ନୂଆଦିଲ୍ଲୀ ୮/୯: ଚନ୍ଦ୍ରଯାନର ଲାଣ୍ଡର ବିକ୍ରମ ସହ ଯୋଗାଯୋଗ ହୋଇପାରିନି, କିନ୍ତୁ ଏବେବି ଆଶା ମଉଳିନି ।ଇସ୍ରୋ ଅଧ୍ୟକ୍ଷ କେ. ଶିବନ କହିଛନ୍ତି ଆସନ୍ତା ୧୪ଦିନ ପର୍ଯ୍ୟନ୍ତ ବିକ୍ରମ ସହ ପୁଣିଥରେ ସଂପର୍କ କରିବାକୁ ଚେଷ୍ଟା ଜାରି ରହିବ । ଚନ୍ଦ୍ରାବତରଣ ଅସଫଳ ନେଇ ସାମାନ୍ୟ ନିରାଶ ଦେଖା ଦେଇଥିବା ବେଳେ ଇସ୍ରୋ ପୁଣି ଆଶା ଦେଖାଇଛି । ଇସ୍ରୋର ବୈଜ୍ଞାନିକମାନେ ଏବେବି ଲାଗିଛନ୍ତି । ଯେହେତୁ ଲାଣ୍ଡର ବିକ୍ରମର କାର୍ଯ୍ୟ ଅବଧି ୧୪ଦିନ ଥିଲା ।
{"id":154647}ତେଣୁ ଆସନ୍ତା ୧୪ଦିନ ପର୍ଯ୍ୟନ୍ତ ଇସ୍ରୋର ବୈଜ୍ଞାନିକମାନେ ଏହା ସହ ଯୋଗାଯୋଗ କରିବାକୁ ସବୁ ରକମ ଚେଷ୍ଟା କରୁଛନ୍ତି । ଚନ୍ଦ୍ରପୃଷ୍ଠଠାରୁ ପ୍ରାୟ ୨କିଲୋମିଟର ଦୂରରେ ବିକ୍ରମ ସହ ସଂପର୍କ ଛିନ୍ନ ହୋଇ ଯାଇଥିଲା । ସେପର୍ଯ୍ୟନ୍ତ ବିକ୍ରମ ପଠାଇଥିବା ସମସ୍ତ ଡାଟାକୁ ତର୍ଜମା କରାଯାଉଛି ।କେ. ଶିବନ କହିଛନ୍ତି ଚନ୍ଦ୍ରଯାନ-୨ ମିଶନ ୯୫ପ୍ରତିଶତ ସଫଳ ରହିଛି । ସବୁଠୁ ବଡ କଥା ଚନ୍ଦ୍ରଯାନର-୨ର ଅରବିଟର ସାଢେ ୭ବର୍ଷ ପର୍ଯ୍ୟନ୍ତ କାର୍ଯ୍ୟକ୍ଷମ ରହିବ ।
{"id":154648}ତେଣୁ ଚନ୍ଦ୍ର ସଂପର୍କରେ ଅନେକ ତଥ୍ୟ ମିଳିପାରିବ ।ଅରବିଟରରେ ଲାଗିଥିବା ଯନ୍ତ୍ରାଂଶ ଚନ୍ଦ୍ରରେ ପାଣିର ସନ୍ଧାନ କରିବ । ଇସ୍ରୋର ଉଦ୍ୟମକୁ ନାସା ମଧ୍ୟ ପ୍ରଶଂସା କରିଛି । ଏହି ଅବସରରେ କେ. ଶିବନ କହିଛନ୍ତି ଗଗନାୟନ ସମେତ ଇସ୍ରୋର ସମସ୍ତ ଅନ୍ତରୀକ୍ଷ ମିଶନ ଠିକ ସମୟରେ ଶେଷ କରିବାକୁ ଚେଷ୍ଟା ଚାଲିଛି ।