Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ରାଜ୍ୟରେ ଆଉ ୧୮ କରୋନା ସଂକ୍ରମିତଙ୍କ ମୃତ୍ୟୁ, ୧୨ଶହ ଅତିକ୍ରମ କଲା ମୃତକଙ୍କ ସଂଖ୍ୟା
  • ||
  • ରାଜ୍ୟରେ ଚିହ୍ନଟ ହେଲେ ୧୭୯୩ କରୋନା ସଂକ୍ରମିତ, ୨୭୭୮୮୭ରେ ପହଞ୍ଚିଲା ଆକ୍ରାନ୍ତଙ୍କ ସଂଖ୍ୟା
  • ||
  • କେନ୍ଦ୍ରାପଡାରେ ଘରେ ପଶି ଲୁଟିଲେ, କଟୁରୀରେ ହାଣି ଖସିଗଲେ, ସ୍ବାମୀ-ସ୍ତ୍ରୀ ଗୁରୁତର
  • ||
  • ବାଲେଶ୍ବର ମୁଖ୍ୟ ଯୋଗାଣ ଅଧିକାରୀଙ୍କ ଅଫିସ୍‌ରୁ ଜବତ ହେଲା ୯ଟି ଟଙ୍କା ଭର୍ତ୍ତି ଲଫାପା, ବାନ୍ଧିନେଲା ଭିଜିଲାନ୍ସ
  • ||
  • ପାଟଣାରେ ଭାରସାମ୍ୟ ହରାଇ ପଥରରେ ପିଟି ହେଲା ବାଇକ୍, ଘଟଣାସ୍ଥଳରେ ଚାଳକଙ୍କ ମୃତ୍ୟୁ
  • ||
  • ବାଲିଅନ୍ତାରେ ଜୁଆ ଆଡ୍ଡା ଉପରେ ଚଢାଉ, ୩ ଗିରଫ
  • ||
  • ଚାନ୍ଦବାଲିରେ ଟ୍ରେନ୍ ଲାଇନ୍‌ରୁ ମିଳିଲା ନାବାଳକଙ୍କ ମୃତଦେହ
  • ||
  • ପୁରୀରେ ୪ ବ୍ରାଉନସୁଗାର ବେପାରୀ ଗିରଫ, ୫.୩୨ ଗ୍ରାମ୍ ବ୍ରାଉନସୁଗାର ଜବତ
  • ||
  • ଅନୁଗୋଳରେ କଣ୍ଟେନର-ଟ୍ରକ୍ ମୁହାଁମୁହିଁ ଧକ୍କା, ଟ୍ରକ୍ ଚାଳକ ମୃତ
  • ||
  • ଷ୍ଟାଫ୍‌ନର୍ସ ମୌସୁମୀ ମିଶ୍ରଙ୍କ ସନ୍ଦେହଜନକ ମୃତ୍ୟୁ, ସହକର୍ମୀ କହିଲେ, ‘ତାଙ୍କୁ ହତ୍ୟା କରାଯାଛି’
  • ||

ଗୁଗଲ ରାଡାରରେ ଜୋମାଟୋ ଓ ସ୍ବିଗି, ପ୍ଲେ-ଷ୍ଟୋର ନିୟମ ଉଲ୍ଲଘଂନ ଅଭିଯୋଗରେ ପଠାଇଲା ନୋଟିସ୍

1/10/2020 at 4:08 PM

ନୂଆଦିଲ୍ଲୀ ୦୧/୧୦: ଗୁଗଲ ଏବେ ଏକପ୍ରକାର ରାଜୁତି ଆରମ୍ଭ କରିଛି। ପ୍ରଥମେ ପେଟିଏମ୍ ଏବେ ଜୋମାଟୋ ଓ ସ୍ବିଗିକୁ ଟାର୍ଗେଟ କରିଛି ଗୁଗଲ। ଗୁଗଲ ଏବେ ଫୁଡ୍ ଡେଲିଭରି ଆପ୍ ଜୋମାଟୋ ଓ ସ୍ବିଗି ଉପରେ ପ୍ଲେ-ଷ୍ଟୋର ଗାଇଡଲାଇନ୍ସ ଉଲ୍ଲଘଂନ କରିଥିବା ଅଭିଯୋଗ ଆଣିଛି। ଗୁଗଲ ଏହି ଦୁଇ କମ୍ପାନିକୁ ଏ ନେଇ ନୋଟିସ ପଠାଇ ତାର ଗେମିଙ୍ଗ ଫିଚର୍ସ ଉପରେ ଆପତ୍ତି ଉଠାଇଛି। ଏ ନୋଟିସ ପରେ ବିବାଦ ଏବେ ତୀବ୍ର ରୂପ ନେଇଛି। ତେବେ ଏହା ପୂର୍ବରୁ ଗୁଗଲ ପେଟିଏମକୁ ଏଭଳି କହି ତା ପ୍ଲେ-ଷ୍ଟୋରରୁ ହଟାଇ ଦେଇ ଥିଲା।

