Prameya News7

Prameya News7, News7 Odia, Odisha Latest News, Odisha Current Headlines, Odisha News Online

କରୋନା ଭାଇରସର ଶିକାର ହେଲେ ଜେନେଲିଆ ଡିସୁଜା, ସୋସିଆଲ ମିଡ଼ିଆ ପୋଷ୍ଟ ଜରିଆରେ ଦେଲେ ସୂଚନା

29/08/2020 at 8:41 PM

ମୁମ୍ବାଇ ୨୯/୦୮ : ବଲିଉଡ ଅଭିନେତ୍ରୀ ଜେନେଲିଆ ଡିସୁଜା ସୋସିଆଲ ମିଡ଼ିଆରେ ଏକ ପୋଷ୍ଟ କରିଛନ୍ତି | ସେ କରୋନା ସଂକ୍ରମଣର ଶିକାର ହୋଇଥିବା ଏହି ପୋଷ୍ଟ ମାଧ୍ୟମରେ କହିଛନ୍ତି | ଜେନେଲିଆଙ୍କ ପୋଷ୍ଟ ଅନୁସାରେ, ୩ ସପ୍ତାହ ପୂର୍ବରୁ ତାଙ୍କର କରୋନା ଟେଷ୍ଟ ହୋଇଥିଲା | ତାଙ୍କର କରୋନା ଟେଷ୍ଟ ରିପୋର୍ଟ ପଜିଟିଭ ଆସିଥିଲା | ସେ ନିଜ ପୋଷ୍ଟରେ ଲେଖିଛନ୍ତି ଯେ, ୩ ସପ୍ତାହ ପୂର୍ବରୁ ସେ କରୋନା ପଜିଟିଭ ଚିହ୍ନଟ ହୋଇଥିଲେ | ୨୧ ଦିନ ଯାଏଁ କରୋନାର କୌଣସି ଲକ୍ଷଣ ପରିଲକ୍ଷିତ ହୋଇନଥିଲା | କିନ୍ତୁ ଏବେ ସେ ସୁସ୍ଥ ହୋଇ ଘରକୁ ଫେରିଛନ୍ତି | ଆଇସୋଲେସନରେ ୨୧ ଦିନ ତାଙ୍କ ପାଇଁ ବହୁତ କଷ୍ଟକର ଥିଲା ବୋଲି ସେ କହିଛନ୍ତି | ନିଜ ପରିବାର ଠାରୁ ଦୂରରେ ରହି ତାଙ୍କୁ ବହୁତ କଷ୍ଟ ହୋଇଥିଲା ବୋଲି ସେ କହିଛନ୍ତି | ନିଜ ପରିବାରର ସ୍ନେହ ଓ ଭଲ ପାଇବା ମଣିଷର ସବୁଠାରୁ ବଡ ଖୁସି ଓ ସାହସ ବୋଲି ସେ କହିଛନ୍ତି | ତେବେ ସେ ଘରକୁ ଫେରି ବହୁତ ଖୁସି ଅଛନ୍ତି |

ଜେନେଲିଆଙ୍କ ଏହି ପୋଷ୍ଟ ସୋସିଆଲ ମିଡ଼ିଆରେ ଖୁବ ଭାଇରାଲ ହୋଇଛି | ତାଙ୍କ ପ୍ରଶଂସକ ତାଙ୍କ ପୋଷ୍ଟରେ ପ୍ରତିକ୍ରିୟା ଦେବା ସହ ସେ ସୁସ୍ଥ ହୋଇ ଘରକୁ ଫେରିଥିବାରୁ ଶୁଭକାମନା ଜଣାଇଛନ୍ତି | ଏହା ପୂର୍ବରୁ ଅମିତାଭ ବଚ୍ଚନ. ଅଭିଷେକ ବଚ୍ଚନ, ଐଶ୍ୱର୍ଯ୍ୟା ରାୟ, କନିକା କପୁର ଓ ଅନ୍ୟ ସେଲିବ୍ରିଟି କରୋନାର ଶିକାର ହୋଇଛନ୍ତି |

   Related Posts