Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ସାଧାରଣ ଜନତାଙ୍କ ପାଇଁ ବଢ଼ିଲା ଚିନ୍ତା : ପିଆଜ କିଲୋ ୧୦୦ ଟଙ୍କା !
  • ||
  • ରାସ୍ତା ଝାଡୁମାରି ପ୍ରଶଂସା ସାଉଁଟିଥିବା ଟ୍ରାଫିକ୍ କନେଷ୍ଟବଳ ଲଳିତ ମୋହନ ରାଉତ ସମ୍ମାନୀତ
  • ||
  • ଲେମ୍ବୁ ପାଣିରେ ସନ୍ଧବ ଲୁଣ ମିଶାଇ ସେବନ କଲେ ନିୟନ୍ତ୍ରଣ ହୋଇଥାଏ ଓଜନ
  • ||
  • ଆକର୍ଷଣୀୟ ଚାକିରୀ: ବିସ୍କୁଟ୍ ଚାଖିବାକୁ ମିଳିବ ୪୦ ଲକ୍ଷ ଟଙ୍କା ଦରମା
  • ||
  • ଭକ୍ତଙ୍କ ପାଇଁ ଖୁସି ଖବର, ପୁରୀ ଶ୍ରୀମନ୍ଦିରରେ ମିଳିବ ମହାପ୍ରସାଦ ମିଳିବ
  • ||
  • ପୂଜା ପାଇଁ କଟକ ସହରରେ ମୁତୟନ ହେବେ ୩୦ପ୍ଲାଟୁନ ପୋଲିସ ଫୋର୍ସ
  • ||
  • ସମ୍ବଲପୁର ପଡିଆବାହଲରେ ଟ୍ରକ୍ ଚାପାରେ ମା’ ଓ ଶିଶୁପୁତ୍ରର ମୃତ୍ୟୁ
  • ||
  • ଅପରାହ୍ନ ୪ଟାରେ ରାଜ୍ୟବାସୀଙ୍କୁ ମୁଖ୍ୟମନ୍ତ୍ରୀଙ୍କ ସମ୍ବୋଧନ
  • ||
  • ସଞ୍ଜୁ ବାବାଙ୍କ ସ୍ୱାସ୍ଥ୍ୟକୁ ନେଇ ସାମ୍ନାକୁ ଆସିଲା ବଡ ଖବର
  • ||
  • ବ୍ରହ୍ମୋସ୍ ମିସାଇଲ୍ ପରୀକ୍ଷଣରେ ଭିଡିଓ ଜାରି କଲା ଭାରତୀୟ ନୌସେନା
  • ||

ଗାୟତ୍ରୀ ମହାମନ୍ତ୍ର ଜପରୁ ମିଳିଥାଏ ଅନେକ ଲାଭ: ଜାଣନ୍ତୁ ମନ୍ତ୍ରର ଅର୍ଥ ଓ ଜପ ବିଧି

29/09/2020 at 6:39 PM

ଭୁବନେଶ୍ୱର ୨୯/୦୯ : ଶାସ୍ତ୍ର ଅନୁସାରେ ଗାୟତ୍ରୀ ମନ୍ତ୍ରକୁ ବେଦରେ ସର୍ବଶ୍ରେଷ୍ଠ ମନ୍ତ୍ର କୁହାଯାଇଛି । ଗାୟତ୍ରୀ ମନ୍ତ୍ରକୁ ମହାମନ୍ତ୍ର ମଧ୍ୟ କୁହାଯାଏ । ମୁନି ଋଷି ମୁକ୍ତ କଣ୍ଠରେ ଗାୟତ୍ରୀ ମନ୍ତ୍ର ଗୁଣଗାନ କରନ୍ତି । ଭଗବାନ ଶ୍ରୀକୃଷ୍ଣ ଗୀତାରେ ସ୍ୱୟଂ କହିଛନ୍ତି ଯେ ‘ଗାୟତ୍ରୀ ଛନ୍ଦସାମହମ’ ଅର୍ଥାତ ମୁଁ ସ୍ୱୟଂ ଗାୟତ୍ରୀ ମନ୍ତ୍ରରେ ଅଛି ।

” ଓଁ ଭୂର୍ଭୁଵଃ ସ୍ଵ ତାତ୍ସବିତୁରବରେନ୍ୟଂ ଭର୍ଗୋ ଦେଵସ୍ୟ ଧୀମହୀ ଧିୟୋ ୟୋ ନଃ ପ୍ରଚୋଦୟାତ୍ “

ଅର୍ଥାତ, ସେହି ପ୍ରାଣସ୍ୱରୂପ, ଦୁଃଖନାଶକ, ସୁଖସ୍ୱରୂପ, ଶ୍ରେଷ୍ଠ, ତେଜସ୍ୱି, ପାପନାଶକ, ଦେବସ୍ୱରୂପ ପରମାତ୍ମାଙ୍କୁ ଆମେ ଧ୍ୟାନ କରିବା । ସେହି ପରମାତ୍ମା ଆମ ବୁଦ୍ଧିକୁ ସତମାର୍ଗରେ ପ୍ରେରିତ କରିବେ ।

