ଲମତାପୁଟ ୧୬।୦୬: ଗଞ୍ଜେଇ ଚୋରା ଚାଲାଣ ବେଳେ ଜବତ । କୋରାପୁଟ ଜିଲ୍ଲା ଜଲାପୁଟ ଅଞ୍ଚଳରୁ କେରଳ ଚୋରା ଚାଲାଣ ବେଳେ ମାଛକୁଣ୍ଡ ଲମତାପୁଟ ପୋଲିସ ହାତରେ ଧରା ପଡିଛି । ଗାଡିକୁ ଜବତ କରିବା ସହ କିଛି ଯୁବକଙ୍କୁ ଅଟକ ରଖିଛି ପୋଲିସ । ଜବତ ଗଞ୍ଜେଇର ଆନୁମାନିକ ମୁଲ୍ୟ ୪୦ଲକ୍ଷ ଟଙ୍କା ହେବ ବୋଲି ଜଣାପଡିଛି ।
{"id":287220,"sizeSlug":"large"}
ସୂଚନାଯୋଗ୍ୟ ଯେ, ସଗର ଗ୍ରାମ ଛକ ନିକଟରେ ମାଛକୁଣ୍ଡ ଲମତାପୁଟ ପୋଲିସ ପାଟ୍ରୋଲିଂ କରୁଥିଲେ । ଗାଡି ଯାଞ୍ଚ କରୁଥିବା ସମୟରେ ଜଲାପୁଟ ଅଞ୍ଚଳରୁ ଏକ ଦ୍ରୁତ ଗତିରେ ଆସୁଥିବା ଭ୍ୟାନକୁ ଅଟକାଇ ଯାଞ୍ଚ କରିଥିଲେ । ଗାଡି ଯାଞ୍ଚ ବେଳେ ଅଭିନବ ଉପାୟରେ ପିଆଜ ବୋଝେଇ ଭ୍ୟାନରୁ ବିପୁଳ ପରିମାଣରେ ଗଞ୍ଜେଇ ଥିବା ଜଣାପଡିଥିଲା । ଗଞ୍ଜେଇ ଚାଲାଣ ବେଳେ ବ୍ୟଭହୃତ ହୋଇଥିବା ଭ୍ୟାନ ଏବଂ ଦୁଇ ଜଣକୁ ଅଟକ ରଖିଛି ପୋଲିସ । ଭ୍ୟାନରେ ପ୍ରାୟ ୪୦ ଲକ୍ଷ ଟଙ୍କାର ଗଞ୍ଜେଇ ଥିବା ପୋଲିସ ଜାଣିବାକୁ ପାଇଛି ।
{"id":287222,"sizeSlug":"large"}
ଅଟକ ଥିବା ଯୁବକମାନେ କେରଳର ହୋଇ ଥିବାରୁ ଭାଷା ବୁଝିବା ପାଇଁ ସ୍ଥାନୀୟ ମାଲାୟଲମ ଲୋକଙ୍କୁ ଡାକି ପୋଲିସ ସହାୟତା ଲୋଡିଛି । ପୋଲିସ ଅଟକ ଯୁବକଙ୍କୁ ପଚରାଉଚରା ଜାରି ରଖିଛି । ଆଞ୍ଚଳିକ ଭାଷା ଜାଣି ନଥିବା ସତ୍ତ୍ୱେ କିପରି ଏହି ଅଞ୍ଚଳକୁ ଆସି ଗଞ୍ଜେଇ ଚୋରା ଚାଲାଣ କରୁଥିଲେ , ସେନେଇ ତଦନ୍ତ ଜାରି ରଖିଛି ପୋଲିସ । ସ୍ଥାନୀୟ ଯୁବକ ଏଥିରେ ସଂପୃକ୍ତି ଥିବା ମଧ୍ୟ ପୋଲିସ ସନ୍ଦେହ କରୁଛି । ଲକ୍ଡାଉନ ସମୟରେ ଗଞ୍ଜେଇ ମଫିଆ ସକ୍ରିୟ ଥିବା ବେଳେ ପୋଲିସ ସଜାଗ ଅଛି । ଗଞ୍ଜେଇ ମଫିଆଙ୍କୁ ଧରିବା ପାଇଁ କଡାରୁ କଡା ପଦକ୍ଷେପ ନେବାକୁ ପଡିଲେ ବି ପଛଘୁଞ୍ଚା ଦେବନି ପୋଲିସ ।
