Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ICC ଟି-୨୦ ରାଙ୍କିଂ : ୪ର୍ଥ ସ୍ଥାନରେ ପାକିସ୍ତାନ ବ୍ୟାଟ୍ସମ୍ୟାନ୍‌ ମହମ୍ମଦ ରିଜଓ୍ବାନ, ବିରାଟ କୋହଲି (୫) ଏବଂ ଲୋକେସ ରାହୁଲ (୮) ଖସିଲେ
  • ||
  • କରଞ୍ଜିଆ : ନଭେମ୍ବର ପହିଲାରୁ ଖୋଲିବ ଶିମିଳିପାଳ ଜାତୀୟ ଉଦ୍ୟାନ
  • ||
  • ସୋର : ଭଙ୍ଗା ଘରୁ ମିଳିଲା ପୁଳା ପୁଳା ରାସନ କାର୍ଡ, ଲୋକଙ୍କୁ ଦିଆନଯାଇ ଲୁଚାଇ ରଖାଯାଇଥିଲା କାହିଁକି ?
  • ||
  • ଆନନ୍ଦପୁର : କଣ୍ଡକ୍ଟରଙ୍କ ଭୁଲ୍, ଯାତ୍ରୀଙ୍କ ଗୋଡ ଉପରେ ଚଢିଗଲା ବସ୍
  • ||
  • କୋଣାର୍କ : ବାଇକ୍ ଚୋରି ରାକେଟ୍ ଠାବ : ୮ ବାଇକ୍ ସହ ୪ ଅଭିଯୁକ୍ତ ଗିରଫ
  • ||
  • ତେଲକୋଇ : କାଞ୍ଜିପାଣି ଘାଟିରେ ଭାରସ୍ୟାମ ହରାଇ ଓଲଟିଲା ଅଟୋ, ୫ବର୍ଷର ଶିଶୁ ସମେତ ୩ ଗୁରୁତର
  • ||
  • ଚାନ୍ଦବାଲି : ଅଘୋଷିତ ବିଦ୍ୟୁତ କାଟ୍ : ଦୀର୍ଘ ୧୨ଘଣ୍ଟା ଧରି ଅନ୍ଧାରରେ ରହିଲା ଆଖଣ୍ଡଳମଣୀ ପୀଠ
  • ||
  • ଭୁବନେଶ୍ବର : ନଭେମ୍ବର ୧ରୁ ଯୁକ୍ତ ୩ ପ୍ରଥମ ବର୍ଷ ଏବଂ ୧୫ରୁ ପିଜି ପ୍ରଥମ ବର୍ଷ କ୍ଲାସ୍ ଖୋଲିବ
  • ||
  • ଖୋର୍ଦ୍ଧା : ୩ ଦିନ ହେବ ଚିଲିକା ମଝିରେ ଫସିଥିଲା ଡଙ୍ଗା, ୨ ମତ୍ସ୍ୟଜୀବୀଙ୍କ ସହ ୧୦ବର୍ଷର ଛୁଆ ଉଦ୍ଧାର
  • ||
  • ଭୁବନେଶ୍ବର : ମମିତା ମେହେର ହତ୍ୟା ଘଟଣାରେ ନୀରବତାକୁ ବରଦାସ୍ତ କରାଯିବନି : କଂଗ୍ରେସ
  • ||

ଚର୍ଚ୍ଚାରେ ପୁଣି ଏସ୍‌ପି ସାରା ଶର୍ମା: ଆଦିବାସୀ ବହୁଳ ଗାଁକୁ ପୋଷ୍ୟ ଗ୍ରାମ ଭାବେ କଲେ ଗ୍ରହଣ, ଦୁର୍ଗମ ଅଞ୍ଚଳରେ ପରଖିଲେ ସ୍ଥିତି

