ଲମତାପୁଟ, ୧୮|୧୦: ଲମତାପୁଟ ପୋଲିସକୁ ବଡ଼ ସଫଳତା । ଜଙ୍ଗଲରେ ଗଞ୍ଜେଇ ଲୋଡ କରୁଥିବା ବେଳେ ମାଡିବସିଲା ପୋଲିସ ।
ସୂଚନାନୁସାରେ, ଲମତାପୁଟ ପୋଲିସ ଟିମ କାକଲପଡା ଗ୍ରାମ ନିକଟ ଜଙ୍ଗଲରେ ଗଞ୍ଜେଇ ଲୋଡ ହେଉଥିବା ଖବର ପାଇଥିଲା । ଜଙ୍ଗଲରେ ମାଫିଆମାନେ ଗଞ୍ଜେଇ ବସ୍ତା କାର୍ ଭିତରେ ଲୋଡ କରୁଥିବା ଦେଖିଥିଲା ପୋଲିସ । ପୋଲିସକୁ ଦେଖି ଅନ୍ଧାରର ସୁଯୋଗ ନେଇ ଗାଡ଼ି ଛାଡି ଦୁଇ ମାଫିଆ ଜଙ୍ଗଲ ଭିତରକୁ ଫେରାର ହେବାରେ ସକ୍ଷମ ହୋଇଥିଲେ । କାରକୁ ଯାଞ୍ଚ କରିବାରୁ ଏଥିରୁ ବିପୁଳ ପରିମାଣର ଗଞ୍ଜେଇ ଥିବା ଦେଖିବାକୁ ମିଳିଥିଲା ।
କାର ଡିକିରୁ ୪ଟି ବସ୍ତାରେ ପ୍ରାୟ ୧ କୁଇଣ୍ଟାଲ ଗଞ୍ଜେଇ ଜବତ କରା ଯାଇଥିବା ବେଳେ ଏହାର ମୂଲ୍ୟ ପ୍ରାୟ ୧ଲକ୍ଷ ଟଙ୍କା ହେବ ବୋଲି ଜଣାପଡିଛି । ଏହି ଗଞେଇ କାକଲପଡ଼ା ଅଞ୍ଚଳରୁ ହରିୟାଣା ଚାଲାଣ ହେଉଥିବା ସୂଚନା ମିଳିଛି । ଗାଡି ନମ୍ବର ଆଧାରରେ ମାଲିକଙ୍କ ନାମରେ ମାମଲା ରୁଜୁ କରି ତଦନ୍ତ ଜାରି ରହିଛି ।