କଟକ ୧୫।୧୦: ଆଜି ବସିବ ହାଇକୋର୍ଟର ଫୁଲ ବେଞ୍ଚ୍, ଅଦାଲତ ଅବମାନନା ମାମଲାର ହେବ ଶୁଣାଣି । ଆଜି ଦିନ ସାଢେ ୧୦ଟାରେ ହାଇକୋର୍ଟର ଫୁଲ୍ ବେଞ୍ଚ୍ ବସିବାକୁ ଯାଉଛି । ପ୍ରକାଶିତ ସପ୍ଲିମେଣ୍ଟାରି ଲିଷ୍ଟ ଅନୁସାରେ ମୁଖ୍ୟ ବିଚାରପତିଙ୍କ ସହିତ ୧୩ଜଣ ବିଚାରପତିଙ୍କୁ ନେଇ ଗଠିତ ଫୁଲ୍ ବେଞ୍ଚ ବସି ଏକ ଅଦାଲତ ଅବମାନନା ମାମଲାର ଶୁଣାଣି କରିବେ ।
ଏହି ଖଣ୍ଡପୀଠରେ ମୁଖ୍ୟ ବିଚାରପତିଙ୍କ ସହିତ ହାଇକୋର୍ଟର ସମସ୍ତ ବିଚାରପତି ରହିଥିବା ବେଳେ ଏପରି ଘଟଣା ନିକଟ ଅତୀତରେ କେବେ ଘଟି ନଥିବା କୁହାଯାଉଛି । ଶୁଣାଣି କରାଯିବାକୁ ଥିବା ଅଦାଲତ ଅବମାନନା ମାମଲା ହାଇକୋର୍ଟ ରେଜିଷ୍ଟ୍ରାର ଜୁଡିସିଆଲଙ୍କ ପକ୍ଷରୁ ଦାୟର ହୋଇଥିବାବେଳେ ଏଥିରେ ରାଜ୍ୟ ସରକାର ଓ ଅନ୍ୟମାନଙ୍କୁ ପକ୍ଷଭୁକ୍ତ କରାଯାଇଛି ।