Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଦିଲ୍ଲୀ: କରୋନା ଟିକା ନେବା ପରେ ୫୧ ଜଣଙ୍କ ଠାରେ ଦେଖାଗଲା ପାର୍ଶ୍ବ ପ୍ରତିକ୍ରିୟା
  • ||
  • ରାଜ୍ୟରେ ଆଉ ଜଣେ କରୋନା ସଂକ୍ରମିତ ପ୍ରାଣ ହରାଇଲେ, ୧୮୯୯ ଛୁଇଁଲା ମୃତକଙ୍କ ସଂଖ୍ୟା
  • ||
  • ରାଜ୍ୟରେ ଆରମ୍ଭ ହେଲା କୋଭିଡ୍ ଟିକାକରଣ, ୧୬୧ କେନ୍ଦ୍ରରେ ଚାଲିଛି ଟିକାଦାନ
  • ||
  • ରାଜ୍ୟରେ ଚିହ୍ନଟ ହେଲେ ଆଉ ୧୭୮ କୋଭିଡ୍ ସଂକ୍ରମିତ, ୩୩୩୧୨୭ରେ ପହଞ୍ଚିଲା ଆକ୍ରାନ୍ତଙ୍କ ସଂଖ୍ୟା
  • ||
  • ଦେଶରେ ଖସୁଛି କରୋନା ଗ୍ରାଫ୍, ଗତ ୨୪ଘଣ୍ଟାରେ ୧୫୧୫୮ କୋଭିଡ଼ ସଂକ୍ରମିତ ଚିହ୍ନଟ
  • ||
  • ଘାଟିରେ ଦୁର୍ଘଟଣା : ଟ୍ରକକୁ ସାମ୍ନା ପଟୁ ପିଟିଲା ବାଇକ୍‌, ଚାଲିଗଲା ଶଳା-ଭିଣୋଇଙ୍କ ଜୀବନ
  • ||
  • ବୈଠକ ପରେ ବୈଠକ କିନ୍ତୁ ଫଳ ଶୂନ ! ୧୯’ରେ ପୁଣି ଚାଷୀ-ସରକାର ଆଲୋଚନା
  • ||
  • ବରଗଡ଼: ବ୍ୟବସାୟୀଙ୍କ ଘରୁ ଲକ୍ଷାଧିକ ଟଙ୍କାର ସୁନା-ଗହଣା ଲୁଟ, ୩ ଲୁଟେରା ଗିରଫ
  • ||

ଗ୍ୟାଙ୍ଗଷ୍ଟର ଏଜାଜ୍ ଲାକଦୱାଲ ଗିରଫ : ପୂର୍ବରୁ ଦାଉଦ ଟିମ୍‌ରେ ଥିଲା, ତା ନାମରେ ୨୭ ମାମଲା

9/01/2020 at 2:03 PM

ମୁମ୍ବାଇ ୯।୧:  ଫେରାର ଗ୍ୟାଙ୍ଗଷ୍ଟର ଏଜାଜ୍ ଲାକଦୱାଲକୁ ଗିରଫ କରିଛି ମୁମ୍ବାଇ ପୋଲିସ । ୨୭ରୁ ଅଧିକ ମାମଲରେ ଏଜାଜକୁ ଖୋଜୁଥିଲା ପୋଲିସ । ତା ନାମରେ ଦାଦାବଟି ଆଦାୟ, ଧମକ, ହତ୍ୟା ଉଦ୍ୟମ ଏବଂ ଦଙ୍ଗା ଭଳି ସଙ୍ଗୀନ ଅଭିଯୋଗ ରହିଛି । ତେବେ ବଡ଼ କଥାଟି ହେଲା ଏଜାଜ୍ ଏକଦା ଅଣ୍ଡରୱାର୍ଲ୍ଡ ଡନ୍ ଦାଉଦ ଇବ୍ରାହିମ୍  ଗ୍ୟାଙ୍ଗ୍ ରେ ଥିଲା ଜଣେ ସକ୍ରିୟ ସଦସ୍ୟ । ଛୋଟା ରାଜନ ଅଧିନରେ ବି ସେ କାମ କରୁଥିଲା ।

