ବ୍ରହ୍ମପୁର ୧୫।୩: ସାରା ରାଜ୍ୟରେ ଏବେ କରୋନା ଭୟ । ରାଜ୍ୟର ବଡ ବଡ ପର୍ଯ୍ୟଟନସ୍ଥଳୀ ଉପରେ କଟକଣା ଲାଗିସାରିଲାଣି । ବିଭିନ୍ନ ସ୍ଥାନକୁ ପର୍ଯ୍ୟଟକମାନଙ୍କୁ ଯିବା ପାଇଁ ବାରଣ କରାଯାଉଛି । କୌଣସି ସ୍ଥାନରେ ବିଭିନ୍ନ ସଭା ଓ ଉତ୍ସବ ଆଦି ଉପରେ କଟକଣା ଲଗାଯାଇଛି ।
ଏମିତିରେ କରୋନା ଭୟରେ ଗଞ୍ଜାମ ଜିଲ୍ଲା ପ୍ରଶାସନର ବଡ ପଦକ୍ଷେପ । ଚଳିତ ବର୍ଷ ଚୈତ୍ର ମାସ ମଙ୍ଗଳବାର ପ୍ରସିଦ୍ଧ ତାରାତାରିଣୀ ଯାତ୍ରାକୁ ବନ୍ଦ ରଖିବା ପାଇଁ ଜିଲ୍ଲା ପ୍ରଶାସନ ନିଷ୍ପତ୍ତି ନେଇଛି । ପୀଠରେ ମୁଣ୍ଡନ ନହେବା ନେଇ ମଧ୍ୟ ନିଷ୍ପତ୍ତି ନିଆଯାଇଛି । ରୀତିନୀତି ଅନୁଯାୟୀ ମନ୍ଦିରରେ ପୂଜାର୍ଚ୍ଚନା ଚାଲୁ ରହିବ ।
ସେହିଭଳି ପ୍ରସିଦ୍ଧ ଦଣ୍ଡଯାତ୍ରା ଉପରେ ନିଶେଦ୍ଧାଦେଶ ଲଗାଇଛି ଜିଲ୍ଲା ପ୍ରଶାସନ । ଗଞ୍ଜାମ ଜିଲ୍ଲାର ଦୁଇ ଦୁଇଟି ପ୍ରସିଦ୍ଧ ପାରମ୍ପରିକ ତାରାତାରିଣୀ ପୀଠରେ ଯାତ୍ରା ଏବଂ ଦଣ୍ଡ ଯାତ୍ରା ଉପରେ କଟକଣା ଲଗାଇଦେଇଛନ୍ତି ଗଞ୍ଜାମ ଜିଲ୍ଲା ପ୍ରଶାସନ । ଗଞ୍ଜାମର ପ୍ରସିଦ୍ଧ ମା’ ତାରାତାରିଣୀ ପୀଠରେ ଚୈତ୍ର ମଙ୍ଗଳବାର ଦିନ ଲକ୍ଷାଧିକ ଭକ୍ତଙ୍କ ସମାଗମ ହୋଇଥାଏ ଏବଂ ହଜାର ହଜାର ଭକ୍ତ ମାନସିକ ପୂରଣ ପାଇଁ ଏଠାରେ ମୁଣ୍ଡନ କରିଥାନ୍ତି।