Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ପ୍ରତିରକ୍ଷା ରପ୍ତାନୀ କ୍ଷେତ୍ରରେ ମାଇଲ ଖୁଣ୍ଟ : ଫିଲିପାଇନ୍ସକୁ ଧୃବ ହେଲିକପ୍ଟର ବିକ୍ରି କରିବ ଭାରତ
  • ||
  • ଦେଶରେ ୨୪ ଘଣ୍ଟାରେ ବାହାରିଲେ ୯ ହଜାରରୁ ଅଧିକ କରୋନା ପଜିଟିଭ୍, ୧୫୯ ମୃତ
  • ||
  • ରାଜ୍ୟରେ ଆଉ ୨ଜଣଙ୍କ ଜୀବନ ନେଲା କରୋନା, ମୃତ୍ୟୁସଂଖ୍ୟା ୮୪୨୮କୁ ବୃଦ୍ଧି
  • ||
  • ୨୪ ଘଣ୍ଟାରେ ରାଜ୍ୟରେ ଚିହ୍ନଟ ହେଲେ ୧୯୫ କରୋନା ସଂକ୍ରମିତ, ୧୦୫୦୯୫୫ରେ ପହଞ୍ଚିଲା ସଂଖ୍ୟା
  • ||
  • ବାୟୁସେନା ହେଲିକପ୍ଟର କ୍ରାସ୍‌ରେ ଓଡିଆ ଯବାନ ମୃତ, ତାଳଚେରରେ ରାଣା ପ୍ରତାପ ଦାସଙ୍କ ଘର
  • ||
  • ମାତିଲେ ମାଓବାଦୀ : ଜାଳିଲେ ଗାଡ଼ି, ସୁପରଭାଇଜରଙ୍କୁ କଲେ ଅପହରଣ
  • ||
  • ମୁହାଁମୁହିଁ ହେବେ ଶାସକ-ବିରୋଧି : ମମିତା ମେହେର ପ୍ରସଙ୍ଗରେ ବିଧାନସଭା ଘେରିବ ବିଜେପି
  • ||

ଗାଜିଆବାଦ ବୃଦ୍ଧଙ୍କୁ ମାଡ ଘଟଣା : ଟ୍ୱିଟର ବିରୋଧରେ ମାମଲା, ସାମ୍ପ୍ରଦାୟିକ ହିଂସାକୁ ପ୍ରୋତ୍ସାହିତ କରୁଥିବା ଅଭିଯୋଗ

16/06/2021 at 7:22 AM

ଲକ୍ଷ୍ନୌ,୧୬|୦୬: ଉତ୍ତର ପ୍ରଦେଶର ଗାଜିଆବାଦରେ ଜଣେ ବୃଦ୍ଧ ମୁସଲିମ ବ୍ୟକ୍ତିଙ୍କୁ ମାଡ ମାରି ବଳପୂର୍ବକ ଧାର୍ମିକ ନାରା ଲଗାଇବା ଭିଡିଓ ସୋସିଆଲ ମିଡିଆରେ ଭାଇରାଲ ହୋଇଥିଲା । ଏହି ମାମଲରେ ପୋଲିସ ସାମାଜିକ ଗଣମାଧ୍ୟମ ଟ୍ୱିଟର୍ ବିରୋଧରେ ଅଭିଯୋଗ ପତ୍ର ଦାଖଲ କରିଛି । ଟ୍ୱିଟର ବିରୋଧରେ ଧାର୍ମିକ ଭାବନାକୁ ଆଘାତ, ସାଂପ୍ରଦାୟିକତାକୁ ପ୍ରୋତ୍ସାହିତ କରିବା ନେଇ ଅଭିଯୋଗ ଲାଗିଛି । ୟୁପି ପୋଲିସ ସେହି ସମୟରେ କାର୍ଯ୍ୟାନୁଷ୍ଠାନ ଗ୍ରହଣ କରିଛି ଯେତେବେଳେ ଭିଡିଓ ବାଇରାଲ  ପରେ ଉତ୍ତର ପ୍ରଦେଶଠୁ ନେଇ ଜାତୀୟ ରାଜନୀତି ଉଷ୍ମ ହୋଇ ଉଠିଛି।

ସୂଚନା ଅନୁସାରେ, ସାମାଜିକ ଗଣାମଧ୍ୟମରେ ଏକ ଭିଡିଓ ଭାଇରାଲ ହୋଇଥିଲା। ଏଥିରେ ଜଣେ ମୁସଲିମ ବୃଦ୍ଧଙ୍କୁ ଚାରି ଜଣ ଅଜଣା ଲୋକ ଗାଜିଆବାଦର ଏକ ଶୂନଶାନ କୋଠା ଭିତରକୁ ନେଇ ଜୟ ଶ୍ରୀରାମ ନାରା ଦେବାକୁ ବାଧ୍ୟ କରୁଥିବା ଦେଖିବାକୁ ମିଳିଥିଲା। ମାଡ ମାରିବା ଏବଂ ଦାଢି କାଟିବାକୁ ବାଧ୍ୟ କରିଥିବା ଅଭିଯୋଗ ହୋଇଥିଲା ।

ଏହି ଘଟଣାରେ ପୋଲିସ ମାମଲା ରୁଜୁ କରିଛି। ପରବେଶ ଗୁଜର ନାମକ ଜଣେ ବ୍ୟକ୍ତିଙ୍କୁ ଗିରଫ କରାଯାଇଛି। ଏହି ଘଟଣା ଜୁନ ୫ରେ ଘଟିଥିଲା। ମାତ୍ର ପୋଲିସକୁ ଘଟଣାର ସୂଚନା ୨ ଦିନ ପରେ ମିଳିଥିଲା। ପୋଲିସ ଅନୁଯାୟୀ,  ଘଟଣା ପଛର କାରଣ ତନ୍ତ୍ର ମନ୍ତ୍ର ରହିଛି। ପୀଡିତ ବୃଦ୍ଧ ବ୍ୟକ୍ତି ଅଭିଯୁକ୍ତଙ୍କୁ କିଛି ଲକେଟ୍ ଦେଇଥିଲେ।  ହେଲେ କିଛି ପରିଣାମ ନଆସିବାରୁ ସେମାନେ ଏମିତି କାଣ୍ଡ ଭିଆଇଥିଲେ। ତେବେ ପୀଡିତ ବୃଦ୍ଧ ନିଜ ଏଫଆଇଆରରେ ଜୟ ଶ୍ରୀରାମ ନାରା ଲଗାଇବା ଏବଂ ଦାଢି କାଟିବା କଥା ଉଲ୍ଲେଖ କରି ନାହାନ୍ତି ବୋଲି ପୋଲିସ କହିଥିଲା ।

ପୋଲିସ ଆହୁରି ମଧ୍ୟ କହିଥିଲା ଯେ, ଟ୍ୱିଟର ବିରୋଧରେ ବିଭିନ୍ନ ଦଫାରେ ମାମଲା ରୁଜୁ କରାଯାଇଛି ।ଭିଡିଓର ଯାଞ୍ଚ ଚାଲିଥିବା ସୂଚନା ମିଳିଛି ।

   Related Posts