୨୪/୨: ଆଜିଠୁ ଭାରତ ଓ ଅଷ୍ଟ୍ରେଲିଆ ଟି-ଟ୍ବେଣ୍ଟି ସିରିଜ୍ । ୨ ମ୍ୟାଚ୍ ବିଶିଷ୍ଟ ଟି-ଟ୍ବେଣ୍ଟି ସିରିଜର ପ୍ରଥମ ମ୍ୟାଚ୍ ଆଜି ବିଶାଖାପଟ୍ଟନମରେ ଖେଳାଯିବ । ଆସନ୍ତା ମେ ମାସରେ ଇଂଲଣ୍ଡରେ ହେବାକୁ ଥିବା ବିଶ୍ୱକପ୍ ପୂର୍ବରୁ ଭାରତ ପାଇଁ ଏହା ଶେଷ ସିରିଜ୍ । ତେଣୁ ଏହି ସିରିଜ୍ ଜିତି ଭାରତ ବିଶ୍ୱକପ୍ ପ୍ରସ୍ତୁତିରେ ମୋହର ଲଗାଇବାକୁ ଚେଷ୍ଟା କରିବ ।
କଙ୍ଗାରୁ ଦଳକୁ ହରାଇବା ପାଇଁ ଭାରତୀୟ କ୍ରିକେଟ୍ ଖେଳାଳି ଜୋରସୋରରେ ପ୍ରସ୍ତୁତି ଚଳାଇଛନ୍ତି। ଏହାସହ ଅଷ୍ଟ୍ରେଲିଆ ବିପକ୍ଷରେ ଭାରତ ୫ଟି ଦିନିକିଆ ମ୍ୟାଚ୍ ମଧ୍ୟ ଖେଳିବ । ମ୍ୟାଚ୍ ପାଇଁ ଧୋନୀ ଜୋରଦାର୍ ଅଭ୍ୟାସ କରିଛନ୍ତି । ସେପଟେ କୋହଲି ୩ ସପ୍ତାହର ବ୍ରେକ୍ ପରେ ଟିମ୍ କୁ ଫେରିଛନ୍ତି ।ଏହା ପରେ ଫେବୃଆରୀ ୨୭ରେ ଦ୍ଵିତୀୟ ଟି-୨୦ ମ୍ୟାଚ୍ ଖେଳାଯିବ। ଏହା ପରେ ଦୁଇ ଦଳ ମଧ୍ୟରେ ପାଞ୍ଚ ମ୍ୟାଚ୍ ବିଶିଷ୍ଟ ଦିନିକିଆ ସିରିଜ୍ ଆରମ୍ଭ ହେବ।