ବୁନ୍ଦୀ ୨୪/୩-ସାଙ୍ଗ ସାଜିଲା ସାଙ୍ଗର ବଇରୀ । ଘରୁ ଡ଼ାକିନେଇ ସାଙ୍ଗକୁ ହତ୍ୟା କରିବା ଘଟଣା ଖେଲାଇ ଦେଇଛି ଚାଂଚଲ୍ୟ ।
ଏହି ଅଭାବନୀୟ ଘଟଣା କୋଟା ଭୀମଗଂଜମଣ୍ଡି ଇଲାକାରେ । କରଣ ବାଲ୍ମୀକି ନାମକ ଜଣେ ଯୁବକ ନିଖୋଜ ହେବା ଥାନାରେ ଅଭିଯୋଗ ଆଣିଥିଲେ ପରିବାର ଲୋକ । କାହାସହ ଶତ୍ରୁତା ନଥିବା କରଣକୁ ସାଙ୍ଗମାନେ ଡ଼ାକି ନେଇଥିବା କରଣଙ୍କ ବାପା ଥାନାରେ କରିଥିଲେ ଅଭିଯୋଗ ।
୧୧ ଦିନ ପରେ ଭୀମଗଂଜଗଣ୍ଡିରେ ଏକ ପରିତ୍ୟକ୍ତ ପୋଖରୀରେ କରଣର ଶବ ଭାସୁଥିବା ଗାଁଲୋକ ଦେଖିବାକୁ ପାଇଥିଲେ । ଏହି ଖବର ପରିବାରଲୋକଙ୍କୁ ଦିଆଯିବା ପରେ ଶବକୁ ଚିହ୍ନଟ କରିବା ସହ କେହି ହତ୍ୟା କରିଥିବା ସନ୍ଦେହକୁ ଆଣିଥିଲେ ।
ଏହି ଘଟଣାରେ ପରିବାରଲୋକ ଥାନାରେ କରଣର କିଛି ସାଙ୍ଗଙ୍କ ନାଁରେ ସନ୍ଦେହ ଅଭିଯୋଗ ଆଣିଥିଲେ । ପରିବାରଲୋକଙ୍କ ଅଭିଯୋଗକୁ ଭିତ୍ତିକରି କରଣର ସାଙ୍ଗ ଆକାଶ, ରୋହିତ, ଆଶିଷ, ସୋନୁକୁ ଡ଼ାକି ପଚରାଉଚରା କରିଥିଲା ପୋଲିସ ।
କରଣକୁ ସେମାନେ ହତ୍ୟା କରିଥିବା କଥା ପୋଲିସ ଜାଣିବାକୁ ପାଇଥିଲା । ସେମାନଙ୍କୁ ଗିରଫ କରି କୋର୍ଟ ଚାଲଣ କରିଛି ପୋଲିସ ।