ଗାୟତ୍ରୀ ମନ୍ତ୍ର ଜପ କରିବା ସମୟ :

ବେଦ ଓ ପୁରାଣରେ ଗାୟତ୍ରୀ ମନ୍ତ୍ର ଜପ କରିବାକୁ ୩ଟି ସମୟ ଦିଆଯାଇଛି । ପ୍ରଥମ ସମୟ ହେଲା ପ୍ରାତଃକାଳ, ଦ୍ୱିତୀୟରେ ଅପରାହ୍ନ ସମୟ ଓ ତୃତୀୟରେ ସନ୍ଧ୍ୟା ସମୟ । ତାଛଡା ଗାୟତ୍ରୀ ମହାମନ୍ତ୍ର ଯେକୌଣସି ସମୟରେ ଏବଂ ଯେକୌଣସି ସ୍ଥାନରେ ମୌନ ରହି କରିପାରିବେ ।

ଗାୟତ୍ରୀ ମନ୍ତ୍ର ଜପ କରିବା ବିଧି :

-ଘରର ମନ୍ଦିର କିମ୍ବା କୌଣସି ସଫା ଜାଗାରେ ଗାୟତ୍ରୀ ମାତାଙ୍କୁ ଧ୍ୟାନ କରି ଜପ କରିବା ଉଚିତ

– ସ୍ନାନ ଆଦି ସାରି ସଫା ଲୁଗା ପିନ୍ଧି ଗାୟତ୍ରୀ ମହାମନ୍ତ୍ର ଜପ କରିବା ଉଚିତ

– ଗାୟତ୍ରୀ ମହାମନ୍ତ୍ର ଜପ କରିବା ସମୟରେ ଆରାମଦାୟକ ମୁଦ୍ରାରେ ବସିବା ଉଚିତ

– ମହାମନ୍ତ୍ର ଜପ ପାଇଁ ତୁଳସୀ କିମ୍ବା ଚନ୍ଦନ ମାଳା ପ୍ରୟୋଗ କରିବା ଉଚିତ

– ତରତର ହୋଇ ଗାୟତ୍ରୀ ମହାମନ୍ତ୍ର ଜପ କରିବା ଅନୁଚିତ

–  ଗାୟତ୍ରୀ ମହାମନ୍ତ୍ର ଜପ ବଡ ପାଟିରେ କରିବା ଉଚିତ ନୁହେଁ, ମୌନ ରହି କରିବା ଉଚିତ

ଗାୟତ୍ରୀ ମହାମନ୍ତ୍ରରୁ କଣ ମିଳିଥାଏ ବରଦାନ :

– ଗାୟତ୍ରୀ ମନ୍ତ୍ର ଜପ ଦ୍ୱାରା ବ୍ୟକ୍ତିଙ୍କ ମନରେ ଉତ୍ସାହ ଓ ସକାରାତ୍ମକ ଶକ୍ତି ବୃଦ୍ଧି ପାଇଥାଏ

-ମହାମନ୍ତ୍ର ଜପ ଦ୍ୱାରା ବ୍ୟକ୍ତିଙ୍କ ମନ ଧାର୍ମିକ କାର୍ଯ୍ୟରେ କାଗିଥାଏ

– ମହାମନ୍ତ୍ର ଜପ ଦ୍ୱାରା ବ୍ୟକ୍ତିଙ୍କୁ ପୂର୍ବାଭାସ ମଧ୍ୟ ହୋଇଥାଏ

– ଗାୟତ୍ରୀ ମନ୍ତ୍ର ଜପ ଦ୍ୱାରା ବ୍ୟକ୍ତିଙ୍କ ଭିତରେ ଆଶୀର୍ବାଦ ଦେବା ଶକ୍ତି ବୃଦ୍ଧି ପାଏ

– ମହାମନ୍ତ୍ର ଜପ ଦ୍ୱାରା ସ୍ବପ୍ନ ସିଦ୍ଧି ପ୍ରାପ୍ତି ହୋଇଥାଏ

–  ମହାମନ୍ତ୍ର ଜପ ଦ୍ୱାରା ମଣିଷର କ୍ରୋଧ ଶାନ୍ତ ହେବାକୁ ଲାଗିଥାଏ

– ଗାୟତ୍ରୀ ମହାମନ୍ତ୍ର ଜପ ଦ୍ୱାରା ତ୍ୱଚା ଉଜ୍ଜ୍ୱଳ ହୋଇଥାଏ

– ଗାୟତ୍ରୀ ମହାମନ୍ତ୍ର ଜପ ଦ୍ୱାରା ମଣିଷ ମନ ଖରାପ କାର୍ଯ୍ୟରୁ ଦୁରେଇ ରୁହେ

   Related Posts