13/06/2020 at 4:33 PM

ଗଜପତି, ୧୩|୦୬:  କେତେବେଳେ ଗୀତ ତ ପୁଣି କେତେବେଳେ ମହିଳାଙ୍କ ସୁରକ୍ଷା ପାଇଁ ସି-ଟିମ୍ ଗଠନ କରି ସବୁବେଳେ ଚର୍ଚ୍ଚାରେ ଥିବା ଗଜପତି ଏସପି ସାରା ଶର୍ମା ପୁଣି ଚର୍ଚ୍ଚାକୁ ଆସିଛନ୍ତି । ଏବେ ଗରୀବଙ୍କୁ ସହାୟତା କରିବାକୁ ଯାଇ ପୁଣି ଚର୍ଚ୍ଚାକୁ ଆସିଛନ୍ତି ସାରା । ସବୁବେଳେ କିଛି ନିଆରା କରିବା ଦ୍ବାରା ଚର୍ଚ୍ଚାରେ ଥିବା ଗଜପତି ଏସପି ସାରା ଶର୍ମା ଏକ ଆଦିବାସୀ ବହୁଳ ଗାଁକୁ ପୋଷ୍ୟଗ୍ରାମ ଭାବେ ଗ୍ରହଣ କରିବାନେଇ ଘୋଷଣା କରିଛନ୍ତି । ପ୍ରବଳ ବର୍ଷା ସତ୍ତ୍ବେ ପାହାଡିଆ ଦୁର୍ଗମ ଅଞ୍ଚଳରେ ଥିବା ଗୁମା ବ୍ଲକର ସିଣ୍ଡିବୁରୁ ଗାଁକୁ ଯାଇ ସ୍ଥିତି ପରଖିବା ସହ ଲୋକଙ୍କ ସହ ବେଶ୍ କିଛି ସମୟ ଧରି ଆଲୋଚନା କରିଥିଲେ । ଏହାପରେ ଏଠାକାର ଲୋକଙ୍କୁ ସହାୟତା ଆବଶ୍ୟକତା ଥିବା ହୃଦବୋଧ କରି ସେ  ଏହି ଗାଁକୁ ପୋଷ୍ୟ ଭାବେ ଗ୍ରହଣ କରିବା ନେଇ ଘୋଷଣା କରିଛନ୍ତି । ସେମାନଙ୍କ ସମସ୍ୟା ଦୂର ପାଇଁ ପଦକ୍ଷେପ ଗ୍ରହଣ କରିବାକୁ ପ୍ରତିଶୃତି ଦେଇଛନ୍ତି  ଏସପି ସାରା। ଏହି ଗସ୍ତକୁ ନେଇ ସ୍ଥାନୀୟ ଲୋକେ ମଧ୍ୟ ବେଶ୍ ଖୁସି ପ୍ରକାଶ କରିଛନ୍ତି । ଏବେ ସେମାନଙ୍କ ଦୁଃଖ ଦୂର ହୋଇପାରିବ ବୋଲି ଗ୍ରାମବାସୀ ଆଶା ପ୍ରକାଶ କରିଛନ୍ତି ।

କରୋନା ମାଡରେ ସାରା ଦେଶର ସ୍ଥିତି ବେହାଲ । ଏଭଳି ସ୍ଥିତିରେ ପ୍ରକୃତ ଗରୀବ ଲୋକଙ୍କ ଅବସ୍ଥା କିଭଳି ଥିବ ତାହା ସହଜେ ଅନୁମେୟ । ତେଣୁ ସେଭଳି ଲୋକଙ୍କୁ ସହାୟତା ଯୋଗାଇବା ପାଇଁ ହିଦାତୁଲ୍ଲା ନ୍ୟାସନାଲ ଲ ୟୁନିଭର୍ସିଟିର ପୁରାତନ ଛାତ୍ର ସଂଘ ଚାହୁଁଥିବା ଗଜପତି ଏସପିଙ୍କୁ ପ୍ରସ୍ତାବ ଦେଇଥିଲେ । ଫଳରେ ଏସପି ସାରା ଶର୍ମା ସେଭଳି ଏକ ଗାଁକୁ ଖୋଜିବାକୁ ଲାଗିଥିଲେ । ଆଜି ସିଣ୍ଡିବୁର ଗାଁକୁ ଦେଖିବା ପରେ ସେ ଏହି ଗାଁକୁ ହିଁ ପୋଷ୍ୟ ଭାବେ ଗ୍ରହଣ କରି ସହାୟତା ଯୋଗାଇବାକୁ ମନସ୍ଥ କରିଥିବା କହିଛନ୍ତି । ଏସପି ପୂର୍ବରୁ ହିଦାତୁଲ୍ଲା ନ୍ୟାସନାଲ ୟୁନିଭର୍ସିଟିରେ ଅଧ୍ୟାପନା କରୁଥିବାରୁ ସେଠିକାର ପୁରାତନ ଛାତ୍ର ସଂଘଙ୍କ ସହ ଭଲ ସଂପର୍କ ରହିଛି । ତେଣୁ ସେମାନେ ଏସପିଙ୍କୁ ଏଭଳି ଏକ ପ୍ରସ୍ତାବ ଦେଇଥିଲେ । ସେମାନେ କିଛି ଟଙ୍କା ଦେଇଥିବା ବେଳେ ଗଜପତି ପୁଲିସ୍ ମଧ୍ୟ କିଛି ସହାୟତା କରିବ । ଏହାଦ୍ଵାରା ପାହାଡି ଅଞ୍ଚଳରେ ରହୁଥିବା ନିରୀହ ଆଦିବାସୀଙ୍କ ସମସ୍ୟା ଦୂର କରିବା ପାଇଁ ପ୍ରୟାସ କରାଯିବ ବୋଲି ଏସପି କହିଛନ୍ତି । ପ୍ରବଳ ବର୍ଷା ସତ୍ତ୍ବେ ଏସପି ନିଜେ ସେହି ଗାଁକୁ ଚାଲି ଚାଲି ଯିବା ସହ ଲୋକଙ୍କ ସହ ବେଶ୍ କିଛି ସମୟ ବିତାଇଥିଲେ । ଏହି ସମୟରେ ତାଙ୍କ ସହ ଅତିରିକ୍ତ ଏସପି, ସେରଙ୍ଗ ଥାନା ଅଧିକାରୀଙ୍କ ସମେତ ଅନ୍ୟ ବରିଷ୍ଠ ପୁଲିସ ଅଧିକାରୀ ସାମିଲ ହୋଇଥିଲେ ।

