Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ପାକିସ୍ତାନ ବିପକ୍ଷରେ ଭାରତ ଫେଭରେଟ୍, ବିଜୟ ସମ୍ଭାବନା ଅଧିକ : ଅନୁମାନ ଲଗାଇଲେ ମହମ୍ମଦ ଅମିର
  • ||
  • ପନିପରିବା ଖାଇଦେଉଛନ୍ତି ବାର୍‌ହା, ଚିନ୍ତାରେ ଚାଷୀ
  • ||
  • ରାଜ୍ୟରେ କମୁଛି କରୋନା ଗ୍ରାଫ୍: କୋଭିଡ୍ ନେଲା ଆଉ ୪ ଜଣଙ୍କ ଜୀବନ
  • ||
  • ଉପରତଳ ହେଉଛି କରୋନା ଗ୍ରାଫ୍ : ୨୪ ଘଣ୍ଟାରେ ବାହାରିଲେ ୪୪୧ କୋଭିଡ୍ ପଜିଟିଭ୍
  • ||
  • ସିରିଆ ଡ୍ରୋନ୍ ଆଟାକ୍‌: ଅଲକାଏଦାର ବରିଷ୍ଠ ନେତା ଅବଦୁଲ ହମିଦ ଅଲ-ମାତାର ମୃତ
  • ||
  • ନିଶ୍ଚିନ୍ତକୋଇଲିରେ ହାତୀ ଆତଙ୍କ, ନଷ୍ଟ କରୁଛନ୍ତି ଫସଲ
  • ||
  • ମନୀଷ ଅନୁରାଗ ହତ୍ୟା ମାମଲା : ସାଉଥ୍‌ ସିଟି ବାର୍‌ ମାଲିକ ଓ ପରିଚାଳନା କରୁଥିବା ପ୍ରସନ୍ନ ବେହେରା ଗିରଫ
  • ||
  • ଅନ୍ୟ ରାଜ୍ୟର ଜେଲକୁ ସ୍ଥାନାନ୍ତର ହେଉଛନ୍ତି ଆତଙ୍କବାଦୀ : ଜମ୍ମୁ-କାଶ୍ମୀରରୁ ୨୬ ଆତଙ୍କୀଙ୍କୁ ପଠାଗଲା ଆଗ୍ରା
  • ||
  • କମୁଛି ପାରଦ, ଆଗକୁ ବଢିବ ଶୀତ
  • ||
  • ଟି୨୦ ବିଶ୍ୱକପ : ଅସଲ ଲଢେଇ ଆରମ୍ଭ, ସୁପର ୧୨ର ପ୍ରଥମ ମୁକାବିଲାରେ ଅଷ୍ଟ୍ରେଲିଆ ବନାମ ଦକ୍ଷିଣ ଆଫ୍ରିକା
  • ||

ଦିଲ୍ଲୀ-ମୁମ୍ବାଇ ଏକ୍ସପ୍ରେସ୍ ଓ୍ଵେର ଏମିତି ମାନ ପରଖିଲେ ସଡକ ମନ୍ତ୍ରୀ, ପବନ ବେଗରେ ଦୌଡାଇଲେ ଗାଡି, ଦେଖନ୍ତୁ ଭିଡିଓ

17/09/2021 at 6:12 PM

ନୂଆଦିଲ୍ଲୀ ୧୭।୦୯: ଏକ୍ସପ୍ରେସ୍ ଓ୍ଵେରେ ପବନ ବେଗରେ ଦୌଡିଲା ସଡକ ମନ୍ତ୍ରୀଙ୍କ ଗାଡି। କେନ୍ଦ୍ର ସଡକ ପରିବହନ ମନ୍ତ୍ରୀ ନୀତିନ ଗଡକରୀଙ୍କ ଏକ ଭିଡିଓ ସଂପ୍ରତି ଖୁବ୍ ଭାଇରାଲ ହେବାରେ ଲାଗିଛି। ଏହି ଭିଡିଓରେ ସେ ଦିଲ୍ଲୀ-ମୁମ୍ବାଇ ଏକ୍ସପ୍ରେସ ଓ୍ଵେର ନିର୍ମାଣ କାର୍ଯ୍ୟର ସମୀକ୍ଷା କରୁଥିବା ଦେଖିବାକୁ ମିଳିଛି। ଗଡକରୀ ଖୋଦ୍ ଗାଡିରେ ଡ୍ରାଇଭିଙ୍ଗ ସିଟ୍‌ର ପାଖ ସିଟ୍‌ରେ ବସିଛନ୍ତି। ଏହି ସମୟରେ ସେ ଗାଡି ଚାଳକଙ୍କଠୁ କାରର ସ୍ପିଡ୍ ବିଷୟରେ ପଚାରୁଛନ୍ତି। ଏହି ଭିଡିଓରେ ଗାଡି ବହୁ ସ୍ପିଡରେ ଗତି କରୁଛି। ଆଉ ଗାଡିର ସ୍ପିଡୋମିଟର ଘଣ୍ଟା ପ୍ରତି ୧୭୦ କିମି କଣ୍ଟାକୁ ଅତିକ୍ରମ କରୁଥିବା ଦେଖିବାକୁ ମିଳିଛି। ସାମାଜିକ ଗଣମାଧ୍ୟମରେ ଏହି ଭିଡିଓ ଖୁବ୍ ଭାଇରାଲ୍ ହେବାରେ ଲାଗିଛି।

