ଗଜପତି, ୨୩/୦୭: ଗଜପତି ଜିଲ୍ଲା ମୋହନା ଥାନା ଗଣି ଛକରୁ ବିପୁଳ ପରିମାଣର ଗଞ୍ଜେଇ ଜବତ । ଏକ ମିନି ଟ୍ରକରୁ ସାଢ଼େ ୪ କୁଇଣ୍ଟାଲ ଗଞ୍ଜେଇ ଜବତ କରିଛି ପୋଲିସ । ତେବେ ଘଟଣା ସ୍ଥଳରୁ ଗାଡି ରଖି ଚମ୍ପଟ ମାରିଛି ଡ୍ରାଇଭର ।
ଅଭିଯୁକ୍ତକୁ ଧରିବା ପାଇଁ ବିଭିନ୍ନ ସ୍ଥାନରେ ଚଢ଼ାଉ ଚାଲିଛି । ସୂଚନା ଅନୁସାରେ, ମୋହନା ପୋଲିସ ଗଣି ଛକରେ ପେଟ୍ରୋଲିଂ କରୁଥିବା ବେଳେ ଏକ ମିନି ଟ୍ରକ ଦ୍ରୁତ ଗତିରେ ଆସିଥିଲା । ଟ୍ରକ ଅଟକାଇବା ବେଳେ ଡ୍ରାଇଭର ଟ୍ରକ ରଖି ଚମ୍ପଟ ମାରିଥିଲା । ତେବେ ଗାଡି ଯାଞ୍ଚ ପରେ ୧୫ ଟି ବସ୍ତାରେ ୪ କୁଇଣ୍ଟାଲ ୫୨ କେଜି ଗଞ୍ଜେଇ ଚୋରା ଚାଲାଣ ହେଉଥିବା ଜଣା ପଡିଥିଲା । ଜବତ ଗଞ୍ଜେଇର ଆନୁମାନିକ ମୂଲ୍ୟ ୪୦ ଲକ୍ଷ ଟଙ୍କା ହେବ ବୋଲି ପୋଲିସ କହିଛି ।