Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ପରଲୋକରେ ପଦ୍ମଶ୍ରୀ ନନ୍ଦ ସାର୍, ୧୦୪ ବର୍ଷରେ ଚିକିତ୍ସାଧୀନ ଅବସ୍ଥାରେ ଦେହାନ୍ତ
  • ||
  • ରୋହିଙ୍ଗ୍ୟା ବିରୋଧୀ ହିଂସା ପାଇଁ ଫେସବୁକ ଦାୟୀ ! ୧୫୦ ବିଲିୟନ ପାଉଣ୍ଡର କ୍ଷତିପୂରଣ ଦେବାକୁ ମାମଲା
  • ||
  • ତୁରେଇକେଲା ବ୍ଲକରେ ମାତିଲେ ୩୦ ଟିକିଆ ହାତୀପଲ, ଭାଙ୍ଗିଦେଲେ ଘର ଛପର
  • ||
  • ରାଜ୍ୟରେ ଆଉ ଜଣଙ୍କ ଜୀବନ ନେଲା କରୋନା, ମୃତ୍ୟୁସଂଖ୍ୟା ୮୪୨୪କୁ ବୃଦ୍ଧି
  • ||
  • ୨୪ ଘଣ୍ଟାରେ ରାଜ୍ୟରେ ଚିହ୍ନଟ ହେଲେ ୧୫୧ କରୋନା ସଂକ୍ରମିତ, ୧୦୫୦୫୦୫ରେ ପହଞ୍ଚିଲା ସଂଖ୍ୟା
  • ||
  • ରାସ୍ତା କଡକୁ ଖସି ପଡିଲା ଆମ୍ବୁଲାନ୍ସ, ଅଳ୍ପକେ ବର୍ତ୍ତିଲେ କର୍ମଚାରୀ
  • ||
  • ଏଜାଜ ପଟେଲଙ୍କୁ ସ୍ୱତନ୍ତ୍ର ଉପହାର ଦେଲା ଟିମ୍ ଇଣ୍ଡିଆ, ଗୋଟିଏ ଇନିଂସରେ ସବୁ ବ୍ୟାଟରଙ୍କୁ କରିଥିଲେ ଆଉଟ୍
  • ||
  • ସୁଙ୍କି ଘାଟିରେ ଦୁର୍ଘଟଣା, ମୁହାଁମୁହିଁ ଧକ୍କା ହେଲେ ୨ ଟ୍ରକ୍
  • ||
  • ଗଜପତି : ଭିଜିଲାନ୍ସ ଜାଲରେ ନୂଆଗଡ଼ ଫରେଷ୍ଟର, ଏକକାଳୀନ ୪ଟି ସ୍ଥାନରେ ରେଡ୍
  • ||
  • ତେଲକୋଇ ରେଞ୍ଜରେ ହାତୀ ଆତଙ୍କ, ସନ୍ଧ୍ୟା ହେଲେ ଗାଁରେ ପଶି ନଷ୍ଟ କରୁଛନ୍ତି ଫସଲ
  • ||

ସାବଧାନ ! ଲକଡାଉନରେ ବାହାରେ ବୁଲୁଛନ୍ତି ନର ପିଶାଚ : ଭାଇଙ୍କୁ ମାଡ଼ ମାରି କୂଅରେ ଫିଙ୍ଗି ଭଉଣୀକୁ ଗଣଦୁଷ୍କର୍ମ କଲେ ୭ଜଣ

1/05/2020 at 10:32 AM

ବୈତୁଲ ୧/୫: ମଧ୍ୟପ୍ରଦେଶରେ ଦୁଷ୍କର୍ମ ଘଟଣା କମିବାର ନାଁ ନେଉନାହିଁ। ଘଟଣାଟି ଘଟିଛି ବୁଧବାର ରାତିରେ। ଏଠାରେ ଜଣେ ଯୁବତୀ ନିଜ ଗାଁରୁ ଭାଇ ସହ ପେଟ୍ରୋଲ୍ ପମ୍ପରୁ ପେଟ୍ରୋଲ୍ ନେବାକୁ ଆସିଥିଲେ। ସେତେବେଳେ ଅଭିଯୁକ୍ତମାନେ ଯୁବତୀଙ୍କ ଭାଇଙ୍କୁ ମାଡ଼ ମାରି ତାଙ୍କୁ କୂଅରେ ଫିଙ୍ଗି ଦେଇଥିଲେ। ଏହା ପରେ ଅଭିଯୁକ୍ତମାନେ ଯୁବତୀଙ୍କୁ ଗଣଦୁଷ୍କର୍ମ କରିଥିଲେ।

