ଲମତାପୁଟ, ୨୦।୦୬ : ଗଞ୍ଜେଇ ଚୋରା ଚାଲାଣ ବେଳେ ଧରା ପଡିଲେ ୩ ମାଫିଆ । ନନ୍ଦପୁର ପୋଲିସ ହାତରେ ୩ ଦୁର୍ଦ୍ଦାନ୍ତ ଗଞ୍ଜେଇ ମଫିଆ ଧରା ପଡିଛନ୍ତି । ପାଡୁଆ ଅଞ୍ଚଳରୁ ଗଞ୍ଜେଇ ଚୋରା ଚାଲଣ ବେଳେ ପୋଲିସ ଜବତ କରିଛି ବିପୁଳ ଗଞ୍ଜେଇ ।
ବିଶେଷ ସୂତ୍ରରୁ ଖବର ପାଇ କୋରାପୁଟ ଏସପିଙ୍କ ନିର୍ଦେଶ କ୍ରମେ ନନ୍ଦପୁର ଏସ ଡ଼ି.ପିଓଙ୍କ ନେତୃତ୍ଵରେ ନନ୍ଦପୁର ପୋଲିସର ୭ ଜଣିଆ ଟିମ୍ ବ୍ଲକ ଅଫିସ ନିକଟରେ ନାକା ବନ୍ଦୀ କରିଥିଲେ । ପାଡୁଆ ଅଞ୍ଚଳରୁ ଦ୍ରୁତ ଗତିରେ ଆସୁଥିବା କାରକୁ ଅଟକାଇ ଥିଲା ପୋଲିସ । ଗାଡି ସେଠାରୁ ବିପରୀତ ଦିଗକୁ ବୁଲାଇ ଖସି ପଳାଇବାକୁ ଚେଷ୍ଟା କରୁଥିବା ବେଳେ ପୋଲିସ ୩ ଦୁର୍ଦ୍ଦାନ୍ତ ଗଞ୍ଜେଇ ମଫିଆକୁ କାବୁ କରିବା ସଫଳ ହୋଇଥିଲା ।
କିନ୍ତୁ ମୁଖ୍ୟ ଅଭିଯୁକ୍ତ ତଥା ସେହି ଅଞ୍ଚଳର ଦୁର୍ଦ୍ଦାନ୍ତ ଗଞ୍ଜେଇ ମଫିଆ ଅଭି ଖିଲ ଅନ୍ଧାରର ସୁଯଗ ନେଇ ଜଙ୍ଗଲ ଭିତରକୁ ଖସି ପଳାଇବାରେ ସକ୍ଷମ ହୋଇଥିଲା । ୩ ମଫିଆଙ୍କୁ କାବୁ କରିବା ପରେ କାରକୁ ଯାଞ୍ଚ କରିବାରୁ ଡିକିରେ ୪ଟି ବସ୍ତାରେ ପ୍ରାୟ ଏକ କୁଇଣ୍ଟାଲ ଗଞ୍ଜେଇ ଥିବା ଜାଣିବାକୁ ପାଇଥିଲା ପୋଲିସ । ଏହାର ମୂଲ୍ୟ ପ୍ରାୟ୧୦ ଲକ୍ଷ ଟଙ୍କା ହେବ ବୋଲି ଜଣାପଡିଛି ।
ଗିରଫ ମଫିଆ ମାନେ ପଟାଙ୍ଗୀ ଅଞ୍ଚଳ ସାମଏଲ ଗେଞ୍ଜି , ନଦପୁର ଅଞ୍ଚଳର ସୁରେନ୍ଦ୍ର ମାଲି ଏବଂ ଜୟପୁର ଅଞ୍ଚଳର ପ୍ରଶାନ୍ତ ଖେମୁଣ୍ଡୁ । ନନ୍ଦପୁର ଏସ.ଡ଼ିପିଓ . ସଞ୍ଜୟ ମହାପତ୍ରଙ୍କ ସୂଚନା ଅନୁଯାୟୀ, ଏହି ଦୁର୍ଦ୍ଦାନ୍ତ ଗଞ୍ଜେଇ ମଫିଆମାନେ ଦୀର୍ଘ ବର୍ଷ ହେଲା ବେଧଡକ ଏହି ଅଞ୍ଚରୁ ଗଞ୍ଜେଇ ଚୋରା ଚାଲାଣ କରି ଆସୁଥିଲେ । ଏମାନଙ୍କୁ ପୋଲିସ ବହୁ ବାର ଧରିବା ପାଇଁ ଚେଷ୍ଟା କରୁଥିଲେ ମଧ୍ୟ ଖସି ପଳାଇବାରେ ସକ୍ଷମ ହେଉଥିଲେ । କିନ୍ତୁ ଏହି ଦୁର୍ଦ୍ଦାନ୍ତ ଗଞ୍ଜେଇ ମାଫିଆଙ୍କୁ ଧରିଥିବାରୁ ନନ୍ଦପୁର ପୋଲିସ ପାଇଁ ବଡ ସଫଳତା ବୋଲି କହିଛନ୍ତି । ଫେରାର ହୋଇଯାଇ ଥିବା ମୁଖ୍ୟ ଅଭିଯୁକ୍ତକୁ ପୋଲିସ ଖୁବଶୀଗ୍ର ଗିରଫ କରିବ ବୋଲି ସୂଚନା ଦେଇଛନ୍ତି ।
