Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ସରିଲାନି ଆର୍ଯ୍ୟନ ଖାନ୍‌ଙ୍କ ଜାମିନ୍‌ ଆବେଦନର ଶୁଣାଣି, ଆସନ୍ତାକାଲିକୁ ସ୍ଥଗିତ ରଖିଲେ କୋର୍ଟ
  • ||
  • ଭାରତୀୟ ଶିକ୍ଷୟିତ୍ରୀଙ୍କ ପାକିସ୍ତାନ ପ୍ରେମ, ଷ୍ଟାଟସ୍ ଦେଲେ ‘ଆମେ ମ୍ୟାଚ୍ ଜିତିଗଲୁ’
  • ||
  • ରାଜ୍ୟରେ କମୁଛି କରୋନା ଗ୍ରାଫ୍ : କୋଭିଡ୍ ନେଲା ଆଉ ୪ ଜଣଙ୍କ ଜୀବନ
  • ||
  • ଉପରତଳ ହେଉଛି କରୋନା ଗ୍ରାଫ୍ : ୨୪ ଘଣ୍ଟାରେ ବାହାରିଲେ ୪୩୩ କୋଭିଡ୍ ପଜିଟିଭ୍
  • ||
  • ନୂଆଦିଲ୍ଲୀ ସୀମାପୁରୀରେ ଅଭାବନୀୟ ଘଟଣା : ଘରେ ଲାଗିଲା ନିଆଁ, ୪ ମୃତ
  • ||
  • ଏବର୍ଷ ରାଜ୍ୟରେ ହାଡଭଙ୍ଗା ଶୀତ, ଅଧିକ ଦିନ ଥରାଇବ
  • ||
  • ସିଆରପିଏଫ କ୍ୟାମ୍ପରେ ରାତି ବିତାଇଲେ ଶାହ, ଯବାନଙ୍କ ସହ କଲେ ରାତ୍ରି ଭୋଜନ
  • ||
  • ମମିତା ମେହେର ହତ୍ୟା ମାମଲା : ବିଜେପି ପକ୍ଷରୁ ୧୨ ଘଣ୍ଟିଆ ସମ୍ବଲପୁର ବନ୍ଦ, ସେପଟେ ଡିଜିପି ଅଫିସ ଘେରାଉ କରିବ କଂଗ୍ରେସ
  • ||

ଫଳ ,ପନିପରିବା ଓ ଦୁଗ୍ଧଜାତ ଖାଦ୍ୟ ଖାଇଲେ କମିଥାଏ ବ୍ରେନ୍ ଷ୍ଟ୍ରୋକ ଆଶଙ୍କା

14/03/2020 at 1:44 PM

ଶାକାହାରୀ ଆହାର ସ୍ବାସ୍ଥ୍ୟ ପାଇଁ ଭଲ। ଭାରତୀୟ ପରମ୍ପରାରେ ଏହି ବିଶ୍ବାସ ରହିଆସିଥିବାବେଳେ ଏବେ ବିଜ୍ଞାନଭିତ୍ତିକ ଗବେଷଣାରେ ଆସିଛି ତାହା ସପକ୍ଷରେ କିଛି ଯୁକ୍ତି। ଫଳ, ପନିପରିବା ଏବଂ ଦୁଗ୍ଧ ଜାତୀୟ ଖାଦ୍ୟ ସେବନ ଦ୍ୱାରା ଷ୍ଟ୍ରୋକ ସମ୍ଭାବନା କମିଯାଇଥାଏ | ୟୁରୋପିଆନ ହାର୍ଟ ଜର୍ଣ୍ଣାଲର ଏକ ରିସର୍ଚ୍ଚ ଅନୁଯାୟୀ, ଭିନ୍ନ ଭିନ୍ନ ଖାଦ୍ୟ ସହ ଭିନ୍ନ ଭିନ୍ନ ଆଘାତ ଜଡିତ | ରିସର୍ଚ୍ଚ ଅନୁଯାୟୀ, ଅଧିକ ମାତ୍ରାରେ ଫଳ, ପରିବା ଏବଂ ଦୁଗ୍ଦ ଜାତୀୟ ଖାଦ୍ୟ ଶରୀର ପକ୍ଷେ ଲାଭଦାୟକ | ଏହା ଷ୍ଟ୍ରୋକ ସମ୍ଭାବନା କମ କରିଥାଏ |

୯ଟି ୟୁରୋପିଆନ ଦେଶର ୪ ଲକ୍ଷ ୧୮ ହଜାର ଲୋକଙ୍କ ମଧ୍ୟରେ ଏକ ରିସର୍ଚ୍ଚ କରାଯାଇଥିଲା | ଏମାନଙ୍କ ଉପରେ ଇକ୍ୱେମିକ ନାମକ ବ୍ରେନ ଷ୍ଟ୍ରୋକ ଏବଂ ହେମେର୍ହେଜିକ ଷ୍ଟ୍ରୋକ ପରୀକ୍ଷା କରାଯାଇଥିଲା | ରିସର୍ଚ୍ଚରୁ ସ୍ପଷ୍ଟ ହୋଇଥିଲା ଯେ, ଅଧିକ ମାତ୍ରାରେ ଫଳ, ପନିପରିବା,କ୍ଷୀର, ଦହି ଇତ୍ୟାଦି ସେବନ କରିବା ଦ୍ୱାରା ଇକ୍ୱେମିକ ଷ୍ଟ୍ରୋକ ସମ୍ଭାବନ କମ ରହିଛି |

