Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଭାଙ୍ଗିଲା ୩୩ ବର୍ଷର ରେକର୍ଡ୍‌ : ବ୍ରିସବେନ ଟେଷ୍ଟରେ ଭାରତର ଐତିହାସିକ ବିଜୟ, ଅଷ୍ଟ୍ରେଲିଆକୁ ୩ ଓ୍ବିକେଟ୍‌ରେ ହରାଇ ସିରିଜ କବଜା କଲା ଟିମ୍ ଇଣ୍ଡିଆ
  • ||
  • ମାଲକାନଗିରି : ସୀମାନ୍ତରେ ଏନ୍‌କାଉଣ୍ଟର, ୧୦ରୁ ଅଧିକ ମାଓ କ୍ୟାମ୍ପ ଧ୍ୱଂସ
  • ||
  • ସମ୍ବଲପୁର : ଫୋକସ୍‌ରେ ପଶ୍ଚିମ ଓଡିଶା, ମା’ ସମଲେଶ୍ବରୀଙ୍କ ମନ୍ଦିର ବୁଲି ସମୀକ୍ଷା କଲେ 5-T ସଚିବ
  • ||
  • ଭାଙ୍ଗିଲା ୩୩ ବର୍ଷର ରେକର୍ଡ୍‌ : ବ୍ରିସବେନ ଟେଷ୍ଟରେ ଅଷ୍ଟ୍ରେଲିଆକୁ ୩ ଓ୍ବିକେଟ୍‌ରେ ହରାଇ ସିରିଜ କବଜା କଲା ଟିମ୍ ଇଣ୍ଡିଆ
  • ||
  • ହାଇଦ୍ରାବାଦ : ପାଠ ପଢୁନଥିଲା ବୋଲି ୧୦ ବର୍ଷର ପୁଅକୁ ଜିଅନ୍ତା ଜାଳିଦେଲା ବାପା, ପୋଡିଯାଇଛି ଶରୀରର ୬୫ ଭାଗ
  • ||
  • ବଡବିଲ : ନର୍ଭେରାମ ଖଣି କାର୍ଯ୍ୟାଳୟରେ ଆୟକର ଚଢାଉ, ବିଭିନ୍ନ କାଗଜପତ୍ରର ଯାଞ୍ଚ
  • ||
  • ଭୁବନେଶ୍ବର : ରାଜ୍ୟରେ ଆଉ ଜଣେ କରୋନା ସଂକ୍ରମିତ ପ୍ରାଣ ହରାଇଲେ, ୧୯୦୨ ଛୁଇଁଲା ମୃତକଙ୍କ ସଂଖ୍ୟା
  • ||
  • ରାଜ୍ୟରେ ଚିହ୍ନଟ ହେଲେ ଆଉ ୧୨୨ କୋଭିଡ୍ ସଂକ୍ରମିତ, ୩୩୩୫୬୬ରେ ପହଞ୍ଚିଲା ଆକ୍ରାନ୍ତଙ୍କ ସଂଖ୍ୟା
  • ||
  • ସୋର : ରାସ୍ତାରେ ଠିଆ ହୋଇଥିବା ଟ୍ରକ୍‌କୁ ପଛରୁ ଧକ୍କା ଦେଲା ବସ୍, ୫ ଯାତ୍ରୀ ଗୁରୁତର
  • ||
  • ଯାଜପୁର : ରାସ୍ତା ପାର ହେଉଥିବା ବେଳେ ମାଡିଗଲା ଟ୍ରାକ୍ଟର, ଚାଲିଗଲା ବୃଦ୍ଧାଙ୍କ ଜୀବନ
  • ||

ଟିଭି ରିମୋଟ୍ ପାଇଁ ସାଙ୍ଗର ବେକ କାଟିଦେଲା ସାଙ୍ଗ

14/01/2020 at 1:37 PM

ଚିତ୍ରକୋଣ୍ଡା ୧୪।୧: ମାଲକାନଗିରି ଜିଲ୍ଲା ଚିତ୍ରକୋଣ୍ଡା ବ୍ଲକ୍ ଅନ୍ତର୍ଗତ ରାଙ୍ଗିନିଗୁଡା ଗାଁରେ ଘଟିଛି ଏକ ଅଭାବନୀୟ ଘଟଣା । ଟିଭି ରିମୋଟ୍ ପାଇଁ ଗଲା ଜୀବନ । ସାଙ୍ଗର ଆକ୍ରମଣରେ ସାଙ୍ଗଙ୍କ ମୃତ୍ୟୁ ହୋଇଥିବା ଅଭିଯୋଗ ହୋଇଛି । ଅଭିଯୁକ୍ତକୁ ଅଟକ ରଖି ପଚରାଉଚରା କରୁଛି ପୋଲିସ ।

