Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଋଷିକୁଲ୍ୟା ନଦୀପଠାରୁ ଆନ୍ଧ୍ରକୁ ବାଲି ଚାଲାଣ ଘଟଣା : ୭ଟି ବାଲି ବୋଝେଇ ଟ୍ରକ୍ ଜବତ କଲା ପୋଲିସ
  • ||
  • ୫ରାଜ୍ୟ ଫେରନ୍ତାଙ୍କ ପାଇଁ ସ୍ବତନ୍ତ୍ର କଟକଣା : ରହିବେ ୭ଦିନ ହୋମ୍ ଆଇସୋଲେସନ୍‌ରେ
  • ||
  • ଅଳ୍ପକେ ବର୍ତ୍ତିଲେ ବିଏସଏଫ ଯବାନ, କମ୍ବିଂ ବେଳେ ବିପୁଳ ପରିମାଣର ବିସ୍ପୋରକ ଜବତ
  • ||
  • ରାଜ୍ୟରେ ଚିହ୍ନଟ ହେଲେ ଆଉ ୮୬ କୋଭିଡ୍ ପଜିଟିଭ୍, ୩୩୭୧୦୪ରେ ପହଞ୍ଚିଲା ଆକ୍ରାନ୍ତଙ୍କ ସଂଖ୍ୟା
  • ||
  • ଖୋର୍ଦ୍ଧା : ସାରୁଆରେ ଭୟାବହ ଅଗ୍ନିକାଣ୍ଡ, ଜଳିଗଲା ଲକ୍ଷାଧିକ ଟଙ୍କାର ସମ୍ପତ୍ତି
  • ||
  • ବାରିପଦା : କୋଭିଡ ନିୟମକୁ ବେଖାତିର, ୫ଟି ଦୋକାନ ସିଲ୍‌
  • ||

୪୨ ମହଲା ବିଲ୍ଡିଂକୁ ମାତ୍ର ୩୦ ମିନିଟ୍ ରେ ଚଢିଗଲେ ଫରାସୀ ସ୍ପାଇଡର ମ୍ୟାନ, ପୋଲିସ ଦ୍ୱାରା ଗିରଫ

28/09/2019 at 9:06 PM

ଫ୍ରାଙ୍କଫର୍ଟ:  ଫ୍ରାନ୍ସରେ ସ୍ପାଇଡରମ୍ୟାନ୍ ଭାବେ ଜଣାଶୁଣା ଏଲେନ ରବର୍ଟ ଜର୍ମାନର ଫ୍ରାଙ୍କଫର୍ଟ ସହରର ସବୁଠାରୁ ଉଚ୍ଚ ବିଲ୍ଡିଂ ‘ସ୍କାଇପର’ ଟାୱାରକୁ  ଚଢି ଶନିବାର ପୋଲିସ ହାତରେ ଗିରଫ  ହୋଇଛନ୍ତି। କେବଳ ସ୍କାଇପର ଟାୱାର ନୁହେଁ ବିଶ୍ୱର ବିଭିନ୍ନ ଦେଶରେ ଥିବା ସର୍ବୋଚ୍ଚ ଅଟ୍ଟାଳିକାକୁ ରବର୍ଟ ଅକ୍ଲେଶରେ ଚଢି ଅତୀତରେ ଲୋକଙ୍କୁ ଚମତ୍କୃତ କରିଛନ୍ତି। ତେବେ ସ୍କାଇପର ଟାୱାର ଚଢି କାହିଁକି ଗିରଫ ହେଲେ ରବର୍ଟ ଆସନ୍ତୁ ଜାଣିବା।

୫୭ ବର୍ଷ ବୟସ୍କ ରବର୍ଟ ୧୫୪ ମିଟର ଉଚ୍ଚ ୪୨ ମହଲା ସ୍କାଇପର ଟାୱାରକୁ ମାତ୍ର ୩୦ ମିନିଟ୍ ରେ ଚଢିଯାଇଥିଲେ। ହେଲେ ଏଥିଲାଗି ସେ କାହାର ଅନୁମତି ନେଇ ନଥିଲେ କି କୌଣସି ସୁରକ୍ଷା ଉପକରଣର ଉପଯୋଗ କରିନଥିଲେ।  ରାସ୍ତାରେ ଯିବା ଆସିବା କରୁଥିବା ଲୋକେ ଟାୱାରରେ ଚଢୁଥିବା ରବର୍ଟଙ୍କ ଫଟୋ ଉଠାଇ ସୋସାଲ ମିଡିଆରେ ପୋଷ୍ଟ କରିବା ପରେ ଘଟଣା ପୋଲିସ ନଜରରେ ପଡିଥିଲା। ରବର୍ଟ ବିଲ୍ଡିଂରୁ ଓହ୍ଲାଇବା ମାତ୍ରେ ଅପେକ୍ଷା କରିଥିବା ପୋଲିସ ତାଙ୍କୁ ଗିରଫ କରିନେଇଥିଲା।

ପୋଲିସ କହିବା ଅନୁସାରେ କୌଣସି ଉଚ୍ଚ ଅଟ୍ଟାଳିକା ଚଢିବା ଏକ ଅପରାଧ। ଏଭଳି କରି ରବର୍ଟ ବିଲ୍ଡିଂରେ ଅନୁପ୍ରବେଶ ଉଦ୍ୟମ କରିଥିଲେ କି ନା ସେ ନେଇ ଏବେ ତଦନ୍ତ ହେବ ବୋଲି ପୋଲିସ କହିଛି। ତେବେ ପ୍ରାଥମିକ ତଦନ୍ତରୁ ରବର୍ଟଙ୍କ ଏଭଳି କାମ ଯୋଗୁ ବିଲ୍ଡିଂର କୌଣସି କ୍ଷତି ହୋଇନଥିବା ଜଣାପଡିଛି। ରବର୍ଟ ଜଣେ ଫ୍ରି କ୍ଲାଇମ୍ବର। ବିନା ରଶି ଓ ସୁରକ୍ଷା ଉପକରଣରେ ସେ ବିଶ୍ୱର ଅନେକ ଉଚ୍ଚ ଅଟ୍ଟାଳିକା ଆରୋହଣ କରିଛନ୍ତି।

   Related Posts