ଅଧିକ ମାତ୍ରାରେ ଅଣ୍ଡା ଖାଇବା ଦ୍ୱାରା ହେମେର୍ହେଜିକ ଷ୍ଟ୍ରୋକର ସମ୍ଭାବନା ଅଧିକ ଥାଏ | କିନ୍ତୁ ଅଣ୍ଡା ସହ ଇକ୍ୱେମିକ ଷ୍ଟ୍ରୋକର କୌଣସି ସମ୍ପର୍କ ନାହିଁ |

ରିସର୍ଚ୍ଚରୁ ସ୍ପଷ୍ଟ ହୋଇଛି ଯେ, ଉଭୟ ଷ୍ଟ୍ରୋକ ପାଇଁ ଖାଦ୍ୟର ପ୍ରଭାବ ମଧ୍ୟ ଭିନ ଭିନ୍ନ ରହିଛି | ତେବେ ଏହାର ପ୍ରଭାବ ଶରୀର ଉପରେ ଅଲଗା ପ୍ରକାରରେ ପଡିଥାଏ | ସେଥିମଧ୍ୟରୁ କୋଲେଷ୍ଟ୍ରୋଲ ବା ମେଦ ବହୁଳତା ଅନ୍ୟତମ | କୋଲେଷ୍ଟ୍ରୋଲ ଲେବଲ ଏବଂ ମେଦ ବହୁଳତା ଅଲଗା ଭାବେ ଷ୍ଟ୍ରୋକ ଉପରେ ପ୍ରଭାବ ପକାଇଥାଏ ବୋଲି କହିଛନ୍ତି ଅକ୍ସଫୋର୍ଡ ୟୁନିଭର୍ସିଟିର ଯେନ ଅଥର ଟମି ଟଙ୍ଗ |

ଶିରା ପ୍ରଶିରାରେ ରକ୍ତ ଜମାଟ ବାନ୍ଧିବା ଫଳରେ ଯେତେବେଳେ ହାର୍ଟ ବ୍ରେନକୁ ରକ୍ତ ସପ୍ଲାଏ କରିବା ବନ୍ଦ କରିଦେଇଥାଏ ସେତେବେଳେ ଇକ୍ୱେମିକ ଷ୍ଟ୍ରୋକ ହୋଇଥାଏ |

ବ୍ରେନରେ କୌଣସି କାରଣବଶତଃ ରକ୍ତ ବାହାରି ଆଖପାଖ ବ୍ଲଡ଼ ସେଲକୁ ଡ୍ୟାମେଜ କରିଥାଏ ସେତେବେଳେ ହେମେର୍ହେଜିକ ଷ୍ଟ୍ରୋକ ହୋଇଥାଏ | ପାଖାପାଖି ୮୫ ପ୍ରତିଶତ ଲୋକଙ୍କୁ ଇକ୍ୱେମିକ ଷ୍ଟ୍ରୋକ ହୋଇଥିବାବେଳେ ୧୫ ପ୍ରତିଶତ ଲୋକଙ୍କୁ ହେମେର୍ହେଜିକ ଷ୍ଟ୍ରୋକ ହୋଇଥାଏ | ସାରା ବିଶ୍ୱରେ ମୃତ୍ୟୁ ସଂଖ୍ୟା ବଢିବାର ଏହା ହେଉଛି ଦ୍ୱିତୀୟ କାରଣ |

୯ଟି ୟୁରୋପିଆନ ଦେଶ ଯଥା ଡେ଼ନମାର୍କ, ଜର୍ମାନୀ, ଗ୍ରୀସ, ଇଟାଲୀ, ନେଦରଲ୍ୟାଣ୍ଡ, ନରୱେ, ସ୍ପେନ, ସ୍ୱିଡ଼େନ ଓ ଇଂଲଣ୍ଡରେ ୪ ଲକ୍ଷ ୧୮ ହଜାର ୩୨୯ ଜଣ ପୁରୁଷ ଓ ମହିଳାଙ୍କ ଏହି ରିସର୍ଚ୍ଚ ହୋଇଥିଲା | 

ଗବେଷଣା କରାଯାଇଥିବା ପୁରୁଷ ଓ ମହିଳାଙ୍କୁ ପଚରାଯାଇଥିବା ସମସ୍ତ ପ୍ରଶ୍ନର ଉତ୍ତର ସେମାନେ ଦେଇଥିଲେ | ସେମାନଙ୍କୁ ତାଙ୍କ ଡାଏଟ, ଲାଇଫ ଷ୍ଟାଇଲ, ମେଡିକାଲ ହିଷ୍ଟ୍ରୀ ଏବଂ ସୋସିଓ-ଡେମୋଗ୍ରାଫିକ ଫ୍ୟାକ୍ଟର ସମ୍ପର୍କରେ ପଚାର ଯାଇଥିଲା | 

ଏଥିମଧ୍ୟରୁ ୪୨୮୧ ଜଣଙ୍କୁ ଇକ୍ୱେମିକ ଷ୍ଟ୍ରୋକ ଏବଂ ୧୪୩୦ ଜଣଙ୍କୁ ହେମେର୍ହେଜିକ ଷ୍ଟ୍ରୋକ ହୋଇଥିବା ଜଣାପଡିଥଲା |

   Related Posts