Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ପାଟଣା : ବ୍ଲକ୍ କାର୍ଯ୍ୟାଳୟରେ ପସି ଟେଣ୍ଡରଧାରୀଙ୍କ ଡିଡି ଚିରିବା ଘଟଣା, ଯୁବ ନେତା କରୁଣା ସାଗର ଖଟୁଆ ଗିରଫ
  • ||
  • କରଞ୍ଜିଆ : ନିଆଁ ଲାଗି ଫାଟିଗଲା ଗ୍ୟାସ୍ ସିଲିଣ୍ଡର, ଅଳ୍ପକେ ବର୍ତ୍ତିଲା ପୁରା ପରିବାର
  • ||
  • ଟାଙ୍ଗୀ : ଜୁଆ ଆଡ୍ଡା ଉପରେ ପୋଲିସର ଚଢାଉ, ୮ ଜୁଆଡି ଗିରଫ
  • ||
  • ଭୁବନେଶ୍ବର : ୧୯ ଜିଲ୍ଲା ପାଇଁ ବଜ୍ରପାତ ସତର୍କ ସୂଚନା ଜାରି
  • ||
  • ଭୁବନେଶ୍ବର : ଟୋକିଓ ଅଲିମ୍ପିକ୍ସ : ଓଡିଆ ଖେଳାଳି ବୀରେନ୍ଦ୍ର ଲାକ୍ରାଙ୍କୁ ପୁରୁଷ ହକି ଦଳର ଉପଅଧିନାୟକ ଦାୟିତ୍ବ
  • ||
  • ଗଞ୍ଜାମ : ଟିକା ପ୍ରମାଣପତ୍ର ଲଗାଇବେ ଦୋକାନୀ, ନଚେତ ଖୋଲିପାରିବେନି ଦୋକାନ
  • ||
  • ଭୁବନେଶ୍ବର : ବିଳମ୍ବ ହୋଇପାରେ ପଞ୍ଚାୟତ ନିର୍ବାଚନ- ରାଜ୍ୟ ନିର୍ବାଚନ କମିଶନ ସଚିବ
  • ||
  • ପୁରୀ : ଯୁବଶିଳ୍ପୀଙ୍କ କମାଲ୍, ଆଇସକ୍ରିମ୍ କାଠିରେ ନିର୍ମାଣ କଲେ ମହାପ୍ରଭୁଙ୍କ ଗଜାନନ ବେଶ
  • ||
  • ତେଲକୋଇ : ଦନ୍ତାହାତୀ ଉପଦ୍ରବ, ଗାଁରେ ପସି ଭାଙ୍ଗିଲା ଘର, ଟେକି ନେଲା ଚାଉଳ ବସ୍ତା
  • ||
  • ଖୋର୍ଦ୍ଧା : ଗୋରୁ ଭର୍ତ୍ତି କଣ୍ଟେନର ଜବତ, ୨୦ରୁ ଅଧିକ ଗୋରୁ ଉଦ୍ଧାର, ଜଣେ ଗିରଫ
  • ||

‘୨ ବିଜେପି ବିଧାୟକ ମୋତେ ସାହାଯ୍ୟ କରିଥିଲେ, ପୋଲିସ କବଳରୁ ମୁକୁଳାଇଥିଲେ’ : ଭାଇରାଲ ହେଉଛି ଗ୍ୟାଙ୍ଗଷ୍ଟାର୍ ବିକାଶ ଦୁବେର ଭିଡିଓ…

7/07/2020 at 9:45 AM

ଲକ୍ଷ୍ନୌ, ୦୭|୦୭: କାନପୁରରେ ୮ ପୋଲିସ କର୍ମଚାରୀଙ୍କୁ ହତ୍ୟା ଘଟଣାରେ ଅଭିଯୁକ୍ତ ବିକାଶ ଦୁବେ ଏବେ ଫେରାର ରହିଛି। ଏହି ସମୟରେ ବିକାଶର ଏକ ପୁରୁଣା ଭିଡିଓ ଭାଇରାଲ ହୋଇଛି । ଯେଉଁଥିରେ ତାକୁ ସାହାଯ୍ୟ କରିଥିବା ୨ ଜଣ ବିଜେପି ବିଧାୟକଙ୍କ ନାମ ନେଇଛି । ୨୦୧୭ରେ ଜେରା ସମୟର ଏହି ଭିଡିଓଟି ହୋଇଥିବା କୁହାଯାଇଛି । ତେବେ ବିଜେପି ବିଧାୟକମାନେ ଏହାକୁ ଫେକ୍ ବୋଲି କହିଛନ୍ତି ।

