Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଆଜି କରୋନାରୁ ଆରୋଗ୍ୟ ହେଲେ ୧୦୨୪୨, ଖୋର୍ଦ୍ଧାରୁ ସର୍ବାଧିକ
  • ||
  • ଅନ୍ତର୍ଜାତୀୟ କ୍ରିକେଟ୍‌କୁ ଫେରିବେ ନାହିଁ ଏବି ଡିଭିଲିୟର୍ସ, ସ୍ପଷ୍ଟ କଲା ଦକ୍ଷିଣ ଆଫ୍ରିକା କ୍ରିକେଟ୍ ବୋର୍ଡ
  • ||
  • ପିସିଆର ଭ୍ୟାନ୍ ଦେଖି ପୋଖରୀକୁ ଡେଇଁ ପଡିଲେ ଯୁବକ, ମିଳିଲା ମୃତଦେହ…
  • ||
  • ଧକ୍କା ଦେଲା କାର, ଚାଲିଗଲା ସାଇକେଲ ଆରୋହୀଙ୍କ ଜୀବନ
  • ||
  • ନଦୀରୁ ନାବାଳିକାଙ୍କ ମୃତଦେହ ଉଦ୍ଧାର, ହତ୍ୟା ନା ଆତ୍ମହତ୍ୟା ?
  • ||
  • ୧୧ ବର୍ଷ ପରେ ଗିରଫ ହେଲା ଦୁଃଶାସନ, ପାରୋଲରେ ଆସି ଫେରାର ହୋଇଯାଇଥିଲା
  • ||
  • ହୃଦରୋଗ ବିଶେଷଜ୍ଞ ଡକ୍ଟର କେ.କେ ଅଗ୍ରୱାଲଙ୍କ କରୋନାରେ ଦେହାନ୍ତ, ଦୀର୍ଘ ଦିନ ଧରି ଭେଣ୍ଟିଲେଟରରେ ଚାଲିଥିଲା ଚିକିତ୍ସା
  • ||
  • ଧୋନୀଙ୍କ ତଲଓ୍ୱାରବାଜୀ ଭିଡିଓ ଭାଇରାଲ ପରେ କମେଣ୍ଟ କଲେ ରବୀନ୍ଦ୍ର ଜାଡେଜା
  • ||
  • ରାଜ୍ୟରେ କରୋନା ନେଲା ଆଉ ୨୨ଜଣଙ୍କ ଜୀବନ, ୨୩୫୭ରେ ପହଞ୍ଚିଲା ମୃତ୍ୟୁସଂଖ୍ୟା
  • ||
  • ଭାକସିନ୍ ନେବା ପରେ ଏହି ସବୁ ସାଇଡ୍ ଇଫେକ୍ଟ ଦିଏ ବିପଦର ସଙ୍କେତ, ହୋଇପାରେ ସାଙ୍ଘାତିକ : ସତର୍କ କଲେ କେନ୍ଦ୍ର ସରକାର
  • ||

ଅର୍ଣ୍ଣବଙ୍କ ବିରୋଧରେ ରୁଜୁ ହେଲା ନୂଆ ମୋକଦ୍ଦମା, ଗିରଫ ବେଳେ ପୋଲିସ ଅଧିକାରୀଙ୍କୁ ଅଟକାଇବାକୁ କରିଥିଲେ ଉଦ୍ୟମ

4/11/2020 at 8:39 PM

ମୁମ୍ବାଇ ୪/୧୧: ରିପବ୍ଲିକ୍‌ ଟିଭି ମୁଖ୍ୟ ସଂପାଦକ ଅର୍ଣ୍ଣବ ଗୋସ୍ବାମୀଙ୍କ ନାଁରେ ରୁଜୁ ହେଲା ପୁଣି ଏକ ନୂଆ ମାମଲା। ଆଜି ସକାଳେ ତାଙ୍କୁ ଗିରଫ କରିବାକୁ ଯାଇଥିବା ବେଳେ ପୋଲିସ ଅଧିକାରୀଙ୍କୁ ଅଟକାଇବା ଅଭିଯୋଗରେ  ଅର୍ଣ୍ଣବଙ୍କ ନାଁରେ ପୁଣି ଗୋଟିଏ ମାମଲା ବୁଧବାର ସନ୍ଧ୍ୟାରେ ରୁଜୁ ହୋଇଥିବା ଜଣାପଡ଼ିଛି। ଭାରତୀୟ ପେନାଲ କୋଡ୍‌ ଧାରା ୩୫୩, ୫୦୪, ୫୦୬ ଓ ୩୪ ଅଧିନରେ ଅର୍ଣ୍ଣବଙ୍କ ନାଁରେ ମାମଲା ରୁଜୁ କରିଛି ପୋଲିସ।

