Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ୟୁପିରେ ବଡ ଧରଣର ଦୁର୍ଘଟଣା, ଖେରୀ ଘାଘରା ନଦୀରେ ଓଲଟିଲା ଡଙ୍ଗା, ୧୦୦ ଭାସିଗଲେ
  • ||
  • ରାଜ୍ୟରେ କମୁଛି କରୋନା ଗ୍ରାଫ୍: କୋଭିଡ୍ ନେଲା ଆଉ ୨ ଜଣଙ୍କ ଜୀବନ
  • ||
  • ଉପରତଳ ହେଉଛି କରୋନା ଗ୍ରାଫ୍ : ୨୪ ଘଣ୍ଟାରେ ବାହାରିଲେ ୫୫୯ କୋଭିଡ୍ ପଜିଟିଭ୍
  • ||
  • ଓ୍ୱାର୍ମ ଅପ୍ ମ୍ୟାଚରେ ମୁହାଁମୁହିଁ ହେବେ ଭାରତ-ଅଷ୍ଟ୍ରେଲିଆ, କଙ୍ଗାରୁ ବାହିନୀକୁ ମାତ୍ ଦେବାକୁ ତୟାର ବିରାଟ ଏଣ୍ଡ କୋ
  • ||
  • ଦେଶରେ ୨୪ ଘଣ୍ଟାରେ ବାହାରିଲେ ୧୪ ହଜାରରୁ ଅଧିକ କରୋନା ପଜିଟିଭ୍, ୧୯୭ ମୃତ
  • ||
  • ଆଜି କୁମାର ପୂର୍ଣ୍ଣିମା : ମା’ ବୃନ୍ଦାବତୀଙ୍କ ନିକଟରେ ଆଞ୍ଜୁଳି ଟେକିଲେ କୁମାରୀ
  • ||
  • ପୁରୀ : ଦାଦାବଟିକୁ କେନ୍ଦ୍ରକରି ମହିଳାଙ୍କୁ ଗୁଳିମାଡ଼, ପୂର୍ବରୁ ମିଳିଥିଲା ଧମକ
  • ||
  • ଜଗତସିଂହପୁର : କେନାଲର ଭାସୁଛି ଏକ ଗଳିତ ମୃତଦେହ, ୩ ଅଭିଯୁକ୍ତ ଅଟକ
  • ||

ଜେଲରେ ଗ୍ୟାଙ୍ଗଓ୍ୱାର, ଆଖିବୁଜା ଗୁଳିମାଡ କଲେ କଏଦୀ, ୩ ମୃତ

15/05/2021 at 11:56 AM

ଲକ୍ଷ୍ନୌ ୧୫/୦୫: ଜେଲରେ ଗ୍ୟାଙ୍କଓ୍ୱାର । ଉତ୍ତରପ୍ରଦେଶର ଚିତ୍ରକୂଟ ଜେଲ୍‌ରେ ଶୁକ୍ରବାର ସକାଳେ କଏଦୀଙ୍କ ମଧ୍ୟରେ ଗ୍ୟାଙ୍ଗୱାର୍‌ ଘଟି ୩ ଜଣ ପ୍ରାଣ ହରାଇଛନ୍ତି । ଜେଲ୍‌ର ଜଣେ ଅଧିକାରୀଙ୍କ ଅନୁସାରେ ପଶ୍ଚିମ ୟୁପିର କୁଖ୍ୟାତ ଗ୍ୟାଙ୍ଗଷ୍ଟର ଅଂଶୁ ଦୀକ୍ଷିତ ସକାଳେ ପରେଡ୍‌ ପରେ ସେଠାକାର ଦୁଇଜଣ କଏଦୀ ମୁକିମ କାଲା ଓ ମେରାଜୁଦ୍ଦିନ୍‌ଙ୍କ ଉପରେ ଆଖିବୁଜା ଗୁଳିବର୍ଷଣ କରିଥିଲା । ମୁକିମ କାଲା ଓ ମେରାଜୁଦ୍ଦିନ୍‌ ବାହୁବଳୀ ନେତା ମୁଖତାର ଅନ୍‌ସାରୀଙ୍କ ନିକଟତମ ଭାବେ ପରିଚିତ। ଗୁଳିମାଡ଼ ପରେ ଘଟଣାସ୍ଥଳରେ ହିଁ ସେମାନଙ୍କର ପ୍ରାଣହାନି ଘଟିଥିଲା । ଏହାପରେ ମଧ୍ୟ ଅଂଶୁ ଜେଲ୍‌ ମଧ୍ୟରେ ଆଖିବୁଜା ଗୁଳିବର୍ଷଣ ଜାରି ରଖିଥିଲା । ସେ ଅନ୍ୟ ୫ ଜଣ କଏଦୀଙ୍କୁ ବନ୍ଧକ ରଖି ସେମାନଙ୍କୁ ହତ୍ୟା କରିବାକୁ ଧମକ ଦେଇଥିଲା । ଏହାପରେ ଜିଲ୍ଲାପାଳ, ପୁଲିସ ସୁପରିଟେଣ୍ଡେଣ୍ଟଙ୍କ ସମେତ ଜେଲ୍‌ ଅଧିକାରୀମାନେ ଘଟଣାସ୍ଥଳରେ ପହଞ୍ଚି ତାକୁ ବୁଝାଇବାକୁ ବହୁ ଚେଷ୍ଟା କରିଥିଲେ । ସେ କିନ୍ତୁ ଆତ୍ମସମର୍ପଣ କରିନଥିଲା । ଫଳରେ ତାକୁ ଏନ୍‌କାଉଣ୍ଟରରେ ହତ୍ୟା କରାଯାଇ ବନ୍ଦୀମାନଙ୍କୁ ମୁକୁଳା ଯାଇଥିଲା ।

ସୂଚନାଥାଉକି, ମୁକିମ କାଲାକୁ ସାହାରନ୍‌ପୁରରୁ ଓ ମେରାଜୁଦ୍ଦିନ୍‌କୁ ବାରାଣସୀରୁ ଚିତ୍ରକୂଟ ଜେଲ୍‌କୁ ସ୍ଥାନାନ୍ତରିତ କରାଯାଇଥିଲା । ବର୍ତ୍ତମାନ ଚିତ୍ରକୂଟ ଜେଲ୍‌ରେ ପରିସ୍ଥିତି ନିୟନ୍ତ୍ରଣାଧୀନ ଥିବାବେଳେ ମୁଖ୍ୟମନ୍ତ୍ରୀ ଯୋଗୀ ଆଦିତ୍ୟନାଥ ଜେଲ୍‌ ପ୍ରଶାସନକୁ ୬ ଘଣ୍ଟା ମଧ୍ୟରେ ରିପୋର୍ଟ ଦେବାକୁ କହିଛନ୍ତି । ସେପଟେ ଏହି ଘଟଣା ପଛରେ ଏକ ବଡ଼ ଧରଣର ଷଡ଼ଯନ୍ତ୍ର ଥିବା ନେଇ ଚର୍ଚ୍ଚା ହେଉଛି । ଏପରିକି ସକାଳ ୯.୩୦ରେ ଜଳଖିଆ ଦିଆଯିବା ସମୟରେ ଅଂଶୁ ପାଖକୁ ପିସ୍ତଲ ପହଞ୍ଚାଯାଇଥିବା କୁହାଯାଉଛି ।

   Related Posts