ଜେରା ସମୟରେ ଏସଟିଏଫ ବିକାଶକୁ କାହାର ସହଯୋଗ ରହିଛି ବୋଲି ପଚାରିଥିଲା । ବିକାଶ କରିଥିଲା ଯେ, କୌଣସି ଚାପ ନଥିଲା । ସେ ନିଜେ ଚେଷ୍ଟା କରିଥିଲା । ନିଜ ଅଞ୍ଚଳର କିଛି ନେତା ତାକୁ ସାହାଯ୍ୟ କରିଥିଲେ । ସ୍ଥାନୀୟ ବିଧାୟକ ଭଗବତୀ ପ୍ରସାଦ ସାଗର ଓ ଅଭିଜିତ ସିଂ ସାଙ୍ଗାଙ୍କ ନାଁ ସେ ନେଇଥିଲା । ଏହି ଦୁଇ ବିଧାୟକ ତାକୁ ପୋଲିସଠୁ ରକ୍ଷା କରିଥିଲେ । ଏହାସହ ଜିଲ୍ଲାର ପଞ୍ଚାୟତ ଅଧ୍ୟକ୍ଷଙ୍କ ସମେତ ୪-୫ ମୁଷ୍ଟିମେୟ ଲୋକମଧ୍ୟ ତାକୁ ସାହାଯ୍ୟ କରିଥିବା ସେ କହିଥିଲା ।

ବିକାଶ ଆହୁରି କହିଥିଲା ଯେ, କିଛି ନେତା ତାକୁ ସାହାଯ୍ୟ କରିବାକୁ କହିଥିଲେ । ଏପରିକି ସେଦୋଷୀ ହେଲେ ମଧ୍ୟ କିଛି ଅସୁବିଧା ହେବ ନାହିଁ ବୋଲି କହିଥିଲେ ।

ଏହି ଅଭିଯୋଗକୁ ନେଇ ବିଠୁର ବିଜେପି ବିଧାୟକ ଅଭିଜିତ କହିଚନ୍ତି ଯେ, ଏହା ତାଙ୍କ ବିରୋଧରେ ଷଡଯନ୍ତ୍ର । ଏନେଇ ସେ ଓକିଲଙ୍କ ସହ ଆଲୋଚନା କରିଛନ୍ତି । ପ୍ରଥମେ ସେ ଏହି ଭିଡିଓକୁ ନେଇ କେସ୍ କରିବେ ବୋଲି କହିଛନ୍ତି ।

ସେହିପରି ବିହ୍ଲୋରର ବିଜେପି ବିଧାୟକ ଭଗବତୀ କହିଛନ୍ତି ଯେ, ବିକାଶ ଦୁବେ ତାଙ୍କ ଶତ୍ରୁ । ସେ ତାଙ୍କ ବିରୋଧରେ ନିର୍ବାଚନରେ ବିଏସପି ବିଧାୟକ ପ୍ରାର୍ଥୀଙ୍କୁ ସମର୍ଥନ କରିଥିଲା । କଲ୍ ଡିଟେଲ୍ସ ଦେଖିନିଅନ୍ତୁ ବୋଲି ବିଧାୟକ କହିଛନ୍ତି । ଏପରିକି ଅଭିଯୋଗ ସତ ହେଲେ ଯାହା ଦଣ୍ଡ ଦିଆଯିବ ଗ୍ରହଣ କରିବେ ବୋଲି ସେ କହିଛନ୍ତି ।

   Related Posts