Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ମୁନିଗୁଡା : ମାଲବାହୀ ଟ୍ରେନ୍‌ର ୪ଟି ବଗି ଲାଇନଚ୍ୟୁତ, ରାୟଗଡା-ଟିଟିଲାଗଡ ମଧ୍ୟରେ ରେଳ ଚଳାଚଳ ବାଧାପ୍ରାପ୍ତ
  • ||
  • ଭୁବନେଶ୍ବର : ପିପିଲି ଉପନିର୍ବାଚନ ପାଇଁ ପ୍ରତାପ ଦେବଙ୍କୁ ପର୍ଯ୍ୟବେକ୍ଷକ ଦାୟିତ୍ବ ଦେଲା ବିଜେଡି
  • ||
  • କୋରାପୁଟ : ଘାଟିରେ ସିରିଜ୍ ଦୁର୍ଘଟଣା, ତେଲ ଟ୍ୟାଙ୍କରକୁ ପିଟିଲା ଟ୍ରକ୍, ବ୍ରେକ୍ ଫେଲ୍ ହେବାରୁ ଟ୍ରକ୍କୁ ଧକ୍କାଦେଲା ପିକଅପ୍ ଭ୍ୟାନ୍
  • ||
  • ରାଉରକେଲା : ଯୁବକଙ୍କ ଗଳିତ ମୃତଦେହ ଉଦ୍ଧାର, ଶନିବାର ରାତିରୁ ଥିଲେ ନିଖୋଜ, ହତ୍ୟା ଅଭିଯୋଗ ଆଣିଲେ ପରିବାର
  • ||
  • ରାଜ୍ୟରେ ଚିହ୍ନଟ ହେଲେ ଆଉ ୧୧୩ କୋଭିଡ୍ ପଜିଟିଭ୍‌, ୩୩୪୭୮୦ରେ ପହଞ୍ଚିଲା ଆକ୍ରାନ୍ତଙ୍କ ସଂଖ୍ୟା
  • ||
  • ଜଗତସିଂହପୁର : ବ୍ୟାଙ୍କ୍ ଲୁଟ୍ ଉଦ୍ୟମ ପଣ୍ଡ, ଆଲମିରାରେ ନିଆଁ ଲାଗି ପୋଡିଗଲା ବହୁ ଗୁରୁତ୍ବପୂର୍ଣ୍ଣ କାଗଜପତ୍ର
  • ||
  • ଯାଜପୁର : ରାସ୍ତାକଡରୁ ରମାଦେବୀ ଛାତ୍ରୀଙ୍କ ମୃତଦେହ ମିଳିବା ଘଟଣାରେ ୨ ଅଭିଯୁକ୍ତକୁ ଚିହ୍ନଟ କଲା ପୋଲିସ
  • ||
  • ଆଠମଲ୍ଲିକ : ବାରହା ଶିକାର ପାଇଁ ବିଦ୍ୟୁତ୍ ତାର ବିଛାଇଥିଲେ, ସଂସ୍ପର୍ଶରେ ଆସି ଚାଲିଗଲା ନିଜ ଜୀବନ
  • ||
  • ସୋର : ଖେଳୁଥିବା ବେଳେ ୩ବର୍ଷର ଶିଶୁ ଉପରେ ମାଡିଗଲା ଟ୍ରକ୍, ଘଟଣାସ୍ଥଳରେ ମୃତ୍ୟୁ
  • ||
  • ନୂଆଦିଲ୍ଲୀ : ଭାରତ ପୁଣି ବଢାଇଲା ସହଯୋଗର ହାତ, ବାହାରିନ୍‌ ଓ ଶ୍ରୀଲଙ୍କାକୁ ପଠାଇଲା କୋଭିସିଲ୍ଡ ଟିକା
  • ||

ସାଧାରଣ ଜନତାଙ୍କୁ ଝଟ୍‌କା : ଫଳ, ପନିପରିବା ସହ ମହଙ୍ଗା ହେବ ଦୈନନ୍ଦିନ ବ୍ୟବହାର୍ଯ୍ୟ ସାମଗ୍ରୀ !

22/07/2020 at 3:37 PM

ନୂଆଦିଲ୍ଲୀ ୨୨/୦୭ : କରୋନା କାଳରେ ଦେଶରେ ଆର୍ଥିକ ସଙ୍କଟ ଦେଖାଦେଇଛି | ଟ୍ରକରେ ମାଲ ପରିବହନ ଭଡା ୨୦ ପ୍ରତିଶତ ବଢିପାରେ | ଡିଜେଲ ଦର ବୃଦ୍ଧି ଯୋଗୁଁ ମାଲ ପରିବହନ ଭଡା ବୃଦ୍ଧି ପାଇପାରେ | ଯଦି ଏହିଭଳି ହୁଏ ତାହେଲେ ଏହାର ପ୍ରଭାବ ଜନତାଙ୍କ ଉପରେ କିଭଳି ପଡିବ ତାହା ସ୍ପଶ ଜଣାପଡୁଛି | ଟମାଟୋ ପରେ ଅନ୍ୟାନ୍ୟ ପନିପରିବା ସହ ଦୈନନ୍ଦିନ ବ୍ୟବହାର୍ଯ୍ୟ ସାମଗ୍ରୀ ଦାମ ମଧ୍ୟ ବୃଦ୍ଧି ପାଇପାରେ | ଟ୍ରକ ପରିଚାଳକଙ୍କ ଗୋଟିଏ ୟୁନିୟନ କହିଛି ଯେ ଯଦି ଇନ୍ଧନ ମୂଲ୍ୟ ଦୈନିକ ଆଧାରରେ ବୃଦ୍ଧି ପାଏ ତାହେଲେ ଭଡା ୨୦ ପ୍ରତିଶତ ବଢିବ | ପ୍ରତିମାସର ଡିଜେଲ ଦର ସମୀକ୍ଷା କରିବାକୁ ୟୁନିୟନ ଦାବି କରିଛି |

