Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ପରଲୋକରେ ରାଜ୍ୟସଭା ସାଂସଦ ରଘୁନାଥ ମହାପାତ୍ର
  • ||
  • ଦୁର୍ଘଟଣାରେ କେନ୍ଦ୍ରମନ୍ତ୍ରୀ ପ୍ରତାପ ଷଡ଼ଙ୍ଗୀ ଆହାତ, ମନ୍ତ୍ରୀଙ୍କ କାର୍‌କୁ ପିଟିଲା ଟ୍ରାକ୍ଟର
  • ||
  • କମୁନି ସଂକ୍ରମଣ : ଆଜି ବି ଦେଶରେ ୪ ଲକ୍ଷରୁ ଅଧିକ ପଜିଟିଭ୍ ଚିହ୍ନଟ, ୪୦୯୨ ମୃତ
  • ||
  • ଦନ୍ତାକୁ ଧକ୍କା ଦେଲା ମାଲବାହୀ ଟ୍ରେନ୍, ଗୋଡରେ ଲାଗିଛି ଶକ୍ତ ଆଘାତ
  • ||
  • ରାଜ୍ୟରେ କରୋନା ନେଲା ଆଉ ୧୯ଜଣଙ୍କ ଜୀବନ, ୨୧୮୦ରେ ପହଞ୍ଚିଲା ମୃତ୍ୟୁସଂଖ୍ୟା
  • ||
  • ୧୦ ହଜାର ଉପରେ କରୋନା ସଂକ୍ରମଣ, ରାଜ୍ୟରେ ଗତ ୨୪ଘଣ୍ଟାରେ ବାହାରିଲେ ୧୦,୬୩୫ ପଜିଟିଭ୍
  • ||
  • କମିଛି ତାତି, ୨ ଦିନ ପରେ ପୁଣି ବଢିବ ସୂର୍ଯ୍ୟଙ୍କ ପ୍ରକୋପ
  • ||

ଯୁବତୀଙ୍କ ସହ ଫେସ୍‌ବୁକ୍‌ରେ ବନ୍ଧୁତା – ଜନ୍ମ ଦିନରେ ହତ୍ୟା, ଜାଣନ୍ତୁ କାହିଁକି ଓ କିପରି

13/11/2019 at 6:48 PM

ନୂଆଦିଲ୍ଲୀ୧୩/୧୧: ଏକ ଅଭାବନୀୟ ଘଟଣା ସାମ୍ନାକୁ ଆସିଛି। ଏକ ଜନ୍ମଦିନ ଉତ୍ସବ ଅବସରରେ ଜଣେ ବ୍ୟକ୍ତି ତାଙ୍କ  ଯୁବତୀ ବନ୍ଧୁଙ୍କୁ ହତ୍ୟା କରିଛି। ହୋଟେଲରୁ  ଯୁବତୀଙ୍କ ଶବକୁ ପୋଲିସ ଉଦ୍ଧାର କରିଛି। ମୃତ  ଯୁବତୀଙ୍କ ନାକ ଓ ପାଟିରୁ ରକ୍ତ ବାହାରୁଥିବା ଅବସ୍ଥାରେ ପୋଲିସ ଶବକୁ ଉଦ୍ଧାର କରିଛି। ଏଥିସହ ଅଭିଯୁକ୍ତକୁ ମଧ୍ୟ ଚିହ୍ନଟ ହୋଇଛି।

ପୋଲିସ ଅଧିକାରୀଙ୍କ କହିବା ଅନୁସାରେ ଅଭିଯୁକ୍ତର ନାଁ ବିକି। ଜନ୍ମଦିନ ପାଇଁ ବିକି ଏକ ହୋଟେଲ ବୁକିଂ କରିଥିଲା। ଏକ ବର୍ଷ ତଳେ ଫେସବୁକ୍‌ରେ ମୃତ  ଯୁବତୀଙ୍କ ସହ ବିକି ବନ୍ଧୁତା ସ୍ଥାପନ କରିଥିଲା। ବିକିର ଜନ୍ମ ଦିନରେ ହୋଟେଲକୁ ତାର  ଯୁବତୀ ସାଙ୍ଗକୁ ନିମନ୍ତ୍ରଣ କରିଥିଲା। ବିକି ଓ ତାର  ଯୁବତୀ ବନ୍ଧୁ ମିଶି ହୋଟେଲରେ ମଦ ପିଉଥିବା ସମୟରେ ଏଭଳି ଅଘଟଣ ଘଟିଛି। ଅଭିଯୁକ୍ତ ବିକି କହିବା ଅନୁସାରେ ଉଭୟ ମିଶି ମଦ ପିଉଥିବା ସମୟରେ ବିନା କାରଣରେ  ଯୁବତୀ ତାଙ୍କୁ ଗୋଟିଏ ଚାପୁଡ଼ା ମାରିଥିଲେ। ଏଥିରେ ବିକି ରାଗି ଯାଇ  ଯୁବତୀଙ୍କୁ ହତ୍ୟା କରିଥିଲା।

ଡିସିପି ଗୌରବ ଶର୍ମାଙ୍କ କହିବା ଅନୁସାରେ  ଯୁବତୀଙ୍କ ନାଁରେ ହୋଟେଲ ବୁକିଂ ହୋଇଥିଲା। ସୋମବାରରେ ଅଭିଯୁକ୍ତ ବିକି ତାଙ୍କ  ଯୁବତୀ ବନ୍ଧୁ ମିଶି ହୋଟେଲରେ ପାର୍ଟି କରୁଥିଲେ। ହୋଟେଲ ରିସେପ୍ସନରୁ ଉଭୟଙ୍କ ପରିଚୟପତ୍ର ଜବତ ହୋଇଛି। ଅଲିକପୁର ନିକଟରେ ଥିବା ଖେରା କଲାନରେ ରହୁଥିବା ମୃତ  ଯୁବତୀଙ୍କ ସଂପର୍କୀୟ ରହୁଥିବା କଥା ପୋଲିସ ସୂଚନା ଦେଇଛି। ଅଭିଯୁକ୍ତକୁ ଚାପୁଡ଼ା ମାରିବାରୁ ତାଙ୍କୁ ହତ୍ୟା କରାଯାଇଛି କି ନା ଅନ୍ୟ କିଛି କାରଣ ରହିଛି ଏ ନେଇ ପୋଲିସ ଛାନଭିନ ଆରମ୍ଭ କରିଛି। ହେଲେ  ଯୁବତୀ ଜଣଙ୍କ ଚାପୁଡା ମାରିବାରୁ ଅଭିଯୁକ୍ତ ନିଶାଗ୍ରସ୍ତ ଅବସ୍ଥାରେ ତାଙ୍କୁ ମାରି ଦେଇଥିବା କଥା କହିଛି ।

   Related Posts