ତେବେ ଜୋମାଟୋ ଗୁଗଲଠାରୁ ନୋଟିସ୍ ମିଳିଥିବା ସ୍ବୀକାର କରିଛି। ଏ ନୋଟିସ୍ ଏକଦମ ଭୁଲ ବୋଲି କହିଛି ଜୋମାଟୋ। କମ୍ପାନି କହିଛି, ‘ଆମ କମ୍ପାନି ଛୋଟ। ପୂର୍ବରୁ ହିଁ ବ୍ୟବସାୟ ରଣନୀତିକୁ ଗୁଗଲ ଗାଇଡଲାଇନ୍ସ ହିସାବରେ ରଖିଛୁ। କମ୍ପାନ କହିଛି ଯେ ଗୁଗଲ ଜୋମାଟୋ ପ୍ରିମିୟର ଲିଗକୁ ଏହି ସପ୍ତାହ ଶେଷ ସୁଦ୍ଧା ଅନ୍ୟ କାର୍ଯ୍ୟକ୍ରମରେ ପରିବର୍ତନ କରି ଦେବ।

ଏବେ ସୁଦ୍ଧା ଏ ଘଟଣାକୁ ନେଇ ସ୍ବିଗି ତରଫରୁ କିଛି ଉତ୍ତର ମିଳି ନାହିଁ। ସୂତ୍ର ଅନୁସାରେ କମ୍ପାନି ଗୁଗଲ ସହ ଏହି ମାମଲା ବାବଦରେ ଆଲୋଚନା କରୁଛି। ଗୁଗଲ ମଧ୍ୟ ଏ ମାମଲାରେ ଏବେ ସୁଦ୍ଧା କିଛି କହି ନାହିଁ।

ସୂଚନାଯୋଗ୍ୟ କିଛି କମ୍ପାନି ଆଇପିଏଲ ଯୋଗୁ ଗେମିଫିକସେନ ଫିଚର୍ସ ବ୍ୟବହାର କରୁଛନ୍ତି। ଯାହା ଦ୍ବାରା ସେମାନଙ୍କ ବିକ୍ରି ବଢ଼ୁଛି। ସେପ୍ଟେମ୍ବର ୧୮ରେ ଗୁଗଲ ପ୍ଲେ-ଷ୍ଟୋରରୁ ପେଟିଏମକୁ ହଟାଇ ଥିଲା। ଗୁଗଲ କହିଥିଲା କମ୍ପାନି କୌଣସି ଜୁଆ କେଳକୁ ପ୍ରୋତ୍ସାହିତ କରେ ନାହିଁ। ତେବେ ଏ ମାମଲାରେ ପେଟିଏମ ମଧ୍ୟ ଗୁଗଲକୁ ଛାଡି ନ ଥିଲା। ଅର୍ଥାତ ପେଟିଏମ ମଧ୍ୟ ଗୁଗଲକୁ ଟାର୍ଗେଟ କରିଥିଲା।

ମଙ୍ଗଳବାର ଗୁଗଲ କହିଛି ପ୍ଲେ-ଷ୍ଟୋର ଜରିଆରେ ଯେଉଁ ଆପ୍ ଡିଜିଟାଲ କଣ୍ଟେଣ୍ଟ ବିକ୍ରି କରୁଛନ୍ତି ସେମାନଙ୍କୁ ଗୁଗଲ ପ୍ଲେ ବିଲିଙ୍ଗ ସିଷ୍ଟମର ବ୍ୟବହାର କରିବାକୁ ହେବ। ଏହା ବ୍ୟତୀତ ଆପ୍‌ କିଣା ହେବା ପରେ କିଛି ଫି’ ମଧ୍ୟ ଦେବାକୁ ହେବ। ଏହା ପରେ ଅନେକ ଷ୍ଟାର୍ଟଅପ ଗୁଗଲର ଉପରେ କ୍ରୋଧ ବ୍ୟକ୍ତ କରିଛନ୍ତି। ଭାରତୀୟ ଷ୍ଟାର୍ଟଅପ୍ ଏବେ ଦାବି କରୁଛନ୍ତି ଯେ ଗୁଗଲ ପ୍ଲେ-ଷ୍ଟୋର ଉପରୁ ନିର୍ଭରତାକୁ ଶେଷ କରାଯାଉ।

   Related Posts