ପାଟନାରେ ତାକୁ ଠାବ କରିଥିଲା ମୁମ୍ବାଇ ପୋଲିସ । ତେବେ ତାକୁ ଛତ୍ରପତି ଶିବାଜୀ ମହାରାଜ ଇଣ୍ଟରନ୍ୟାସନାଲ ଏୟାରପୋର୍ଟରେ ଗିରଫ କରାଯାଇଥିଲା। ଏହି କୁଖ୍ୟାତ ଗ୍ୟାଙ୍ଗଷ୍ଟର କିନ୍ତୁ ଦାଉଦ ଇବ୍ରାହିମ ଏବଂ ଛୋଟା ରାଜନଠାରୁ ଅଲଗା ହୋଇଯାଇଥିଲା । ୧୦ ବର୍ଷ ହେବ ନିଜର ଗ୍ୟାଙ୍ଗ୍ ଗଢି ଅପରାଧ ଜଗତରେ ସେ ସକ୍ରିୟ ଥିଲା ।

୨୦୦୪ ମେ  ମାସରେ ଏଜାଜକୁ କାନାଡାର ଅଟାୱାରେ ସେଠିକା ପୋଲିସ ଗିରଫ କରିଥିଲେ । ତେବେ କିଛି ଦିନ ପରେ ସେ ସେଠାରୁ ମୁକ୍ତି ପରେ ଉତ୍ତର ଆମେରିକାର କେଉଁ ଏକ ଅଜ୍ଞାତ ସ୍ଥାନରେ ରହି ତାର ଅପରାଧ ସିଣ୍ଡିକେଟକୁ ଅପରେଟ୍ କରୁଥିଲା । ତେବେ ସେ ବିଭିନ୍ନ ସମୟରେ ଭିନ୍ନ ଭିନ୍ନ ଦେଶକୁ ଯିବା ଆସିବା କରୁଥିଲା । କିନ୍ତୁ ବିଭିନ୍ନ ଅପରାଧରେ ତାର ସଂପୃକ୍ତି ନେଇ ପୋଲିସରେ ମାମଲା  ଯୋଗୁଁ  କିଛି ବର୍ଷ ତଳେ ତା ନାମରେ ରେଡ୍ କର୍ଣ୍ଣର ନୋଟିସ ମଧ୍ୟ ଜାରି ହୋଇଥିଲା । କେବଳ ଏଜାଜ୍ ନୁହେଁ, ତାର ପରିବାର ବି ଅପରାଧରେ ସଂପୃକ୍ତ ଥିଲେ । ଗତ ମାସରେ ଏଜାଜ୍ ର ଝିଅ ସୋନିଆକୁ ମୁମ୍ବାଇ ଏୟାରପୋର୍ଟରେ ଗିରଫ କରିଥିଲା ପୋଲିସ ।

ପୋଲିସ ସୂଚନା ଅନୁଯାୟୀ, ସେ ଜାଲି କାଗଜପତ୍ର ଜରିଆରେ ହାସଲ କରିଥିବା ପାସପୋର୍ଟଟିକୁ ଜବତ କରି ତାକୁ ଗିରଫ କରାଯାଇଥିଲା । ସେ ସୋନିଆ ଲାକଦୱାଲ ବଦଳରେ ନିଜ ନାମ ସୋନିଆ  ସେଖ୍ ବୋଲି ଲେଖିଥିଲା । ତାପରେ ସୋନିଆଠାରୁ  ହାସିଲ ତଥ୍ୟ ଏବଂ ସୂଚନା ଭିତ୍ତିରେ ଏଜାଜକୁ ପାଟନାରୁ ଠାବ କରି ଗିରଫ କରିଛି ଆଣ୍ଟି ଏକ୍ସଟୋରେସନ ସେଲ୍ । ଆସନ୍ତା ୨୧ ତାରିଖ ପର୍ଯ୍ୟନ୍ତ ଏଜାଜ୍ ଲାକଦେୱାଲା ପୋଲିସ ହେପାଜତରେ  ରହିବ ।

   Related Posts