ମୁନିଗୁଡା ୧୯।୧: ଚାଲିଛି ଅପରେସନ୍ ଗ୍ରୀନ୍ କ୍ଲୀନ୍ ଅଭିଯାନ।  ପୁଣି ରାୟଗଡା ଜିଲ୍ଲା ମୁନିଗୁଡା ଥାନା ମାଦିଗୁଡା ଓ ଏହାର ଆଖପାଖ ଜଙ୍ଗଲରେ ବେଆଇନ ଭାବେ ୫୦ ଏକର ଜାଗାରେ ଚାଷ ହୋଇଥିବା ଗଞ୍ଜେଇ ଗଛକୁ ପୋଡି ନଷ୍ଟ କରାଯାଇଛି ।  ଅବକାରୀ, ପୋଲିସ ଓ ବନବିଭାଗର କର୍ମଚାରୀମାନେ ମିଳିତ ଭାବେ ଏହି ଗଞ୍ଜେଇ ଚାଷକୁ ନଷ୍ଟ କରିଛନ୍ତି । ଏହାର ଆନୁମାନିକ ମୂଲ୍ୟ ୬ କୋଟି ଟଙ୍କା ହେବ ବୋଲି କୁହାଯାଉଛି ।

ଗତ ମାସରେ ଜିଲ୍ଲାର ବିଭିନ୍ନ ଥାନା ଅଞ୍ଚଳରେ ହଜାରେ ଏକରରୁ ଅଧିକ ଜାଗାରେ ବେଆଇନ ଭାବେ ଲାଗିଥିବା ଗଞ୍ଜଇ ଚାଷକୁ ନଷ୍ଟ  କରାଯାଇଥିଲା । ଏହି ଅଭିଯାନଟି ମୁନିଗୁଡା SDPOଙ୍କ ନେତୃତ୍ବରେ ଜାରି ରହିଛି । ସୁରକ୍ଷା ଦୃଷ୍ଟିରୁ ବ୍ୟାପକ ପୋଲିସ ଫୋର୍ସ ମଧ୍ୟ ମୁତୟନ କରାଯାଇଛି । ଏହି ଅଭିଯାନ ଜାରି ରହିବ ବୋଲି ଜଣାପଡିଛି ।