ଫଳ, ପନିପରିବା, ଏଫଏମସିଜି ସାମଗ୍ରୀ ମଧ୍ୟ ମହଙ୍ଗା ହୋଇପାରେ | ମାଲ ପରିବହନ ଭଡା ବୃଦ୍ଧି ହେଲେ ଫଳ, ପନିପରିବା ମହଙ୍ଗା ହେବା ସୁନିଶ୍ଚିତ | ଏଫଏମସିଜି ସାମଗ୍ରୀ ମଧ୍ୟ ମହଙ୍ଗା ହୋଇପାରେ | ଏହାର ପ୍ରଭାବ ସାରା ଦେଶରେ ପଡିବ | ଅନ୍ୟ ବସ୍ତୁ ତୁଳନାରେ ଫଳ, ପନିପରିବା ମୂଲ୍ୟ ବୃଦ୍ଧି ଅଧିକ ହୋଇଥାଏ | କାରଣ ଅଲଗା ଅଲଗା ଚାଷୀଙ୍କ ପାଖରେ କମ ମାତ୍ରରେ ଫଳ ଓ ପନିପରିବା ଥାଏ | ବଡ କମ୍ପାନୀ ତୁଳନାରେ ନିଜ ଉତ୍ପାଦ ମଣ୍ଡି ଯାଏଁ ପହଞ୍ଚାଇବାକୁ ଚାଷୀଙ୍କୁ ଅଧିକ ଖର୍ଚ୍ଚ କରିବାକୁ ପଡିଥାଏ | ଫଳ ମାମଲାରେ ପରିସ୍ଥିତି ଟିକିଏ ଭିନ୍ନ | ଫଳ ବିଭିନ୍ନ ରାଜ୍ୟରୁ ପ୍ରଥମେ ଦିଲ୍ଲୀକୁ ଅଣାଯାଇଥାଏ | ଏହାପରେ ସାରା ଦେଶରେ ବିତରଣ କରାଯାଇଥାଏ | ସେଥିପାଇଁ ପରିବହନ ଭଡା ବଢିଲେ ଫଳ ଦାମ ମଧ୍ୟ ବଢିପାରେ |

କିଛି ଦିନ ପୂର୍ବରୁ ଦିଲ୍ଲୀରେ ଟମାଟୋ କିଲୋ ୧୦-୧୫ ଟଙ୍କା ଥିଲାବେଳେ ବର୍ତ୍ତମାନ ୮୦-୧୦୦ ଟଙ୍କା ରହିଛି | ବର୍ତ୍ତମାନ ଆଳୁ ଅନ୍ୟାନ୍ୟ ପନିପରିବା ମଧ୍ୟ ଟମାଟୋ ପଛେ ପଛେ ଚାଲିବା ଆରମ୍ଭ କରିଛନ୍ତି | ଟମାଟୋ ସହ ଏବେ ଅନ୍ୟ ପନିପରିବା ମଧ୍ୟ ମହଙ୍ଗା ହୋଇଛି |

ଅଲ ଇଣ୍ଡିଆ ମୋଟର୍ସ ଟ୍ରାନ୍ସପୋର୍ଟ କଂଗ୍ରେସର ପୂର୍ବତନ ଅଧ୍ୟକ୍ଷ ଓ କୋର କମିଟି ଅଧ୍ୟକ୍ଷ ବାଲ ମଲକିତ ସିଂହ କହିଛନ୍ତି ଯେ ଡିମାଣ୍ଡ ପୂର୍ବରୁ କମ ଅଛି ଏବଂ ପାଖାପାଖି ୫୫ ପ୍ରତିଶତ ବାହନ ଛିଡା ହୋଇଛନ୍ତି | ଏହିଭଳି ପରିସ୍ଥିତିରେ ଏହାକୁ ଜାରି ରଖିବା ମୁସକିଲ | କାରଣ କରୋନା ଭାଇରସ ଯୋଗୁଁ ଦେଶରେ ଲାଗୁ ହୋଇଥିବା ଲକଡାଉନ ଯୋଗୁଁ ସଡକ ପରିବହନ କ୍ଷେତ୍ର ବହୁତ କ୍ଷତିଗ୍ରସ୍ତ ହୋଇଛି | ସେ କହିଛନ୍ତି ଏହିଭଳି ପରିସ୍ଥିତିରେ ଟ୍ରକ ପରିଚାଳନା ବଞ୍ଚାଇ ରଖିବା ପାଇଁ ଆଜି ନହେଲେ କାଲି ନିଶ୍ଚୟ ଭଡା ବୃଦ୍ଧି କରିବାକୁ ହେବ | ବର୍ତ୍ତମାନ ପରିସ୍ଥିତିରେ ବ୍ୟବସାୟକୁ ବଞ୍ଚାଇ ରଖିବା ପାଇଁ ମାଲ ଭଡା ୨୦ ପ୍ରତିଶତ ବଢାଇବା ଜରୁରୀ ହୋଇପଡିଛି |

   Related Posts