Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଏସ୍‌ସିବିରୁ ଗ୍ୟାଙ୍ଗଷ୍ଟର ହାଇଦର ଫେରାର ଘଟଣା : ଆଉ ୨ ଜଣଙ୍କୁ ଗିରଫ କଲା ମଙ୍ଗଳାବାଗ ପୋଲିସ
  • ||
  • ନୂଆପଡା : ଭାରସାମ୍ୟ ହରାଇ ଓଲଟିଲା କାର୍, ୩ ଗୁରୁତର
  • ||
  • ଭୁବନେଶ୍ବର : ଭୁବନେଶ୍ବରର ୩ଟି ଶିକ୍ଷାନୁଷ୍ଠାନ ସିଲ୍, ଖୁଲମଖୁଲା କୋଭିଡ୍ ନିୟମର କରିଥିଲେ ଉଲଂଘନ
  • ||
  • ବ୍ରହ୍ମପୁର : ସୁରଟରୁ ଫେରୁଥିଲେ ପ୍ରବାସୀ, ଟ୍ରେନ୍‌ରେ ଚାଲିଗଲା ଜୀବନ
  • ||
  • ଅନୁଗୋଳ : ଭାରସାମ୍ୟ ହରାଇ ଗଛରେ ପିଟିହେଲା କାର୍, ଗୋଟିଏ ପରିବାରର ଜଣେ ମୃତ, ୨ ଆହତ
  • ||
  • ଭୁବନେଶ୍ବର : ‘ହାଇଦର ପାଇଁ ନଥିଲା ପୋଲିସ ସୁରକ୍ଷା ବ୍ୟବସ୍ଥା, କିନ୍ତୁ ପାଖରେ ଥିଲେ ଯୁବତୀ’ – ଲେଖାଶ୍ରୀ
  • ||
  • ସମ୍ବଲପୁର : ଆଜିଠାରୁ ୧୫ ଦିନ ସମ୍ବଲପୁର ବାର୍ ବନ୍ଦ, କୋଭିଡ୍ ସଂକ୍ରମଣକୁ ଦୃଷ୍ଟିରେ ରଖି ନିଷ୍ପତ୍ତି
  • ||
  • ସୋର : ସରିଥିଲା ନିର୍ବନ୍ଧ, ହେଲେ ପଡିପାରିଲାନି ହାତଗଣ୍ଠି, ଶେଷରେ କାହିଁକି ଝୁଲିପଡିଲେ ଯୁବତୀ ?
  • ||
  • ବାରଙ୍ଗ : ନନ୍ଦନକାନନରୁ ଇନ୍ଦୋର ଯାଉଛନ୍ତି ୧୩ ଜୀବଜନ୍ତୁ, ଧଳା ବାଘୁଣୀ ଓ କଳା ବାଘ ସାମିଲ
  • ||
  • ସୋର : ରୂପା ରାଧାକୃଷ୍ଣ ମୂର୍ତ୍ତି ନେଇଗଲେ ଚୋର, ସୁନା-ରୂପା ଅଳଙ୍କାର ବି ଲୁଟ୍
  • ||

ଜେଲରେ ଗଞ୍ଜେଇ ବେପାର, ଜୁଆଖେଳ ଅଭିଯୋଗ : କଏଦୀଙ୍କୁ ଦିଆଯାଉଛି ନିର୍ଯାତନା

3/11/2019 at 9:20 AM

ଗଞ୍ଜାମ ୩/୧୧: ଭଞ୍ଜନଗର ଜେଲ୍ ବିରୋଧରେ ଆସିଛି ସଂଘାତିକ ଅଭିଯୋଗ । ଏଠାରେ ଗଞ୍ଜେଇ ବେପାର ଠାରୁ ଆରମ୍ଭ କରି ସୁଧ ବେପାର, ଜୁଆ ଖେଳ ବି ଚାଲିଛି । କଏଦୀଙ୍କୁ ନିମ୍ନମାନର ଖାଦ୍ୟ ଦିଆଯାଉଥିବା ବେଳେ, ଅଭିଯୋଗ କଲେ ନାନା ନିର୍ଯାତନା ଦିଆଯାଉଥିବା ଅଭିଯୋଗ ହୋଇଛି । ଜେଲ୍ ର ଜଣେ କଏଦୀ ନିର୍ଯାତନାର କାହାଣୀ ଫୋନ୍ ଯୋଗେ କହିଛନ୍ତି । ଯାହାକୁ ଜେଲ୍ କର୍ତ୍ତୃପକ୍ଷ ଖଣ୍ଡନ କରିଛନ୍ତି ।

