କଳାହାଣ୍ଡି, ୦୨।୦୭ : ଘରୁ ୨ କ୍ବିଣ୍ଟାଲ ୫୪ କେଜିର ଗଞ୍ଜେଇ ଜବତ। କଳାହାଣ୍ଡି ଜିଲ୍ଲା କେସିଙ୍ଗା ପୋଲିସ ଦ୍ବାରା ସିଙ୍ଗବାହାଲି ଗାଁରେ ଚଢ଼ଉ କରାଯାଇ ବିପୁଳ ପରିମାଣର ଗଞ୍ଜେଇ ଜବତ କରାଯାଇଛି ।
ପୋଲିସ ଅଭିଯୁକ୍ତଙ୍କ ପୂଜା ଘର ବାକ୍ସରୁ ଗଞ୍ଜେଇ ଜବତ କରିଛି। ୨ ଅଭିଯୁକ୍ତଙ୍କୁ ଅଟକ ରଖିଥିବା ବେଳେ ମୁଖ୍ୟ ଅଭିଯୁକ୍ତ ଚମ୍ପଟ ମାରିବାରେ ସକ୍ଷମ ହୋଇଛି। ଗୋଟିଏ ସପ୍ତାହରେ କେସିଙ୍ଗା ପୋଲିସର ଏହା ତୃତୀୟ ସଫଳତା।
ପୂର୍ବରୁ ଗଞେଇ ଚାଲାଣ ବେଳେ ଜାତୀୟ ରାଜପଥ ଉପରୁ ୨ ଗୋଟି ଚାରି ଚକିଆ ଗାଡିରୁ ୧ କ୍ବିଣ୍ଟାଲ ୬୦ କେଜି ଗଞ୍ଜେଇ ଜବତ ହୋଇଥିଲା। ଏବଂ ୪ ଜଣ ଗିରଫ ହୋଇଥିଲେ। ଅଭିଯୁକ୍ତଙ୍କ ସୂଚନା ଆଧାରରେ ଗଞ୍ଜେଇ ବିତରଣ କରୁଥିବା ଲିଙ୍କ୍କୁ ପୋଲିସ ତଦନ୍ତ ପରିସରଭୁକ୍ତ କରିଛି।
