରଫ
  • ||
  • ଚର୍ଚ୍ଚିତ ଓଡ଼ିଆ କଣ୍ଠଶିଳ୍ପୀ ତପୁ ମିଶ୍ରଙ୍କ ପରଲୋକ
  • ||

ବର୍ଲିନର ପ୍ରସିଦ୍ଧ ପଲିଟିକାଲ ପବ୍‌ରେ ବିଅର୍ ପିଇପାରିବେ ନାହିଁ ମାର୍କେଲ୍ ଏବଂ ତାଙ୍କ ସରକାରର ମନ୍ତ୍ରୀ, ନୂଆ ଲକଡାଉନ୍ ପ୍ରତିବାଦରେ ରାଷ୍ଟ୍ରନେତାଙ୍କୁ କଳା ତାଲିକାଭୁକ୍ତ କଲା ବିଅର୍ ବାର୍

2/11/2020 at 4:46 PM

ବର୍ଲିନ, ୨|୧୧ (ଏଜେନ୍ସି):  ଜର୍ମାନୀରେ ଏବେବି ଅନେକ ସ୍ଥାନରେ ଆଂଶିକ ଲକଡାଉନ୍ ରହିଛି । ଏହି ସମୟରେ ସମସ୍ତ ରେଷ୍ଟୁରାଣ୍ଟ ଓ ବାର୍ ଆଦି ବନ୍ଦ ରହିଛି । ଏହାର ଅଧିକ ପ୍ରଭାବ ପଡିଛି ଜର୍ମାନୀର ରେଷ୍ଟୁରାଣ୍ଟ ତଥା ପବ୍ ଷ୍ଟାଣ୍ଡିଜ୍ ଭରତ୍ରେତୁଙ୍ଗ୍ ଉପରେ । କାରଣ ଏହି ପବ୍ ଅନେକ ରାଜନେତାଙ୍କ ପ୍ରଥମ ପସନ୍ଦ ।

ଏହି ପବର ମାଲିକ ଦେଶରେ ଲାଗୁ ହୋଇଥିବା ଆଂଶିକ ଲକଡାଉନକୁ ନେଇ କ୍ରୋଧ ପ୍ରକାଶ କରିଛନ୍ତି । କାରଣ ଏହି ସମୟରେ ସମସ୍ତ ପବ୍ ଓ ରେଷ୍ଟୁରାଣ୍ଟ ବନ୍ଦ ରହିଛି । ଏପରିକି କରୋନା ପାଇଁ ଜର୍ମାନୀର ଅର୍ଥବ୍ୟବସ୍ଥା ରସାତଳଗାମୀ ହେବାରେ ଲାଗିଛି । ପବର ମାଲିକ ଜର୍ନ ପିଟର ଓ ଜାନ୍ ଫିଲିପ୍ସ ବବିଞ୍ଜର୍ ଏକ ଫେସବୁକ ପୋଷ୍ଟରେ ଭିଡିଓ ଜାରି କରି କହିଛନ୍ତି ଯେ, ଜର୍ମାନୀ ସରକାର କରୋନାର ଦ୍ୱିତୀୟ ଲହରର ମୁକାବିଲା କରିବାରେ ବିଫଳ ହୋଇଛନ୍ତି । କାରଣର ଏପ୍ରିଲ ମାସରୁ ବ୍ୟବସାୟ କ୍ଷତିରେ ଚାଲିଛି ।

ଜର୍ମାନ ସରକାରଙ୍କ ତଥ୍ୟାନୁସାରେ, ରେଷ୍ଟୁରାଣ୍ଟରେ ସଂକ୍ରମଣ ମାମଲା ବହୁତ କମ୍ । ତେବେ ଦେଶରେ ରେଷ୍ଟୁରାଣ୍ଟ ଶିଳ୍ପରେ ପ୍ରାୟ ୨୫ ଲକ୍ଷ ଲୋକ କାମ କରନ୍ତି । ସେମାନେ ଏହି ନଭେମ୍ବରରେ ରୋଜଗାର ହରାଇଛନ୍ତି ।

ପବର ମାଲିକ ଆହୁରି କହିଛନ୍ତି ଯେ, ଅନେକ ରାଜନୈତିକ ବ୍ୟକ୍ତି ତାଙ୍କ ପବକୁ ଆସିଥାନ୍ତି । କିଛି ରାଜନେତା ନିଜର କ୍ୟାଟରିଂ ବ୍ୟବସାୟ ବନ୍ଦ କରିବାକୁ ନିଷ୍ପତ୍ତି ନେଇଛନ୍ତି । ଏହି ରାଜନେତାମାନେ ପବ୍ ବିରୋଧରେ ଷଡଯନ୍ତ୍ର କରୁଛନ୍ତି । ସେମାନଙ୍କୁ କଳାତାଲିକାଭୁକ୍ତ କରାଯାଇଛି । କଳାତାଲିକା ଭୁକ୍ତ ହୋଇଥିବା ରାଜନେତାଙ୍କ ମଧ୍ୟରେ ଜର୍ମାନୀ ଚାନସେଲର୍ ଆଞ୍ଜେଲା ମର୍କେଲ, ଭାଇସ ଚାନସେଲର ଓଲାଫ ସ୍କୋଲସ, ବର୍ଲିନର ଗଭର୍ଣ୍ଣିଂ ମେୟର ମାଇକେଲ୍ ମୁଲେର, ମନ୍ତ୍ରୀ ବାଭାରିଆ ମାର୍କସ ରହିଛନ୍ତି । ଯଦି କେବେ ଚାନସେଲର ତାଙ୍କ ପବକୁ ଆସିବାକୁ ଇଚ୍ଛା କରନ୍ତି ତେବେ ପ୍ରଥମେ ମାଲିକଙ୍କ ସହ କଥା ହେବାକୁ ପଡିବ ।

ସୂଚନାଯୋଗ୍ୟ, ଷ୍ଟାଣ୍ଡିଜ୍ ଭର୍ତ୍ରେତୁଙ୍ଗ୍ ୧୯୯୭ରେ ପ୍ରତିଷ୍ଠା ହୋଇଥିଲା । ବର୍ଲିନ ରେଳ ଷ୍ଟେସନ ନିକଟରେ ଏହି ପବ୍ ଅବସ୍ଥିତ । ଏହି ପବକୁ ଅନେକ ରାଜନେତା ଆସିଥାନ୍ତି ।

   Related Posts