ଜଣେ ୫୩ ବର୍ଷୀୟ ଇଣ୍ଟେରିୟର ଡିଜାଇନର ଅନ୍ବୟ ଏବଂ ତାଙ୍କ ମାଆଙ୍କୁ ଆତ୍ମହତ୍ୟା କରିବାକୁ ଉସୁକାଇବା ମାମଲାରେ ଆଜି ସକାଳେ ମୁମ୍ବାଇ ପୋଲିସ୍ ନ୍ୟୁଜ୍ ଚ୍ୟାନେଲ୍ ରିପବ୍ଲିକର ଏଡିଟର ଇନ୍ ଚିଫ୍ ଅର୍ଣ୍ଣବ ଗୋସ୍ବାମୀଙ୍କୁ ଗିରଫ କରିଥିଲା । ପୋଲିସ୍ ଅର୍ଣ୍ଣବଙ୍କୁ ତାଙ୍କ ଘରୁ ଉଠାଇ ନେଇଥିଲା । ଗୋସ୍ବାମୀ ପୋଲିସ୍ ବିରୋଧରେ ନିଜ ସହ ମାଡ଼ପିଟ କରିବା ଅଭିଯୋଗ କରିଥିଲେ । ରିପବ୍ଲିକ ଟିଭି ଅର୍ଣ୍ଣବଙ୍କ ଘରେ ଲାଇଭ ଫୁଟେଜ ମଧ୍ୟ ଦେଖାଇଥିଲା ଯେଉଁଥିରେ ପୋଲିସ୍ ଏବଂ ଅର୍ଣ୍ଣବଙ୍କ ମଧ୍ୟରେ ଧସ୍ତାଧସ୍ତି ହେଉଥିବା ଦେଖିବାକୁ ମିଳିଥିଲା ।

ଗୋସ୍ବାମୀଙ୍କୁ ଗିରଫ କରିବା ପରେ ପୋଲିସ ମୁମ୍ବାଇର ଏକ କୋର୍ଟରେ ହାଜର କରାଯାଇଥିଲା। ଯେଉଁଠାରେ ଅର୍ଣ୍ଣବଙ୍କ ଓକିଲ ତାଙ୍କ ମହକିଲଙ୍କୁ ପୋଲିସ ଗିରଫ କରିବାକୁ ଯିବା ବେଳେ ମାଡ଼ ମାରିଥିବା ଅଭିଯୋଗ କରିଥିଲେ। ଏହାସହ ଅର୍ଣ୍ଣବଙ୍କ ପରିବାର ଲୋକଙ୍କୁ ଠେଲା ପେଲା କରିବା ସହ ତାଙ୍କ ବାସଭବନକୁ ପ୍ରାୟ ୩ ଘଣ୍ଟା ପୋଲିସ ଘେରି ରହିଥିଲା ବୋଲି ସାମ୍ବାଦିକଙ୍କ ଓକିଲ କୋର୍ଟରେ କହିଥିଲେ।

ତେବେ ଅର୍ଣ୍ଣବ ଗୋସ୍ବାମୀଙ୍କୁ ଗିରଫ କରିବାକୁ ନେଇ ବହୁ ନେତା ନିନ୍ଦା କରିଛନ୍ତି। ବିଜେପି ରାଷ୍ଟ୍ରୀୟ ଅଧ୍ୟକ୍ଷ ଜେପି ନଡ୍ଡ, କେନ୍ଦ୍ରମନ୍ତ୍ରୀ ରବିଶଙ୍କର ପ୍ରସାଦ, ନିର୍ମଳା ସୀତାରମଣ, ଧର୍ମେନ୍ଦ୍ର ପ୍ରଧାନଙ୍କ ସମେତ ବହୁ ବରିଷ୍ଠ ରାଜନେତା ମଧ୍ୟ ଅର୍ଣ୍ଣବଙ୍କ ଗିରଫଦାରୀକୁ  ଘୋର ନିନ୍ଦ କରିଛନ୍ତି।

   Related Posts