ଲମତାପୁଟ, ୦୫|୦୮: ସବୁଜ ଜହରର ହବ୍ ପାଲଟିଛି ଲମତାପୁଟ । କୋରାପୁଟ ଜିଲ୍ଲା ଲମତାପୁଟ ବ୍ଲକ ବଡ଼ପଡା ଘାଟି ନିକଟ ଜଙ୍ଗଲରୁ ବିପୁଳ ପରିମାଣର ଗଞ୍ଜେଇ ଜବତ କରିଛି ପୋଲିସ ।
ବିଶେଷ ସୂତ୍ରରୁ ଖବର ପାଇ କୋରାପୁଟ ଏସପିଙ୍କ ନିର୍ଦେଶ କ୍ରମେ ଏସଡ଼ିପିଓଙ୍କ ନେତୃତ୍ଵରେ ବଡପଡ଼ା ଘାଟି ନିକଟ ଜଙ୍ଗଲରେ ଚଢଉ କରିଥିଲେ । ଜଙ୍ଗଲରେ ଚୋରା ଚାଲଣ ପାଇଁ ଗଞ୍ଜେଇ ଗଛିତ ରଖା ଯାଇଥିବା ଖବର ମିଳିଥିବା ନେଇ ଲମତାପୁଟ ପୋଲିସକୁ ସୂଚନା ମିଳିଥିଲା । ଜଲାପୁଟ ପୋଲିସ ଦୁଇଟି ଟିମ୍ ଗଠନ କରି ଜଙ୍ଗଲକୁ ତନ୍ନତନ୍ନ କରି ଯାଞ୍ଚ କରିଥିଲା । ଜଙ୍ଗଲରେ ପୁଳା ପୁଳା ଗଞ୍ଜେଇ ବସ୍ତା ଥିବା ଦେଖିବାକୁ ପାଇଥିଲା ପୋଲିସ୍ ।
ତେବେ ବୁଧବାର ସନ୍ଧ୍ୟାରେ ଏହି ଗଞ୍ଜେଇ ବାହାର ରାଜ୍ୟକୁ ଚୋରା ଚାଲାଣ ହୋଇଥାନ୍ତା କିନ୍ତୁ ଜଙ୍ଗଲରୁ ୩୯ ଟି ବସ୍ତା ଗଞ୍ଜେଇ ବସ୍ତା ଜବତ କରିବାରେ ସଫଳ ହୋଇଛି ପୋଲିସ । ଏହି ଗଞ୍ଜେଇକୁ ଓଜନ କରିବାରୁ ଏକ ଟନ ୧୦ କେଜି ଗଞ୍ଜେଇ ଥିବା ଜଣାପଡ଼ିଛି । ଏହାର ମୁଲ୍ୟ ପ୍ରାୟ ଏକ କୋଟି ଏକ ଲକ୍ଷ ଟଙ୍କା ହେବ ବୋଲି ପୋଲିସ ସୂଚନା ଦେଇଛି ।
ପୋଲିସର ସୂଚନା ଅନୁଯାୟୀ, ଜଙ୍ଗଲରେ ଗଞ୍ଜେଇ ସହ କିଛି ମାଫିଆ ଥିବାର ଖବର ମଧ୍ୟ ଥିଲା କିନ୍ତୁ କର୍ମଚାରୀ ଅଭାବରୁ ମାଫିଆ ଫେରାର ହେବାର ସକ୍ଷମ ହୋଇଥିଲେ । ଲକଡାଉନ୍ କୋହଳ ପରେ ଗଞ୍ଜେଇ ମାଫିଆ ପୁଣି ସକ୍ରିୟ ହୋଇ ପଡିଛନ୍ତି । ଏହା ପୋଲିସ ପାଇଁ ପୁଣି ବଡ଼ ଚାଲେଞ୍ଚ ସୃଷ୍ଟି କରିଛି ।
