ନୂଆଦିଲ୍ଲୀ ୦୭/୦୭: ନିକଟରେ ଅଭିନେତ୍ରୀ ଗହନା ବଶିଷ୍ଠଙ୍କର ହୃଦଘାତ ହୋଇଥିଲା। ଏହା ପରେ ତାଙ୍କୁ ଡାକ୍ତରଖାନାରେ ଭର୍ତ୍ତି କରାଯାଇଥିଲା। ଯେଉଁଠାରେ ତାଙ୍କୁ କାର୍ଡିଓପୁଲମୋନାରୀ ବାଇପାସ୍ ପମ୍ପରେ ରଖାଯାଇଛି । ଗେହନାଙ୍କ ହୃଦଘାତ ବିଷୟରେ ସୂଚନା ଅଭିନେତ୍ରୀଙ୍କ ମୁଖପାତ୍ର ଫ୍ଲିନି ରେମିଡିୟୋସ ପ୍ରଦାନ କରିଥିଲେ। ବର୍ତ୍ତମାନ ଅଭିନେତ୍ରୀ ଜୀବନ ଏବଂ ମୃତ୍ୟୁ ମଧ୍ୟରେ ଲଢୁଛନ୍ତି ବୋଲି ଖବର ସାମ୍ନାକୁ ଆସିଛି। କୁହାଯାଉଛି ଯେ ତାଙ୍କ ଫୁସଫୁସ କାମ କରିବା ବନ୍ଦ କରି ଦେଇଛି। ଯେଉଁଥିପାଇଁ ତାଙ୍କୁ ସିପିବି ପମ୍ପ ଅର୍ଥାତ୍ କାର୍ଡିଓପୁଲମୋନାରୀ ବାଇପାସ୍ ଟେକ୍ନିକରେ ରଖାଯାଇଛି ।

{"width":580,"height":392}

ଗହନାଙ୍କ ମୁଖପାତ୍ର ଫ୍ଲିନି ରେମିଡିୟୋସ କହିଛନ୍ତି ଯେ ମଧୁମେହ ବିଶେଷଜ୍ଞ ତଥା କାର୍ଡିଆକ୍ ଇଣ୍ଟେନସିଭିଷ୍ଟ ଡକ୍ଟର ପ୍ରଣବ କାବରାଙ୍କ ଅନୁଯାୟୀ ଅଭିନେତ୍ରୀଙ୍କ ଅବସ୍ଥା ଗୁରୁତର ରହିଛି। ସୋମବାର ସକାଳେ ଗହନାଙ୍କ ଅବସ୍ଥା ସୁଧୁରିଥିଲା ​​କିନ୍ତୁ ମଧ୍ୟାହ୍ନ ସୁଦ୍ଧା ପୁଣି ତାଙ୍କ ଅବସ୍ଥା ଆହୁରି ଖରାପ ହୋଇଗଲା ।

ଫ୍ଲିନି ରେମିଡିୟୋସ କହିଥିଲେ, 'ଗତ ଶନିବାର ଗହନାଙ୍କର ହୃଦଘାତ ହୋଇଥିଲା। ଏହା ପରେ ତାଙ୍କୁ ତୁରନ୍ତ ପଶ୍ଚିମ ମୁମ୍ବାଇର ଏକ ସ୍ଥାନୀୟ ଡାକ୍ତରଖାନାରେ ଭର୍ତ୍ତି କରାଯାଇଥିଲା। ତାଙ୍କ ବିଲ୍ଡିଂରୁ ମୋତେ ଜଣାଇ ଦିଆଯାଇଥିଲା ଯେ ତାଙ୍କୁ ଡାକ୍ତରଖାନାରେ ଭର୍ତ୍ତି କରାଯାଇଛି। ମୋତେ କୁହାଯାଇଥିଲା ଯେ ସେ ଚେତାଶୂନ୍ୟ ଏବଂ କାହା ସହିତ କଥାବାର୍ତ୍ତା କରିବାର ଅବସ୍ଥାରେ ନାହାଁନ୍ତି ।’

{"width":579,"height":380}

ଅଭିନେତ୍ରୀଙ୍କ ମଧୁମେହ ଅଛି, ଯଦି ସେ ଠିକ୍ ସମୟରେ ଇନସୁଲିନ୍ ନ ପାଆନ୍ତି, ତା’ହେଲେ ତାଙ୍କ ସ୍ୱାସ୍ଥ୍ୟ ଅବସ୍ଥା ଖରାପ ହୋଇଯାଏ । ଏହାପୂର୍ବରୁ ସୁଟିଂ ସମୟରେ ଗହନା ମଧ୍ୟ ଅଚେତ୍ ହୋଇଯାଇଥିଲେ। ୨୦୧୯ ମସିହାରେ, ଗହନା କିଛି ନ ଖାଇ ଅନେକ ଘଣ୍ଟା ଧରି ଲଗାତାର ସୁଟିଂ କରିଥିଲେ, ଯେଉଁଥିପାଇଁ ସେ ଅଚେତ୍ ହୋଇଯାଇଥିଲେ । ତାଙ୍କ ଅବସ୍ଥା ମଧ୍ୟ ବହୁତ ଖରାପ ହୋଇଯାଇଥିଲା। ତାଙ୍କୁ ଡାକ୍ତରଖାନାରେ ଭର୍ତ୍ତି କରାଯାଇଥିଲା ଯେଉଁଠାରେ ସେ ଅନେକ ଦିନ ପର୍ଯ୍ୟନ୍ତ ଚେତାଶୂନ୍ୟ ରହିଥିଲେ।