ପୋଲିସ୍ ଏହି ଦୁଷ୍କର୍ମରେ ୭ଜଣ ଅଭିଯୁକ୍ତଙ୍କ ବିରୋଧରେ ମାମଲା ରୁଜୁ କରିଛି। ପୋଲିସ୍ ୫ଜଣ ଅଭିଯୁକ୍ତଙ୍କୁ ଅଟକ ରଖିଛି। ଏମାନଙ୍କ ମଧ୍ୟରୁ ୩ଜଣ ଅଭିଯୁକ୍ତ ନାବାଳକ। ଫେରାର ଥିବା ୨ଅଭିଯୁକ୍ତଙ୍କୁ ଖୋଜା ଚାଲିଛି। ସୂଚନା ମୁତାବକ ସମସ୍ତ ଅଭିଯୁକ୍ତ ମୂଲିଆ କାମ କରୁଥିଲେ।

ଏହି ଅଭାବନୀୟ ଘଟଣା ବୈତୁଲ ଅଞ୍ଚଳର ପାଢ଼ର ପାଖରେ ଘଟିଥିବା କୁହାଯାଉଛି। ପାଢ଼ରର ନିକଟସ୍ଥ ଗାଁରୁ ଯୁବତୀ ନିଜ ଭାଇ ସହ ବାଇକରେ ପାଢ଼ର ଆସିଥିଲେ। ଅଭିଯୁକ୍ତମାନେ ପ୍ରଥମେ ଯୁବତୀଙ୍କ ଭାଇଙ୍କୁ ମାଡ଼ ମାରି ତାଙ୍କୁ ପାଖରେ ଥିବା କୂଅରେ ଫିଙ୍ଗି ଦେଇଥିଲେ। ଏହା ପରେ ୭ଜଣ ଅଭିଯୁକ୍ତ ଯୁବତୀଙ୍କୁ ଗଣଦୁଷ୍କର୍ମ କରିଥିଲେ।

ପୀଡ଼ିତା ପୋଲିସ୍ ନିକଟରେ ମାମଲା ରୁଜୁ କରିଛନ୍ତି। ପୋଲିସ୍ ପୀଡ଼ିତାଙ୍କ ଡାକ୍ତରୀ ମାଇନା କରି ତଦନ୍ତ ଆରମ୍ଭ କରି ଦେଇଛି। ଏହି ଘଟଣାର ମୂକସାକ୍ଷୀ ଯୁବତୀଙ୍କ ଭାଇଙ୍କ କହିବା ଅନୁସାରେ ସେ ବୁଧବାର ରାତି ୮:୩୦ରେ ଭଉଣୀ ସହ ପେଟ୍ରୋଲ୍ ପମ୍ପରୁ ପେଟ୍ରୋଲ୍ ନେବାକୁ ଆସିଥିଲେ ଏବଂ ସେଠାରୁ ଫେରିବା ସମୟରେ ତାଙ୍କ ବାଇକର ହେଡଲାଇଟ୍ ଖରାପ ହୋଇଯାଇଥିଲା ଯାହାକୁ ସେମାନେ ସେଠାରେ ଠିକ୍ କରୁଥିଲେ। ସେମାନଙ୍କ ପଛରେ ୨ଟି ବାଇକରେ ୭ଜଣ ଆସିଥିଲେ। ସେମାନଙ୍କ ମଧ୍ୟରୁ ୩ଜଣ ପ୍ରଥମେ ଆସି ତାଙ୍କୁ ଗାଳିଗୁଲଜ କରିଥିଲେ। ଏହା ପରେ ତାଙ୍କୁ ଧରି କୂଅରେ ଫିଙ୍ଗି ଦେଇଥିଲେ ତା’ପରେ ତାଙ୍କ ଭଉଣୀଙ୍କୁ ନେଇ ଯାଇଥିଲେ। ସେ କୂଅରୁ ବାହାରି ଘରକୁ ଫୋନ୍ କରିବାରୁ ତାଙ୍କ ଭାଇ ଏବଂ ଭଉଣୀ ପହଞ୍ଚିଥିଲେ। ଏହାପରେ ସେମାନେ ମିଶି ଭଉଣୀକୁ ଖୋଜିବାରୁ ଜଣେ ଅଭିଯୁକ୍ତ ଲୋକେଶ ଧରା ପଡ଼ିଥିଲା। ତା’ଠୁ ଆଧାର କାର୍ଡ଼ ନେଇ ରଖିଥିଲେ। ପୋଲିସକୁ ଫୋନ୍ କରିବାରୁ ସେ ଖସି ପଳାଇଥିଲା।

ଏପଟେ ଘଟଣା ପରେ ଲକଡାଉନ୍ ସମୟରେ ଏହି ଅଞ୍ଚଳରେ ଚାଞ୍ଚଲ୍ୟ ସୃଷ୍ଟି ହୋଇଛି।

   Related Posts