ଭଞ୍ଜନଗର ସବଜେଲରେ ଚାଲିଛି କି ଜୁଆ ଖେଳ ? ଚାଲିଛି କି ଗଞ୍ଜେଇ ବେପାର ? ଏପରିକି କଏଦୀଙ୍କ ମଧ୍ୟରେ ସୁଧ କାରବାର ହେଉଛି ।ଖୋଦ୍ ଜେଲ୍ କର୍ମଚାରୀ ଏଥିରେ ସାମିଲ ଅଛନ୍ତି । ଗୁଟ୍ଖା, ବିଡି, ସିଗାରେଟ୍ ଜେଲ୍ ଭିତରକୁ ନିଆଯାଇ ଡବଲ୍ ପଇସାରେ ବିକ୍ରି କରାଯାଇଛି । ଏଭଳି ସାଂଘାତିକ ଅଭିଯୋଗ ଆଣିଛନ୍ତି ଜେଲ୍ର ଜଣେ କଏଦୀ ସମୀର କୁମାର ପଣ୍ଡା । ଦୁର୍ନୀତି ବିରୋଧରେ ଅଭିଯୋଗ କଲେ ତାଙ୍କୁ ଦିଆଯାଉଛି ଶାରିରୀକ ଓ ମାନସିକ ନିର୍ଯାତନା । ଅନ୍ୟାୟ ବିରୋଧରେ ସ୍ବର ଉଠାଇଲେ ତାଙ୍କୁ ବିଭିନ୍ନ ଜେଲ୍କୁ ବାରମ୍ବାର ସ୍ଥାନାନ୍ତର କରାଯାଉଛି । ଜେଲ୍ର ଏଭଳି ନିର୍ଯାତନାରେ ଅତିଷ୍ଠ ହୋଇପଡିଥିବା କଏଦୀ ସମୀର ଫୋନ୍ ଯୋଗେ ମାନାବାଧିକାର କର୍ମୀଙ୍କୁ ତାଙ୍କ ଦୁଃଖ ଜଣାଇଛନ୍ତି ।

ଭଞ୍ଜନଗର ସବ୍ ଜେଲରେ କଏଦୀମାନଙ୍କୁ ନିମ୍ନମାନର ଖାଦ୍ୟ ଦିଆଯାଉଥିବା ଅଭିଯୋଗ ହୋଇଛି । ଲ୍ୟାଣ୍ଡ ଲାଇନ୍ରୁ ଘରକୁ କଥା ହେଲେ ବିପୁଳ ଅର୍ଥ ଦାବି କରାଯାଉଛି ।  ଅଭିଯୋଗ କଲେ କେହି ଶୁଣୁନାହାନ୍ତି । ଖୋଦ୍ ଜେଲର ମହାଶୟ କୁଆଡେ ଏହି ଦୁର୍ନୀତିରେ ସାମିଲ ଥିବା ସମୀର ଅଭିଯୋଗ କରିଥିବା ବେଳେ ତାଙ୍କ ସହ ସ୍ବର ମିଳାଇଛନ୍ତି ଆଉ କିଛି କଏଦୀ । ସମୀର ଏନେଇ ଜିଲ୍ଲାପାଳ, ବିଚାରବିଭାଗୀ ଅଧିକାରୀ, ସ୍ଥାନୀୟ ମାଜିଷ୍ଟ୍ରେଟ୍, ଜେଲ୍ ବିଭାଗ ଅଧିକାରୀଙ୍କୁ ଜଣାଇଥିଲେ ବି କେହି ଏଥିପ୍ରତି କର୍ଣ୍ଣପାତ କରୁନାହାନ୍ତି । ସ୍ବର ଉଠାଇଲେ ସେମାନଙ୍କୁ ଅଧିକରୁ ଅଧିକ ନିର୍ଯାତନା ଦିଆଯାଉଥିବା ଅଭିଯୋଗ ହୋଇଛି ।

ଏସବୁ ଘଟଣାକୁ ଖଣ୍ଡନ କରିଛନ୍ତି ଭଞ୍ଜନଗର ଜେଲର । କହିଛନ୍ତି ସଂପୃକ୍ତ କଏଦୀ ଏଠାକୁ ମାତ୍ର ୮ ଦିନ ହେଲା ବ୍ରହ୍ମପୁର ଜେଲ୍ରୁ ଆସିଛନ୍ତି । ଯାହା ଅଭିଯୋଗ ଆଣିଛନ୍ତି ସବୁ ମିଛ ।

ପ୍ରକୃତରେ ଏହି ଅଭିଯୋଗ ଅଡିଓ ସମୀର ପଣ୍ଡାଙ୍କର ନା ଅନ୍ୟ କାହାର ତଦନ୍ତ ହେବାର ଆବଶ୍ୟକତା ରହିଛି । ଯଦି ଅଭିଯୋଗ ସତ୍ୟ ତେବେ ଘଟଣା ସଂଘାତିକ। ରାଜ୍ୟରେ ଜେଲ୍ ଗୁଡିକରେ ବିଭିନ୍ନ ଦୁର୍ନୀତି, ଅନୈତିକ କାର୍ଯ୍ୟ ନେଇ ବାରମ୍ବାର ଅଭିଯୋଗ ହୋଇ ଆସୁଛି ।ପ୍ରଶାସନ ଏହି ଅଭିଯୋଗ ଉପରେ ପୁଙ୍ଖାନୁପୁଙ୍ଖ ତଦନ କରିବାର ଆବଶ୍ୟକତା ରହିଛି ।

   Related Posts