Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • କଳାହାଣ୍ଡି : ମହାଲିଙ୍ଗ୍ ସନସାଇନ୍ ପବ୍ଲିକ୍ ସ୍କୁଲରେ ପ୍ରଶାସନର ତଦନ୍ତ, କାଗଜପତ୍ର ଯାଞ୍ଚ ସହ ଆୟବ୍ୟୟ ଅଟକଳର ଚାଲିଛି ଖୋଳତାଡ
  • ||
  • ରାଜ୍ୟରେ କମୁଛି କରୋନା ଗ୍ରାଫ୍: କୋଭିଡ୍ ନେଲା ଆଉ ୨ ଜଣଙ୍କ ଜୀବନ
  • ||
  • ଉପରତଳ ହେଉଛି କରୋନା ଗ୍ରାଫ୍ : ୨୪ ଘଣ୍ଟାରେ ବାହାରିଲେ ୫୨୪ କୋଭିଡ୍ ପଜିଟିଭ୍
  • ||
  • ଟି୨୦ ବିଶ୍ୱକପ : ସୁପର-୧୨ରେ ଶ୍ରୀଲଙ୍କା, ୭୦ରନରେ ଆୟରଲ୍ୟାଣ୍ଡକୁ ଦେଲା ମାତ୍
  • ||
  • +୩ରେ ଲକ୍ଷେ ସିଟ୍ ଖାଲି, ଗୁରୁବାର ସ୍ପଟ୍ ଆଡମିଶନ ପାଇଁ ଆବେଦନ
  • ||
  • ରାଜ୍ୟରେ ଖରାଟିଆ ପାଗ, ୨୩ ସୁଦ୍ଧା ଫେରିଯିବ ମୌସୁମୀ
  • ||
  • ରାଜଧାନୀରେ ରହିବନି ମୁକୁଳା ଡ୍ରେନ୍ : ଦୁଇ ପାର୍ଶ୍ୱରେ ଲାଗିବ ତାରଜାଲି, ସମ୍ପ୍ରସାରଣ ହେବ ସଙ୍କୁଚିତ ନାଳ
  • ||

ଡାକ୍ତର ଲୋଗୋ ଲଗାଇ ବିହାରକୁ ହେଉଥିଲା ଚାଲାଣ, କାର୍‌ରୁ ଜବତ ହେଲା ଦେଢ କ୍ୱିଣ୍ଟାଲ ଗଞ୍ଜେଇ

24/06/2021 at 9:17 AM

ଲମତାପୁଟ, ୨୪/୦୬: ଗଞ୍ଜେଇ ଚୋରା ଚାଲାଣ ବେଳେ  ମାଫିଆଙ୍କୁ ମାଡି ବସିଲା  ମାଛକୁଣ୍ଡ   ପୋଲିସ  ।କୋରାପୁଟ ଜିଲ୍ଲା ଲମତାପୁଟ  ବଡକିଚବ୍  ଗ୍ରାମରୁ  ବିହାର ଚୋରା ଚାଲଣ  ବେଳେ   ମାଛକୁଣ୍ଡ ପୋଲିସ   ହାତରେ ଧରା ପଡିଛି  ବିପୁଳ ପରିମାଣର ଗଞ୍ଜେଇ ।  

ବିଶେଷ ସୂତ୍ରରୁ ଖବର ପାଇ କୋରାପୁଟ  ଏସପିଙ୍କ ନିର୍ଦେଶ କ୍ରମେ ନନ୍ଦପୁର ଏସ.ଡ଼ି.ପିଓଙ୍କ ନେତୃତ୍ଵରେ  ମାଛକୁଣ୍ଡ ପୋଲିସ  ବଡକିଚବ୍   ଗ୍ରାମ ନିକଟରେ  ନାକା ବନ୍ଦୀ   କରିଥିଲା  । ବଡ଼କିଚବ୍ ଗ୍ରାମରୁ ଦ୍ରୁତ ଗତିରେ ଆସୁଥିବା ଏକ କାରକୁ ଅଟକାଇ  ଥିଲା ପୋଲିସ । ଅନ୍ଧାରର ସୁଯୋଗ ନେଇ ଡ୍ରାଇଭର ଫେରାର ହୋଇ ଯାଇଥିବା ଗାଡିରେ ଥିବା ଯୁବକକୁ କାବୁ କରିବା ପରେ କାରକୁ ଯାଞ୍ଚ କରାଯାଇଥିଲା । କାରରେ  ଜାଲ ନମ୍ବର ପ୍ଲେଟ୍ ସାଙ୍ଗକୁ  ୯  ଟି ବସ୍ତାରେ  ପ୍ରାୟ  ଦେଢ଼  କୁଇଣ୍ଟାଲ ଗଞ୍ଜେଇ ଥିବା ଜଣାପଡିଥିଲା । 

ଏହାର ମୂଲ୍ୟ ପ୍ରାୟ ୧୫  ଲକ୍ଷ ଟଙ୍କା ହେବ ବୋଲି ପୋଲିସ କହିଛି । ଗିରଫ ଯୁବକ ଜଣକ  ବିହାର ପାଟଣା ଅଞ୍ଚଳର ଗୁଡୁ କୁମାର  ବୋଲି ଜଣା ପଡିଛି । ଗାଡ଼ିରେ ଡାକ୍ତରଙ୍କ ଲୋଗୋ ଲଗାଇବା ଏବଂ ବିଭିନ୍ନ ନମ୍ବର ପ୍ଲେଟ ବ୍ୟବହାର କରିବା ନେଇ  ଗିରଫ ଯୁବକକୁ ପଚାର ଉଚରା କରାଯାଉଛି। 

ସୂଚନାଯୋଗ୍ୟ, ଚଳିତ ବର୍ଷ ମାଛକୁଣ୍ଡ ପୋଲିସ  ଆଜି ପର୍ଯ୍ୟନ୍ତ ୨୨ଟି  ଗଞ୍ଜେଇ କାରବାରର ପର୍ଦ୍ଦାଫାସ କରିଥିବା ବେଳେ ୩୩ ଜଣଙ୍କୁ  ଗିରଫ କରି କୋର୍ଟ ଚାଲାଣ  କରିଛି । ଏହାସହ ସମୁଦାୟ ୫ ଟନ ୪୫୭ କେଜି  ଗଞ୍ଜେଇ  ଜବତ କରିଥିବା ବେଳେ ୧୮  ଟି ଗାଡି ଜବତ କରାଯାଇଛି ।

   Related Posts