ସୂଚନାଯୋଗ୍ୟ ଯେ, ଗତକାଲି ଆଦିବାସୀଙ୍କ ପୁଷ୍ ପର୍ବ ଚାଲିଲା ବେଳେ ସମସ୍ତେ ଘର ବାହାରେ ନାଚ ଗୀତରେ ମସଗୁଲ୍ ହୋଇଯାଇଥିଲେ । ମହେଶ୍ବର ଓ ଜଗବନ୍ଧୁ ଏହି ଗାଁରେ ପୁଷ୍ ପର୍ବ ପାଇଁ କୁଡୁମୁଲୁ ଗୁମାରୁ ବୁଲିବାକୁ ଆସିଥିଲେ । ସମସ୍ତେ ନାଚ ଗୀତରେ ମସଗୁଲ୍ ଥିଲାବେଳେ ଏହି ଦୁଇ ସାଙ୍ଗ ଘର ଭିତରେ ଟିଭି ଦେଖୁଥିଲେ । ଜଣେ ବନ୍ଧୁ ଅନ୍ୟ ଜଣେ ସାଙ୍ଗଙ୍କୁ ରିମୋଟ୍ ମାଗିଥିଲେ । ଏହାପରେ ଦୁହିଁଙ୍କ ଭିତରେ ଝଗଡା ହୋଇଥିଲା । ମହେଶ୍ବର ପାଖରେ ଥିବା ଧାରୁଆ ଅସ୍ତ୍ରରେ ଜଗବନ୍ଧୁଙ୍କ ବେକକୁ ଚୋଟ ମାରିଥିଲେ । ସେହି ଚୋଟରେ ଜଗବନ୍ଧୁଙ୍କ ବେକ କଟି ଯାଇଥିଲା । ସେହି ସ୍ଥାନରେ ମହେଶ୍ବର ଜଗବନ୍ଧୁଙ୍କୁ ଚଟାଣରେ ଶୁଆଇ ଦେଇ ଗାଁରୁ ନିଖୋଜ ହୋଇଯାଇଥିଲେ । ଘର ଭିତରେ ରକ୍ତ ଜୁଡୁ ବୁଡୁ ଅବସ୍ଥାରେ ଜଗବନ୍ଧୁଙ୍କୁ ଦେଖିଥିଲେ ।

ପରେ ଗାଁ ଲୋକେ ମିଶି ମହେଶ୍ବରଙ୍କୁ ଧରିଆଣି ପୋଲିସକୁ ହସ୍ତାନ୍ତର କରିଥିଲେ । ପରେ ଗାଁ ଲୋକେ ମିଶି ଅଭିଯୁକ୍ତଙ୍କ ନାଁରେ ଚିତ୍ରକୋଣ୍ଡା ଥାନାରେ ଅଭିଯୋଗ କରିଛନ୍ତି । ଅଭିଯୁକ୍ତ ଜଣଙ୍କ ଗୁମ୍ମା ପଞ୍ଚାୟତ ଅନ୍ତର୍ଗତ ମୁଡୁଲିଗୁଡ଼ା ଗ୍ରାମର ମହେଶ୍ବର ହନ୍ତାଳ ବୋଲି ଜଣାପଡିଛି । ବର୍ତ୍ତମାନ ଅଭିଯୁକ୍ତଙ୍କୁ ଅଟକ ରଖି ପୋଲିସ ପକ୍ଷରୁ ପଚରାଉଚରା ଜାରି ରହିଛି । ପୋଲିସ ଶବକୁ ଜବତ କରି ବ୍ୟବଚ୍ଛେଦ ପାଇଁ ଚିତ୍ରକୋଣ୍ଡା ଗୋଷ୍ଠୀ ସ୍ବାସ୍ଥ୍ୟକେନ୍ଦ୍ରକୁ ପଠାଇଛି ।

   Related Posts