ସୂଚନା ଅନୁଯାୟୀ, ଏହି ଭିଡିଓ ଗୁରୁବାରର। ଏହି ଦିନ କେନ୍ଦ୍ର ମନ୍ତ୍ରୀ ମଧ୍ୟପ୍ରଦେଶର ରତଲାମ ସ୍ଥିତ ଜାଭରାରେ ଥିଲେ। ସେ ଏହି ଅଞ୍ଚଳ ଦେଇ ଯାଇଥିବା ଦିଲ୍ଲୀ-ମୁମ୍ବାଇ ହାଇଓ୍ଵେର ଗୁଣବତ୍ତା ପରଖିବା ପାଇଁ ପହଞ୍ଚିଥିଲେ। ଭିଡିଓରେ ଗଡକରୀ ଗାଡି ଚଲାଉଥିବା ବ୍ୟକ୍ତିଙ୍କଠୁ ରାସ୍ତା ନିର୍ମାଣରେ ବ୍ୟବହାର ହେଉଥିବା ମେସିନ ଓ ଟେକ୍ନୋଲୋଜି ଉପରେ ମଧ୍ୟ ଆଲୋଚନା କରୁଛନ୍ତି। ତାଙ୍କ କାର ଯେବେ ଟର୍ଣ୍ଣ ମାରୁଛି ସେତିକି ବେଳେ କାରର ସ୍ପିଡ୍ ସାଧାରଣ ରହୁଛି। ଯେମିତି ରାସ୍ତା ସିଧା ପଡୁଛି ଗାଡି ଚଳାଉଥିବା ବ୍ୟକ୍ତି କାରର ସ୍ପିଡ ବଢାଇବା ଆରମ୍ଭ କରୁଛନ୍ତି। ଏହା ପରେ ଗଡକରୀ ଗାଡିର ସ୍ପିଡ୍ କେତେ ଥିବା ପଚାରୁଛନ୍ତି। ସାର ଏବେ ୧୨୦ ସ୍ପିଡ୍ ଥିବା ଚାଳକ କହୁଛନ୍ତି। କିଛି ସମୟ ପରେ ଗଡକରୀ ପୁଣି ପଚାରୁଛନ୍ତି ଯେ ଏବେ ସ୍ପିଡ୍ କେତେ ଅଛି। ଏଥର ଜବାବ ମିଳୁଛି ୧୭୦ ସ୍ପିଡ୍ ସାର।

ଏହି ରାସ୍ତାର ନୀରିକ୍ଷଣ ପରେ ଗଡକରୀ କହିଛନ୍ତି, ଏହି  ହାଇଓ୍ଵେର ନିର୍ମାଣର ଗୁଣବତ୍ତା ଏତେ ଚମତ୍କାର ହୋଇଛି ଯେ, ଏହା ଉପରେ ଛୋଟ ଛୋଟ ବିମାନ ଅବତରଣ କରାଯାଇ ପାରିବ। ସାମାଜିକ ଗଣମାଧ୍ୟମରେ ଯେଉଁ ଭିଡିଓ ଭାଇରାଲ୍ ହୋଇଛି ଏବଂ କଥାବାର୍ତ୍ତାରୁ ଯାହା ଜଣା ପଡୁଛି ସେଥିରେ ଗଡକରୀ ରାସ୍ତା ନିର୍ମାଣ କରିଥିବା କର୍ମଚାରୀଙ୍କ ସହ କାରରେ ଅଛନ୍ତି। ଯେଉଁ ବ୍ୟକ୍ତି ଗାଡି ଚଳାଉଛି ସେ ମଧ୍ୟ ଏହି  ଏକ୍ସପ୍ରେସ୍ ଓ୍ଵେ  ନିର୍ମାଣକାରୀ ଟିମ୍‌ର ସଦସ୍ୟ।

   Related Posts