ନୂଆଦିଲ୍ଲୀ ୦୧/୧୧: ବାହାଘର ପୂର୍ବରୁ ସାଙ୍ଗର ପ୍ରେମିକା ସହ ଫେରାର । ବାହାଘର ଥିଲା ଆଉ ୧୫ ଦିନ । ଘରେ ଟେଣ୍ଟ୍ ବନ୍ଧା ଆରମ୍ଭ ହୋଇଯାଇଥିଲା । ଭୋଜିଭାତ ପାଇଁ ଦିଆ ସରିଥିଲା ଆଡଭାନ୍ସ୍ । କୁଣିଆ ବି ଆସିବା ଆରମ୍ଭ କରିସାରିଥିଲେ । କିନ୍ତୁ ସବୁ କିଛି ବଦଳିଗଲା । ସାଙ୍ଗର ପ୍ରେମିକାକୁ ଧରି ଫେରାର ହୋଇଗଲା ପୁଅ । ତେବେ ପୋଲିସ ତୁରନ୍ତ ପଦକ୍ଷେପ ନେଇ ଉଭୟଙ୍କୁ ଧରିବାରେ ସଫଳ ହୋଇଥିଲା । ଏପରି ଘଟଣା ସାମ୍ନାକୁ ଆସିଛି ରାଜସ୍ଥାନର ଯୋଧପୁରରେ ।
ପୋଲିସର କହିବାନୁସାରେ, ଏହି ଯୋଧପୁରର ରାତାନାଡ ଜିଲ୍ଲାରେ ଘଟିଛି । ଏଠାରେ ରହୁଥିବା ଜଣେ ବ୍ୟକ୍ତି ନିଜ ଝିଅ ନିଖୋଜ ଥିବା ଅଭିଯୋଗ କରିଥିଲେ । ଯୁବତୀଜଣଙ୍କ ନର୍ସିଂ କରୁଥିଲେ । କିନ୍ତୁ ଗତ ଶୁକ୍ରବାରଠୁ ସେ ଘରକୁ ଆସିନଥିଲେ । ତଦନ୍ତ ପରେ ଯୁବତଜଣଙ୍କ ପାବୁପୁରାରେ ରହୁଥିବା ବାଦଲ ନାୟକ ସହ ଫେରାର ହୋଇଯାଇଥିବା ଜଣାପଡିଥିଲା । ତୁରନ୍ତ ମୋବାଇଲ ଟ୍ରାକିଂ ବାଦଲ ଓ ଯୁବତୀଙ୍କୁ ଥାନାକୁ ଆଣିଥିଲା । ସେମାନେ ବିବାହ କରିବାକୁ ଚାହୁଁଥିଲେ କିନ୍ତୁ ଶନିବାର ଥିବାରୁ ବାହାହୋଇ ପାରିନଥିଲେ ।
{"id":536603,"sizeSlug":"full","linkDestination":"none"}ପୋଲିସ ଆହୁରି କହିଛି ଯେ, ବାଦଲ ଯେଉଁ ଯୁବତୀଙ୍କୁ ଧରି ଫେରାର ହୋଇଯାଇଥିଲେ ସେ ତାର ସବୁଠାରୁ ଭଲ ବନ୍ଧୁର ପୂର୍ବତନ ପ୍ରେମିକା । ଉଭୟଙ୍କ ମଧ୍ୟରେ କୌଣସି କାରଣରୁ ମତାନ୍ତର ଘଟିଥିଲା । ଧିରେଧିରେ ଯୁବତୀଜଣଙ୍କ ବାଦଲକୁ ଭଲ ପାଇ ବସିଥିଲେ । ଏକଥା ସେ ବାଦଲକୁ କହିବା ପରେ ବାଦଲ ଖୁସି ହୋଇଯାଇଥିଲା । ସେମାନେ ବିବାହ କରିବାକୁ ସ୍ଥିର କରିଥିଲେ । ଗତ ୬ ବର୍ଷ ଧରି ସେମାନଙ୍କ ମଧ୍ୟରେ ସମ୍ପର୍କ ଥିଲା ।
କିନ୍ତୁ ବାଦଲର ବିବାହ ଘର ଲୋକେ ସ୍ଥିର କରିଦେଇଥିଲେ । ସେ ବିବାହରେ ଖୁସି ନଥିଲେ ବି ଘରେ କହିପାରିନଥିଲା । ତାର ବାହାଘର ନଭେମ୍ବର ୧୪ରେ ହୋଇଥାନ୍ତା । ତା ପୂର୍ବରୁ ସେମାନେ ଫେରାର ହୋଇଯାଇଥିଲେ । ବାଦଲ ଥାନାକୁ ଆସିବା ପରେ ଭାବି ଶ୍ୱଶୂର ଘର ଲୋକେ ଠକେଇ ଅଭିଯୋଗ ଆଣିଛନ୍ତି । ଭାବିପତ୍ନୀ ମଧ୍ୟ ତାକୁ ଥାନାରେ ପିଟିଥିବା ଜଣାପଡିଛି । ପୋଲିସ ଧୋକା ଓ ଠକେଇ ମାମଲା ରୁଜୁ କରି ତଦନ୍ତ ଆରମ୍ଭ କରିଛି ।