ଗଜପତି ଜିଲା ଭୂବୁନୀ ପଞ୍ଚାୟତର ସିଣ୍ଡିବୁର ଗାଁ । ପାହାଡି ଇଲାକାରେ ଥିବା ଏହି ଗାଁରେ ୧୯ଟି ଆଦିବାସୀ ପରିବାର ବସବାସ କରୁଥିବା ବେଳେ ଲୋକସଂଖ୍ୟା ୧୨୦ । ଆଜି ଯାଏଁ ଏହି ଗାଁକୁ ରାସ୍ତା ଖଣ୍ଡିଏ ମଧ୍ୟ ନାହିଁ । ଆଜି ବି ପାଦଚଲା ରାସ୍ତା ହିଁ ଲୋକଙ୍କ ଲାଇଫ ଲାଇନ୍ । ସେହିପରି ବିଶୁଦ୍ଧ ପୀଚୟ ଜଳ ବି ଏମାନଙ୍କ ପାଇଁ ସତସପନ । ଏହି ଗାଁର ଲୋକେ ସମସ୍ୟା ସଂପର୍କରେ ବିଭିନ୍ନ ସମୟରେ ସ୍ଥାନୀୟ ସରପଞ୍ଚଙ୍କ ଠାରୁ ଆରମ୍ଭ କରି ବ୍ଲକ୍ ପ୍ରଶାସନ ଯାଏଁ ସମସ୍ତଙ୍କୁ ଜଣାଇଥିଲେ ମଧ୍ୟ କୌଣସି ସୁଫଳ ମିଳିନଥିଲା । ଏପରିକି ଦିନଟିଏ ପାଇଁ କେହି ଜଣେ ହେଲେ ଅଧିକାରୀ ଗାଁକୁ ଯାଇନଥିଲେ । ହେଲେ ଆଜି ଜିଲ୍ଲାର  ଏସପି ତାଙ୍କ ଗାଁରେ ପହଂଚି ତାଙ୍କ ସହ ବସିବା ସହ ଘରକୁ ଘର ବୁଲି ଲୋକଙ୍କ ସୁଖ ଦୁଃଖ ବୁଝିବା ସେମାନଙ୍କୁ ଆଶ୍ଚର୍ଯ୍ୟ କରିଥିଲା । ତେବେ ଆଜି ଏତେ ଅଧିକାରୀ ଗାଁକୁ ଆସି ତାଙ୍କ ସମସ୍ୟା ବୁଝି ଥିବାରୁ ଅତିଶୀଘ୍ର ସେମାନଙ୍କ ଭାଗ୍ୟ ପରିବର୍ତ୍ତନ ହେବା ନେଇ ଗ୍ରାମବାସୀ ଆଶା ପ୍ରକାଶ କରିଥିବା କହିଛନ୍ତି ।

   Related Posts